SERIES REVERENDORUM PATRUM PRIORUM ILICETI QUORUM CERTA EST MEMORIA AB AN. 1222 CUM ANTEA PERIERINT SCRIPTURAE

 

[Pag. 16] In cuius seriei progressu, facta et gesta omnium magistratuum eorum recensentur

 

Anno 1222

1. Beatus Pater Fr. Bandinus de Balsettis una cum Scottis Senensis invenitur hoc anno, sed non a die suae electionis, quae sine dubio fuit antea notabili tempore, cum vocetur etiam Dominus dicti loci, nempe Iliceti. Cum isto moratus est Iliceti seraphicus ille sanctissimus Franciscus, teste inter multos gravissimos scriptores Beato Philippo Agazzario Senensi, qui in Vita huius B. Antistitis pag. 57 constanter affirmat, hoc audivisse a maioribus suis, qui cum Bandino et Francisco commorati fuerant.

 

Anno 1223

2. Rev. Pater Fr. Martinus Senensis: hic appellatur Dominus et Prior Iliceti.

3. Rev. Pater Fr.  Gratianus Senensis.

Circa haec tempora, novo miraculo, surgit subterranea aqua indeficiens, uno viro ex Ilicetanis orante, cuius nomen in libro Vitae. Fit puteus ad praedictam aquam continendam in campo prope Eremum, ubi nascunttur Lapilli ad instar Adamantum formati. Angeli inter Fratres IIicetanos palam apparent publice, cum illis versantur illisq; cibum parant tempore summae egestatis.

 

Anno 1227

4. Beatus Pater Fr. Bandinus de Scottis Senensis qui supra.

 

Anno 1228

Gregorius Papa IX ex Sacro Ordine Camaldulensi, quam plurimi faciebat Ilicetanum Coenobium, ideo sub Apostolorum et suo Patrocinio accipit Eremum Ilicetanam, cunctaq; ad eam spectantia, et habitatores simul. Die 3 Febraarii.

   Idem summ. Pontifex mandat Episcopo Senensi, ut in consecratione Ecclesiae huius loci, indulgentiam de more impositurus, extendat ad omnes accedentes ad eandem  Ecclesiam. Die 5 Februarii.

   Consecratur Ecclesia ad honorem Domini sancti Salvatoris, B. Mariae semper Virginis, et sancti Benedicti, per Antistitem Senensem Bonfilium, et imponitur pro prima Dominica mensis Maij Indulgentia quadraginta dierum annuatim, in perpetuum. Die prima mensis Maii.

   Idem summus Pontifex concedit visitantibus dictam Ecclesiam septingentorum Annorum Indulgentiam in omnibus Festivitatibus B. Mariae Virginis. In die Nativitatis Domini, Ressurectionis, Ascensionis, et Pentecostes, nec non S. P. Augustini, et extenditur ad omnes Ecclesias Congregationis.  

   Fortasse circa haec tempora per dictum Summum Puntificem Greg. IX, et Bonfilium Episcopum introducitur in Coenobium Iliceti D. Benedicti Regula.

 

Anno 1230

Beatus Antonius de Patritijs Senensis, suscepto habitu Iliceti, postea apud Montecianum in Agro Senensi animam exhalavit, cuius Corpus in sacello eius nomini dicato, integrum et incorruptum cernitur et colitur.

 

Anno 1232

Beatus Petrus de Valle Rosia cognomento Lacrymosus ex Rubea Familia, viam universae carnis ingreditur, et vocem, Surgite Mortui, expectant eius ossa Iliceti.

 

Anno 1234

Beacus Petrus cognomento sanctus ad Caelum pergit Iliceti, ubi sacra eius ossa quiescunt. [Pag. 17]

 

Anno 1236

Sanctus Ambrosius Sanfedonius Senensis, antequam sacro indutus esset habitu D. Dominici, sepijssime ad nostrum desertum declinabat, ubi, singulari certamine de humani generis hoste triumphabat.

 

Anno 1243

Innocentius IV mandat Plebano S. Agnetis Senensis Dioec. ut dirimat, semota omni appellatione, quandam causam vertentem super mortuarijs et rebus alijs inter quosdam Laycos et Priorem, ac Fratres Eremi S. Salvatoris de Sylva Laci Ord. S. Augustini, instante Bandino Scotto. Die 12 Aprilis.

 

Anno 1244

Item concedit Priori et Fratribus Eremitis in Tuscia Ord. S. Augustini ut perpetuis futuris temporibus profiteantur Regulam Augustinianam, et Divinum Officium persolvant secundum Eccl. Rom. consuetudinem. Die 15 Martii.

   Idem Pontifex rogatus per supplicem libellum consentit ut Eremitae in Tuscia redeant ad observantiam Regulae S. Augustini, et absolvit eos a promissione de observando Regulam S. Benedicti. Die 28 Martii.

Idem per aliud breve impartitur Eremitis in Tuscia facultatem recitandi Officium Divinum secundum ritum Ecclesiae Romanae, atque observandi Regulam S. Augustini. Die 28 Martii.

   Idem Pontifex vult Eremitas in Tuscia Ord. S. Augustini recipere posse ad habitum, illum postulantes, eosque absolvere a censura excomunicationis, suspensionis et interdicti. Die 19 Aprilis.

   Idem Pontifex, ut Christi Fideles eo libentius concurrant ad reparationem Ecclesiarum Ordinis sancti Augustini, eis plures Indulgentias concedit penae in singulis festivitatibus easdem Ecclesias visitantibus, ut videre est in Bull. Ord. pag. 166 et in Archivio Ilicet. Die 26 Aprilis.

   Idem per aliud Diploma sub sua et B. Petri protectione recipit Domos Fratrum Eremitarum in Tuscia Ord. S. Augustini, eisque largitur multa Privilegia, Gratias et Immunitates, ut apud idem Bull. pag. 166 et Archivium Ilicet. Die 26 Aprilis.

   Idem commendat Archiepiscopis, Episcopis, Abbatibus, caeterisque Ecclesiarum Praelatis observantiam Privilegiorum Fratrum Eremitarum Ord. S. Augustini in Tuscia. Die 11 Maii.

   Item mandat Fratribus Eremitis S. Guilelmi in Tuscia, ut assumant Regulam et Ordinem S. Augustini et secundum illum professionem emittant, salvis observantijs seu Constitutionibus faciendis ab eis, dummodo eiusdem Ordinis non obstent institutis. Die 16 Decembris.

   Item pro stabilienda in perpetuum vita Regulari Fratribus Eremitis in Tuscia Ordinis S. Augustini, confirmat quasdam Constitutiones per eos editas. Die 15 Februarii.

   Item concedit Eremitis in Tuscia Ord. S. Augustini facultatem confessiones fidelium audiendis et Verbum Dei praedicandi. Die 23 Martii.

 

Anno 1247

Idem Pontifex concedit visitantibus Ecclesiam sancti Salvatoris de Sylva Laci indulgentiam quadraginta dierum in anniversario dedicationis Ecclesiae. Die 17 Aprilis.

   Idem Pontifex permittit ut Eremitae Ord. S. Augustini persolvant Divinum Officium secundum normam Breviarij per eos correcti ex statuto Regulae, et concedit, ut si aliquis eorum intersit Officio cum alijs, tunc id ei sufficiat, nec ad dicendum proprium Officium teneatur. Die 30 Iulii.

   Eremitae in Tuscia Ord. S. Augustini, ex indulto eiusdem Pont. possunt volentes aggregari eorum Collegio absolvere ab omnibus sententijs Excomunicationis, suspensionis et interdicti. Die 19 Aprilis.

 

Anno 1250

Palmerius olim Prior, et Ugolinus Canonicus Ecclesiae S. Leonardi de Sylva Lacus Senen. Dioec. ipsam Ecclesiam, quae hactenus Ord. Eremitarum S. Augustini [Pag. 18] extiterat, eidem Ordini restituerunt, ne viderentur suarum Animarum derogare saluti, ita habetur in litteris patentibus. Quam restitutionem confirmat Petrus Cardinalis S. Georgij ad Velum Aureum. Die 2 Decembris.

 

Anno 1251

Fr. Adiutus Visitator Generalis Ord. Eremitarum D. Augustini praedictum Coenobium sancti Leonardi adeo univit Monasterio Ilicetano, ut unum corpus essent dictae domus, et unum Capitulum censerentur, gubernandae ab unó Capite, qua ratione praedictus B. Bandinus extitit Prior Iliceti, et sancti Leonardi simul a praedicto Visit. Adiuto peculiari modo pronunciatus. Die 9 Decembris. Quae omnia confirmant, eisque praestant consensum Fr. Rodulphus et Fr. Paulus Eremitae dicti loci. Die 29 Decembris.

 

Anno 1252

Idem Innocentius IV primam unionem factam inter aliquos Eremitas Ord. S. Augustini confirmat. Die 15 Aprilis.

   Idem Summ. Pontifex concedit Fratribus nostrae sacrae Eremi, ut possint accipere pecunias de usuris, dummodo non sit notum cui deberentur restitui et extortores non teneantur aliam restitutionem. Titulus Bullae est, Priori et Fratribus Eremi Sancti Salvatoris de Sylva Laci Ordinis S. Augustini. Die 19 Aprilis.

   Eiusdem Pont. authoritate confirmatur unio Domus S. Leonardi facta ut supra Collegio Ilicetano Ord. S. Augustini. Die 26 Maii.

   Idem Pontifex vult Archiepiscopos et Episcopos requisitos ab Eremitis Ord. S. Augustini minime nagare, sed concedere licentiam construendi Ecclesias et Monasteria. Die 3 Augusti.

   Praedictus Pontifex unionem Coenobiorum Iliceti et S. Leonardi ut supra factam per Adiutum Visitatorem Ord. Eremitici Augustiniani, vult permanere. Die 1 Martii.

 

Anno 1255

Alexander IV summus Pontifex immortalis recordationis, praedictam unionem Sancti Leonardi, cum Coenobio Ilicetano ut supra factam per fratrem Adiutum Visitatorem et Richardum Cardinalem, corroborat. Die 25 Iulii.

   Item confirmat et ratas habet quaslibet Constitutiones editas per Fratres Eremitas Ordinis Sancti Augustini in Tuscia sub Innocentio IV. Die 25 Iulii.

   Item per aliud Breve permittit ut ingredi volentes Collegium nostrum possint recipi et absolvi ab omni vinculo excomunicationis, suspensionis et interdicti iuxta formam Ecclesiae. Die 25 Iulii.

   Idem universis Fratribus Eremitarum S. Augustini in Tuscia concedit facultatem recitandi Officium divinum secundum observantiam Breviarij ex statuto Ordinis correcti iuxta Ecclesiae Romanae morem, et qui cum alijs intersunt Officio ad dicendum proprium minime teneantur. Die 26 Iulii.

   Idem ad instar felic. record. Innocentij IV praedecessoris sub B. Petri et sua protectione suscipit Ordinem Canonice in Tuscia institutum secundum Deum et B. Augustini Regulam, eidemque Ordini multas immunitates et exentiones confirmat et concedit: extat primum exemplar in Archivio Iliceti et transumptum in Bull. Ord. pag. 2. Die 30 Iulii.

♣ Ex quibus Titulis aperte patet, longe ab hisce temporibus An. 13 praecedentibus Unionem Generalem iam Iliceti firmatum fuisse Ordinem et Regulam D. Augustini et recessisse illam S. Benedicti, casu quo fuisset ibidem intrusa in actu Consecrationis Ecclesiae ut dictum est, at nunquam in publicis aut privatis monimentis nostri Monasterij, fit mentio de tali Regula S. Benedicti postnhabita suspicione dictae Consecrationis, et Picturae in Claustro nuncupato Beatorum prseferentis aliqua gesta huius sancti.

 

Anno 1256

Alexander IV summus Pontifex, aeternae recordationis tandem Unionem Generalem Diversorum Eremitarum Ord. S. P. Augustini factam per Dominum Cardinalem Richardum [Pag. 19] Ordinis Protectorem confirmat: maior pars expeditionum Originalium asservantur in Archivio Ilicetano Dat. Die 9 Aprilis.

   Item immunes declarat Eremitas Augustinianos in Tuscia a solutione decimarum de Domibus, Virgultis, Hortis, Terris, Vineis et Possessionibus, quas proprijs manibus, ac sumptibus colunt, Die 12 Februarii.

♣ A Republica Senarum vocantur Fratres Ilicetani Senas ad commorandum, et a percelebri Abbatia s. Galgani Guidotti in Agro Senensi, accipiunt in Emphiteusim locum ss. Trinitatis et s. Ioannis in Laterino ad angulum Civitatis, occidentalem partem versus.

 

Anno 1257

Inde recedunt aliqui eorum, et ad alium locum itidem Sanctissimae Trinitati dicatum in Valle Montonis, domicilium sibi acquirunt.

 

Anno 1259

Postremo per dictos Patres Ilicetanos fundatur Percelebre Coenobium s. Augustini Senarum in loco, qui dicebatur Castellaccia s. Agathae, promovente hoc Beato Praesule Bandino Scotto.

   Idem immunia reddit Coenobia Iliceti, et S. Leonardi de Lacu a quavis portione solvenda Legatis seu Nuntijs Apostolicae Sedis. Die 26 Maii.

   Alexander IV concedit de male acquisitis usque ad libras trecentas, posse accipere Fratres Eremitas s. Augustini de Arcu Senensi, et sunt ij qui fundarunt Coenobium. Die 6 Martii.

 

Anno 1260

5. Rev. Pater Fr. Marcus Senensis.

   Beatus Pater Fr. Bandinus de Scottis, qui supra, dicitur Prior Collegij s. Augustini Senaram, ut iam dictum est inchoati.

   Urbanus IV permittit idem Coenobium recipere posse de usuris, rapinis, male quem acquisitis, viginti Marcarum argenti. Die 25 Maii.

 

Anno 1264

6. Beatus Pater Fr. Bandinus de Scottis, qui supra.

   Clemens Papa IV rogatu huius Prioris, impartitur multa Ordini nostro, quae videnda sunt in Bullario Odinis pag. 61 usque ad 64. Quorum expeditiones Originales pro maiori parte servantur in Archivio Ilicetano.

 

Anno 1265

Idem summus Pontifex concedit decem et septem Annos et totidem quarantenas Indulgentiarum toties quoties visitantibus Ecclesiam Iliceti.

 

Anno 1271

7. Rev. Pater Frater Ristaurus Senensis.

 

Anno 1274

Rev. Pater Fr. Bandinus de Scottis, qui supra, eligitur in Priorem Provincialem Provinciae Senarum per biennium.

   Nic B. Vir Bandinus, dum aliquando Coenobij Asellum furto abduci conspicaretur, ne silentij legem labefactaret, non prohibuit, nec contra abducentem verba fecit, sed Ecclesiam ingressus, prece ac lachrymis causam apud Deum egit, quarum efficacia fur, et furtum immobiles constitere, nec extra Ilices prodierunt, donec fur furtum, venia impetrata, restituerit.

   Idem Beatus Scottus plurima ad utilitatem Coenobij peregit, praesertim multa bona stabilia parando, inter quae frugifera, egregieque culta praedia della Loccaia, Viteccio e Terrenzano, ut videre est in lib. Cont. a pag. 2 usque ad 24.

 

Anno 1276

Tandem dierum et meritorum plenus, immortalitatis stola induitur, cuius venerabilia ossa extremum diem praestolantur Iliceti.

 

Anno 1277

8. Rev. Pater Fr. Philippus de Orsolinis Senensis.

 

Anno 1282

9. Rev. Pater Fr. Iacobus de Orlandis Senensis.

 

Anno 1286

10. Rev. Pater Fr. Ioannes Benincasa Senensis. Hic Venerabilis, et sapiens Vir, consanguineus erat sponsae Christi Catharinae seraphicae Senensis, cuius vestigia optime sectatus est.

 

Anno 1288

Nicolaus IV summus Pontifex concedit Indulgentiam centum Annorum Visitantibus Ecclesiam Iliceti, in die dedicationis Ecclesiae, Ascensionis Domini et Festivitatis S. P. Augustini, et per totam octavam.

 

Anno 1290

11. Rev. Pater Frater Ugo Senensis. [Pag. 20] Sub isto Beatissimus Puer Frater Ioannes de Incontris, ab Instituto Ilicetano iam capto, recedens, respiciensque retro, per Christum Dominum, forma Pastoris indutum, ad arctissimam Coenobij Ilicetani vitam revocatur.

   Respublica Senarum immunes declarat Magnum Xenodochium de Scala, Domum Domnae Agnetis, seu Hospitale S. Nicolai, Domum Misericordiae, quam hisce temporibus Domus Sapientiae dicitur, ex eo quia ibidem scientiae singulae traduntur, Patres Minores, Predicatores, Servitas, et Ilicetanos, a solutione, omnium vectigalium, ex lib. Generalis Gabellae Civit.

 

Anno 1298

Bonifacius VIII recipit totum Ordinem Eremiticum Augustinianum immediate sub Patrocinio suo, et sanctae sedis, eum eximendo a Iurisdictione cuiusvis Ordinarij. Originalis Bulla servatur in Archivio Iliceti. Dat. die 21 Ianuar.

   Item confirmat Visitantibus Ecclesiam Iliceti, et alias eidem unitas omnes Indulgentias a praedecessoribus suis concessas, reducendo eas ad Tria millia quadringenta octoginta, et octo annorum, et centum dierum, nec non ad Quarantenas duo millia septingenta, quadraginta sex, et hoc a medietate Quadragesimae usque ad Octavam Paschae, toties et quoties etc.

   Quae Indulgentiae sine ulla dubitatione, impertitae fuerunt a S. Sede, deposcente Augustino Novello Siculo a Senis, qui primo fuit sacrarij Apostolici Praefectus, et a Confessionibus praedicti Papae Bonifaci. Eo tempore, quo fuerunt concessae enunciatae Indulgentiae, iam Augustinus electus erat in Generalem Ordinis.

   Beatus Brunettus de Rubeis Pratensis transit ad Patriam Angelorum, coluntur eius exuviae apud Monasterium S. Annae extra Civitatem Pratensem.

 

Anno 1300

12. Rev. Pater Fr. Ioannes Benincasa Senensis, qui supra.

Generalis Augustinus, habitu et Patria Senensis, Generalatu se abdicavit, et inter nostros Ilicetanos numerari voluit apud Coenobium S. Leonardi de Lacu. Hic Sanctissimus Vir invitus fuit initiatus sacris Ordinibus demandante Clemente de Auximo Generali Ordinis eumque in socium assumente, cui etiam provinciam demandavit, ut Constitutiones Ordinis reformaret, et ut Generalatus totius Ordinis officium sumeret Bonifacius VIII sub merito obedientiae imperavit.

   Fuit Institutor Ordinis Hospitalis S. Mariae de Scala apud Senas, id quod satis aperte confirmant Picturae eiusdem Beati pluribus in locis appositae in Infirmaria eiusdem Hospitalis, cum iscriptionibus in quibus etiam titulo Sanctitatis condecoratur.

   Tandem clarus miraculis Animam reddidit Creatori suo apud praedictum Coenobium S. Leonardi, cuius sacra Pignora, ut secura redderentur Senas transferuntur de mandato Domini Episcopi eiusdem Civitatis, apud Aedes S. Patris Augustini, ubi honorificentissime coluntur quasi ijsdem ritibus Ecclesiae, quibus sancti in Cathalogum ascripti gaudent.

 

Anno 1312

   Quem sequitur ad Coelum B. Conus sive Bonus, eiusdem Augustini Novelli Socius et Comes inseparabilis amantissimus.

   A Ioanne XXII Pont. constituuntur defensores Privilegiorum nostrorum Episcopus Massanus, Aretinus, et Senensis, et ut Fratres Eremitas defendant a molestijs illatis. Die 28 Aprilis.

 

Anno 1314

   Declarantur immunia Coenobia S. Salvatori de Iliceto, Sancti Leonardi de Sylva Lacus a solutione collectarum, etiam pro subsidio Terrae Sanctae, ex sententia Domini Rogerij Episcopi Senarum, et Decimarum Collectoris Generalis. Die 5 Octobris.

   Sub isto Venerabili Priore Ioanne Benincasa ponuntur fundamenta pro accretione Ecclesiae Iliceti ex parte maioris Arae.

 

Anno 1314

13. Beatus Pater Fr. Umbertus de Accarisijs Doctor Parisiensis a Senis. [Pag. 21]

      Beatus Pater Fr. Ioannes de Incontris Senensis declaratur Prior Collegij sancti Augustini Senarum.

 

Anno 1324

14. Beatus Pater Fr. Nicolaus Tini de Marescottis Senensis.

 

Anno 1332

15. Beatus Pater Fr. Ioannes Incontrius Senensis.Nicolaus, qui supra. Hic etiam fuit Procurator Provinciae Senarum et Collector subsidij pro construendo Coenobio Papiensi in Coelo Aureo.

   Circa haec tempora promoventibus supradictis immediate quatuor Praesulibus, multa ad ornatum et utilitatem Monasterij aedificata fuere praesertim.

   Ecclesia Iliceti amplificata fuit in parte superiori, nempe ubi nunc est Odaeum longitudo autem eiusdem Ecclesiae ad 40 cubita protenditur.

   Constructa fuit fenestra vitrea in Odaeo contra Aram maximam, in qua eleganter expressae fuerant imagines diversae, in summa parte Domini nostri Salvatoris effigies, in media Redemptoris Crucifixi, et infra S. P. Augustini, pro mercede artifici fuerunt tantummodo solutae librae 19 et pro fulcimentis ligneis ad sustentandam fenestram solidi 10.

   Itidem fuit erecta alia fenestra circularis figurae supra portam maiorem Ecclesiae in qua diversis colori bus apparet depicta imago Deiparae Virginis coronatae eximia arte elaborata; Artifici pro integro precio lib. 20 dantur.

   Alia parata fuere hac tempestate, nempe Atrium ante Ecclesiam super Columnas lapideas fundatum, cuius longitudo procurrit ad cubita 37. Sacrarium et Odaeum, Puteus in medio Claustri, quod a Beatis nomen habet et murus Coenobium sapiens, qui murus se extendit ad cubita 640.

   Depingitur atrium antedictum, labor vero et industria Artificis mercede lib. 12 plene compensatur.

   Cuncta haec parata et completa fuere infra An. 15.

 

Anno 1333

Generalis Guilelmus de Cremona fuit Iliceti, loco mirifice delectatus et aliqua peculiaria Decreta pro conservazione et incremento maioris ac artioris observantiae reliquit.

 

Anno 1336

Deposcentibus Patribus Ilicetanis instantissime, Episcopus Senarum inhibet cunctis fidelibus, ne peterent Ilicetum in Die Consecrationis Ecclesiae prima Dominica Mensis Mai jet hoc ad evitandos tumultus; novem quadrantes dantur pro scriptura.

♣ Hisce temporibus fortasse accidit illud insigne factum, quando eadem causa nempe ad evitandas turbas Prior Monasterij indutus Vestimentis Sacerdotalibus in meritum salutaris Obedientiae praecepit cunctis Beatis Patribus defunctis Iliceti, ne in posterum impetrarent a Deo miracula.

 

Anno 1339

Tandem hic Sanctissimus, Prudentissimusque Prior Ioannes de Incontris inter has Sacras Ilices Animam reddidit Creatori, accedunt ad funus lacrymantes insigniores Patres, cum Provinciali Provinciae Senarum; moritur aetatis suae Anno 65 ibique requiescit.

 

Anno 1340

16. Beatus Pater Fr. Nicolaus Tini de Marescottis Senensis.

 

Anno 1348

Beatus Elias de Melioratis Pratensis transit ad Coelum et in Coenobio S. Annae in Patria conditur eius corpus.

   Beatus Umbertus Accarisius, qui supra Laureola coelesti post longum certamen coronatur Iliceti, sub marmoreo sepulchro ante Maiorem Aram requiescunt eius ossa. Die 20 Maii.

 

Anno 1355

Intercedente Beato isto Nicolao Marescotto Priore, liberatur Sacra Eremus a devastazione per Rempublicam Senarum facienda, ne ibidem sese Rebelles recipere possent.

   Christum sub arbore in specie Peregrini vulnerati invenit, domique curat, in descessu vero magnum violarum efflavit odorem cubiculum, in quo mansit. [Pag. 22]

 

Anno 1357

Tempore horribilis penuriae, non sine miraculo multiplicatur frumentum et vinum Iliceti, orante B. Nicolao Marescotto Priore.

♣ Guido Commissus inter Ilicetanos, qui se suspendio necavit, precibus eiusdem Nicolai Prioris ad vitam revocatur.

   Seraphica virgo Catharina Benincasia Senensis saepissime Ilicetum petijt, assumptis ex Ilicetanis a confessionibus a secretis, et socijs in itineribus suis, illisque multas ac graves Epistolas mittit, ut videre est in lib. Epist. eiusdem Virg.

   Hac aetate floruerunt Iliceti Andreas Lucensis, Paulinus Nolanus, Honuphrius et Stephanus, quos eadem Catharina Magnos Dei servos vocat in eisdem Epist.

 

Anno 1363

Numerum Beatorum adauxit obitus Dei servi Ioannis Chisij Sen. Die 28 Octob.

 

Anno 1376

Strenuus miles Dominus Nicolaus Guidonus de stirpe Saracenorum, Vir eloquentissimus, prudentia ac moribus illustris Vitam mortalem cum immortali commutavit; vult suum cadaver Ilicetum asportari, et ante Altare Sanctissimae Virginis Mariae sub honorifico lapideo sepulchro recondi.

 

Anno 1380

Beatus Guilelmus Flete Gallus Coelum ingreditur, sepulchroque clauditur Iliceti.

 

Anno 1387

Beatus Nicolaus de Marescottis meritis plenus, miraculis illustratus, onus Prioratus, quod ad hunc usque An. assidue sustinuit, cum corporis pondere deponens, immarcescibili corona decoratur in Coelo. Die 9 Februarii A. aetatis suae 85.

 

Anno 1387

17. Beatus P. Fr. Nicolaus Francisci Manentis de Cerretanis Sac. Theologiae Lector.

Hic deputatur Prior a Generali Bartholomeo Veneto viro summae integritatis, paulo ante mortem praedicti Beati Nicolai Marescotti, hoc idem instantissime deposcentis. Die 4 Martii.

♣ Sub isto Nicolao Cerretano fundamenta iaciuntur Ilicetanae Congregationis.

Humiliter instat Nicolaus absolvi ab Officio, et acceptatur eius renunciatio a Generali Ord. et sufficitur.

 

Anno 1387

18. Beatus Pater Mag. Fr. Ioannes de Tantuccis Senensis.

Declaratur Prior a praedicto Generali Florentiae. Die 3 Iulii.

 

Anno 1387

19. Beatus Pater Mag. Fr. Ioannes Senensis qui supra.

Rursus eligitur a Priore Generali Bononiae moram faciente. Die 5 Octobris.

 

Anno 1388

20. Rev. Pater Fr. Iacobus de Monte Ilcinio.

Efficitur Prior a Generali Bononiae degente. Die prima Februarii, at post paucos menses renuntiat.

 

Anno 1388

21. Rev. Pater Fr. Victorius de Senis. Die 25 Mensis Maii.

Hic etiam post mensem unum cum dimidio cessit iuri suo, at iubente superiore officium adhuc retinet.

   Glorioso transitu sacras Nostras Ilices illustravit B. Felix. Tancredus Senensis, Iliceti tumulantur eius Ossa.

   Daemon insidiarum Pater a Coeli Via distrahere volens B. Bonaventuram de Ptolomaeis, ex sacro Ordine Praedicatorum, illi, forma assumpta B. Nicolai de Marescottis, apparuit suadens, ut de divina misericordia dubitaret.

 

Anno 1391

Beatus Ioannes ex Familia Tantuccia Senensis, qui supra Corona decoratur aeterna Iliceti.

 

Anno 1392

22. Beatus Pater Fr. Nicolaus de Cerretanis, qui supra. Die 17 Octobris.

 

Anno 1392

23. Beatus Pater Fr. Nicolaus de Cerretanis, qui supra denuo eligitur. Die 17 Octobris. Per litteras Patentes Reverendissimi P. Generalis Veneti.

   Beatus Antonius Niciensis Gallus e vivis cessit et ad Patrem misericordiarum accessit Iliceti.

 

Anno 1396

Venerabilis, Beatusque Vir Nicolaus de Cerretanis, mortuorum numerum adauxit Senis apud Coenobium D. P. Augustini, ibique ubi iam aegrotaverat, caduca spolia reliquit. [Pag. 23]

 

Anno 1396

24. Rev. Pater Fr. Bartholomeus a sancta Flora sacrae Theologiae Lector, per litteras Patentes eligitur in Priorem a Reverendissimo Veneto. Die 15 Iunii.

 

Anno 1397

Idem Generalis Venetus dirimit litem inter Coenobium S. Augustini et Iliceti ortam circa spolia B. Nicolai de Cerretanis. Die 20 Iulii.

 

Anno 1398

25. Beatus Pater Fr. Philippus Leonardi Colae de Agazzaria Sen. Die 15 Maii.

 

Anno 1401

Nicolaus de Cassia Generalis Ordinis Cellas signatas num. 14 et 15 in Dormitorio inferiori Coenobij S. Augustini Senarum, quae erant prope illam, qua utebatur Nicolaus de Cerretanis confirmat Ilicetano Coenobio, multando poena spirituali et corporali impedientes etc. Dat. Senis Die 7 Aprilis.

 

Anno 1404

Idemmet Generalis aliam Cellam signatam num. 12 concedit et iungit duabus primis, volens earum claves esse apud Ilicetanos. Dat. Senis Die 15 Octob.

Fundamenta ponuntur Turris in defensionem loci. Die 11 Februarii.

 

Anno 1406

Beatus Macharius Senensis pie obdormivit in Domino Iliceti.

 

Anno 1407

Idem Generalis, qui supra vult omnia bona acquisita, vel acquirenda a Patribus Ilicetanis, pleno iure pertinere ad Coenob. Iliceti. Dat. Romae Die 1 Martii.

   Gregorius XII omnia contenta in praecitatis litteris confirmat, supplendo omnes defectus, si qui intervenerint; addendo etiam Fratres dicti Coenobij posse eligere Priorem confirmandum a Generali infra quindecim dies, per annum duraturum, cum facultate denuo eum confirmandi, sive iterum eligendi.

   Item ut sine assensu maioris eorum partis Fratrum ibi degentium pro tempore, nullus inde queat removeri, vel ad eos aliquem mittere, nisi per summum Pontificem. Die 21 Martii.

   Praedictus Pontifex alio diplomate, haec omnia supradicta confirmat, petente eodem Philippo Agazzario, extendens cuncta haec Privilegia ad omnes successores. Die 23 Septembris.

 

Anno 1408

Perficitur Turris, circa quam erectionem plurimum insudavit et alsit B. Christophorus Landuccius, et trium Annorum spacio excitatur in Propugnaculum loci et adiacensium ab incursionibus inimicorum. Die 31 Decembris.

   Quae Turris, et si sit notabilis altitudinis et latitudinis magnificentissime constructa, tamen non inveniuntur solutae in pecunia numerata nisi librae 75 et pro integro precio usque ad florenos Quingentos dantur diversa comestibilia, longitudo, sive altitudo eius cubitis 46 et latitudo in fundamentis 80 in medio circumcirca 66 ponigitur.

♣ Circa haec tempora praedictus Gregorius XII summ. pont. dum Lucensem Civitatem peteret, Ilicetum pervenit.

nì pei'iieriiti

   Aedificata Turre, fit dispersio linguarum, ex indulto enim praedicti Greg. ex tribus et decem Patribus ac Fratribus, qui Iliceti degebant de familia, Decem vestigia sequuntur B. P. F. Stephani Ioannis de Cionis Civis Senensis, et B. P. F. Iacobi Andreae itidem Senensis, qui primo apud Civitatem Lucensem, mutato habitu, secundum formam expressam in Diplomate Pontificis. Dat. Lucae Die Martis 3 April. hora tertiarum vel quasi, novo induuntur. Die 24 Apr.

   Qui duo Patres postea Fesulanam Civitatem accersiti ibidem alijs decem Patribus vocatis in Coenobio S. Dominici Patriarchae, vigore praedicti indulti, eumdem novum habitum Canonicalem, tradunt. Die 25 Iunii.

   In quatuor diplomatibus ad hanc mutationem pertinentibus, non solum assignatur forma praedicti habitus tradendi, una cum Legibus et Constitutionibus ab Episcopis Florentino, Crassetano, et Massano, sed etiam et Titulus, qui est fratres sancti salvatoris etc. ut videre est apud Archivium Ilicet. ubi prima exemplaria existunt, et in lib. privil. a pag. 44 usque ad 61.

   Redeunt Ilicetum Duodecim novi Canonici, ad omnia, tantum reluctante quodam Fratre Cecco Berti Rossi de Toiano Layco: ubi Stephanus iam virtute [Pag. 24] praedicti Diplomatis effectus Commissarius Apostolicus novi Instituti, congregat Capitulum Canonicorum, in quo eligitur PRIOR Monasyerij.

 

Anno 1408

26. Beatus Pater Fr. Philippus de Agazzaria Sen. qui supra. Die 2 Iulii.

Huic novitati strenue contradicunt Patres Coenobij S. Augustini Senarum viribus suffulti Reipublicae: erant enim ea aetate illi Patres potentes sermone et opere, et genere inter nobiliores, quare cogunt Canonicos denuo accedere ad eundem Pontificem, a quo accepto alio Diplomate, obtinent facultatem redeundi, si vellent, ad pristinum statum Eremiticum, et ex praedictis duodecim, septem redeunt, superstitibus Fratre Stephano et Iacobo, cum alijs tribus. Dat. Breve Arimini Die 20 Novembris.

   Qui recesserunt ab Eremitico Instituto, fuerunt hi, Fr. Stephanus de Cionis Sen., Iacobus de Senis, Philippus Agazzarius Senensis, Ioannes Francisci de Staggia, Dominicus Ughi de Ugolinis, Ioannes Tosi de Salimbenis, Regulinus Angelini Sen., Ioannes Antonij Senen., Andreas Angelini de Regolinis Sen., Franciscus Ioann. Sen., Bartholomaeus de Salvis, et Christophorus de Landuccijs, hi duo ultimi Layci senenses.

   Hi, qui redierunt, sunt: Philippus de Agazzaria, Ioannes de Staggia, Ioannes de Salimbenis, Ioannes Antonij, Andreas Angelini, Franciscus Ioannis, Bartholomaeus de Salvis, et Christophorus Landuccius.

   Istis septem, qui reversi sunt ad Habitum Eremiticum, Capitulatim congregatis, per eorum suffragia iterum in Priorem eligitur.

 

Anno 1408

27. Beatus Pater Fr. Philippus de Agazzaria Senensis qui supra.

 

Anno 1419

Augustinus Romanus Generalis Ordinis, cum facultate totius Capituli Generalis, celebrati Astae in Gallia Cisalpina libere amplificat cuncta Privilegia Coenobio Ilicetano concessa a Praedecessoribus suis, et declarat praecise ne quidem minimum gratiarum, amississe, ob recessum a nostro Instituto.

   Item vult Patres Iliceti post mortem B. Philippi, posse sibi eligere Priorem, qui sit etiam Vicarius Generalis aliorum Coenobiorum Ilicet unitorum. Die 1 Sept.

 

Anno 1420

Idem Prior Generalis facultatem concedit Ilicetanis Hospitium sumendi sive intra, sive extra moenia Civitatis Senarum. Die 12 Aprilis.

   Item declarat, omnia bona, quae erant ad usum B. Nicolai de Cerretanis, pertinere ad Ilicetanum Coenobium, et eidem in amplissima forma confirmat cuncta privilegia concessa a praedecessoribus suis, simul et tres Cellas in inferiori Dormitorio Monasterij S. Augustini, de quibus supra, ad usum Ilicetanorum alias assignatas.

 

Anno 1420

28. Beatus Pater Fr. Philippus, qui supra declaratur Prior, et Vicarius societatis ab Augustino Generali, durante eiusdem Agazzarij vita. Die 18 Aprilis.

   Martinus V Sum. Pont. Romam rediturus, Ilicetum lustravit. Die 20 Aug.

 

Anno 1422

Beatus Philippus Agazzarius, qui supra, ultima senectute confectus Prioratu se abdicat, et remanet tantum Vicarius Generalis Societatis.

♣ Cum sigillum officij, nempe Prioratus esset commune cum Vicariatu, propter hanc abdicationem variatum est; apud Priorem Iliceti remanet antiquius, in quo, scilicet in maiori apparet Imago Salvatoris a pectore usque ad caput, in minori vero Crux supra tres montes, hinc inde Ilicei Rami affixo Cruci servatore, circa maius vero ista leguntur verba, sigillum conventus s. salvatoris cong. iliceti circa minus, qui per crucem et sanguinem redemisti nos.

 

Anno 1422

29. Rev. Pater Fr. Augustinus Iusti Florentinus.

Beatus Pater Philippus de Agazzaria, ab Aulam caelestem vocatur, cuius sacrum Corpus Ilicetum condecorat. Praedictus Augustinus sponte recedit ad officio Prioratus.

 

 

Anno 1424

30. Rev. Pater Fr. Iacobus Senensis. [Pag. 25]

 

Anno 1425

31. Rev. Pater Fr. Lucas Nicolai de Senis, sacrae Theologiae Lector. Huic mandatur in meritum salutaris obedientiae, ut Officium Prioratus acceptaret, electionique minime contradiceret. Huius etiam opere et virtute Respublica Senarum sepissime in negocijs arduis et difficilioribus usa fuit.

 

Anno 1428

Idemmet postea eligitur in Priorem Monasterij S. Augustini Senarum.

 

Anno 1428

32. Beatus Pater Fr. Matthaeus de Licignano Vallisclanarum.

 

Anno 1431

Eugenius Papa IV Ilicetum invisit circa haec tempora.

 

Anno 1433

Beatus Stephanus Cionius suorum laborum praemium habet Bononiae, ubi conditur eius venerabile corpus miraculis illustre.

 

Anno 1434

33. Beatus Pater Fr. Matthaeus Francisci, qui supra, prosequitur officium. Per Reverendiss. Generalem Gerardum de Arimino cuncta Privilegia Generalia concessa Ilicetano Collegio extenduntur ad Coenobium S. Antonij de Petriolo. Die 5 Aprilis.

   Idem Pater Generalis denuo confirmat omnia Privilegia Ilicetano Monasterio concessa. Die 18 Maii.

   Beatus Iacobus Andreae sequitur ad Caelum Stephanum, quem socium inseparabilem habuit in terra.

 

Anno 1435

Anima Beati Ioannis Christophori de Salimbenis Senensis ad superos ascendit, corpus vero eius Iliceti iacet.

 

Anno 1436

Hic Beatus Mattheus a Lucignano Prior, qui supra, officium et mundum deserit, pergit Anima eius ad astra, corpus remanet Iliceti.

 

Anno 1438

34. Rev. Pater Fr. Hieronymus Angeli Bartholomaei de Senis.

Eugenius Papa IV mandat Georgio Ptolemaeo, Federico Petruccio et Sebastiano Bilotto Canonicis Ecclesiae Senarum, ut iuridice dirimant litem inter Coenobium Iliceti et S. Augustini de Senis circa quasdam Possessiones Montis Albutij. Die 14 Martii.

 

Anno 1438

35. Rev. Pater Fr. Hieronymus Angeli, qui supra. Confirmatur in Priorem a Generali Gerardo Ariminensi pro altero anno.

♣ Qui Generalis etiam mandat, ut in posterum Prior eligatur a Familia Coenobij, et ut Prior eodem tempore non possit esse Vicarius Congregationis, nec alicuius loci, et ut in electione interveniant tantum illi, qui sunt in sacris ordinati. Die 23 Iulii.

 

Anno 1439

36. Beatus Pater Fr. Bartholomaeus de Ptolomaeis Senen.

Eugenius IV, qui supra, immunem declarat locum Iliceti a solutione omnium collectarum. Die 27 Decembris.

   Aedificatur Turris pro Campanis Arae Maiori propinqua, et emitur Campana maior a Domino Episcopo Senarum. Fundamenta iaciuntur sacelli B. Ioannis de Incontris in maiori Viridario, illo in loco praecise, ubi Christus tanquam Pastor Ioanni apparuit, eum ad Caulam Religionis revocaturus.

   Abbas S. Galgani in Agro Senensi denuo concedit Collegio Ilicetano, cum aliquibus pactis et conventionibus Ecclesiam SS. Trinitatis apud Portam Laterini Senis. Die 29 Martii.

 

Anno 1442

37. Magister Pater Fr. Hieronymus Nicolai de Bonsignoris Senensis. Sub isto Claustra quae Beatorum appellantur picturis ornantur. Item circunducitur murus et clauduntur nemora omnia a parte occidentali. Comes Carolus Sfortia de Attendulis, Ilicetum magno comitatu petijt. Die 18 Ianuarii.

   Idem Comes Habitum sacrum Eremiticum sumit, Gabrielque vocatur. Die 27 eiusdem mensis. [Pag. 26]

Alijs picturis exornatur Atrium maius extra Ecclesiam ex illa parte, in qua Paradisus apparet depictus, dantur Artifici pro integro precio lib. 12. Terminantur cuncta ad ornatum sacelli B. Ioannis Incontri, ut dictum est, inchoati.

   Eugenius IV Pontifex Max. vult Electionem Prioris Iliceti fieri a Patribus eiusdem Coenobij, et confirmationem pertinere ad Vicar. Gener. Congreg. qui etiam possit eligi per annumm in Priorem dictae domus absque alia confirmatione. Die 6 Sept.

   Idem Pont. libere tradit Ilicetanis Locum SS. Trinitatis ad ripas Burgi Laterini prope muros Civitatis Sen. olim ab ijsdem acquisitum, ut dictum est. Die 28 Sept.

   Praedictus Pontifex concedit omnibus Iliceti commorantibus et visitantibus tria Altaria omnes Indulgentias Urbis dicendo Psal. Miserere mei etc. cum Pater noster et Ave Maria, et Oratione Deus omnium fidelium etc. nescientes vero legere tantum dicant Orationem Dominicalem et Salutationem Angelicam, et qui non valuerit ob infirmitatem, vel aliam ob causam ad dictam Ecclesiam accedere, easdem Indulgentias consequatur, visitando Altare Maius illius Ecclesiae ubi fuerit, dicendo Orationes supradictas. Die 4 Decembris.

   Idem Pont. concedit Ilicetanis Patribus, ut possint in articulo mortis eligere sibi confessarium idoneum, a quo valeant plenarie abolvi et possit commutare eis ieiunium, et differre in alium diem. Die 7 Decembris.

 

Anno 1446

Beatus Regolinus Angelini 2 Generalis Canonicorum S.Augustini, secutus Stephanum ab Iliceto, diem suum vidit extremum, inter suos Canonicos.

 

Anno 1447

Ingreditur Religionem habitumque sumit Anselmus Lolli de Mandextris a Montefalco in Umbria per manus Reverendissimi Alexandri Saxoferratensis, statim ad Ilicetanum Tirocinium mittitur, et tempore probationis completo, emisit suam solemnem professionem, nomine huins Coenobij. Die 19 Maii.

 

Anno 1448

Beati Dominici Ugolini Senensis Anima, aeterna fruitur gloria.

 

Anno 1449

Decessit Beatus Andreas de Regolinis Senensis Iliceti. Deferuntur circa haec tempora Flores et Rosae, ex Iliceto Senas, quae infirmis illico reddunt, non sine miraculo, sanitatem.

 

Anno 1450

38. Rev. Pater Fr. Bartholomaeus Urbani de Ptolomaeis Senensis.

 

Anno 1451

Moritur Iliceti Beatus Franciscus Nanni de Nutis Senensis.

 

Anno 1454

Frater Gabriel Sfortia, qui supra, sedente Nicolao V, Archiepiscopus Mediolani declaratur, tunc temporis erat Magister Novitiorum Iliceti.

 

Anno 1456

39. Rev. Pater Fr. Hieronymus Bonsignorius Senensis, qui supra.

Idem Gabriel Archiepiscopus vir probatissimae vitae, cum per tres annos Ecclesiam suam sanctissime gubernasset, obdormivit in Domino, et in Deiparae Coronatae Augustinianorum suorum Aede sepelitur. Die 12 Sept.

 

Anno 1458

40. Rev. Pater Fr. Hieronymus de Bonsignoris, qui supra, permanet in magistratu. Pius II Picolomineus declarat Ilicetum non amississe aliquod Privilegium, ob transitum ad statum Canonicalem. Die 8 Martii.

 

Anno 1459

Idem Summ. Pont. Pius ad Ilicetum percupide declinavit, ubi per duos dies commoratus est cum tota cohorte, magna populorum utriusque sexus concurrente caterva, accessit. 4 Aprilis. Die Mercurii, hora vespertina.

♣ Pius speciali modo invisit Christophorum Landuccium, statim in ingressu Monasterij quaerens ubi nam esset, in Viridario, inquiunt Fratres, accurrenti Pontifici Christophorus, audito tumultu, obviam venit, et genuflexus Pontific iam benedictionem petis, quem aspiciens Pontifex, ad suos conversus, praecipue ad Sex Cardinales ait, Putamus Animam huius Fratris esse sanctam.

   Largitusque est ei Pontifex multa, at ipse nil aliud voluit, quam Indulgentiam plenariam in articulo mortis, et unum calceamentum Pedum eius, quod obtinuit, et adhuc servatur Iliceti mira Beati humilitas.

   Vult idem Pontifex per Fratres in fessoria sella asportari circumcirca in saltum benedicens, [Pag. 27] audiensque maxima animi sui voluptate Populum clamantem Benedictus qui venit in nomine Domini.

   Item ex propria liberalitate et pietate, Pius dat Ecclesiae Iliceti Imaginem Deiparae semper Virginis a D. Luca depictam, quae adhuc ibi servatur et colitur singulari populorum concursu.

   Idem summus Pontifex Plumbea sigilla, quae postremo sustinuit Fr, Nicolaus Eremita Augustinianus, tradidit Fratri Liberato Nicolai Ananiae, patria Romano, filio domus Iliceti Layco.

   Pius declaravit ac pronunciavit ad Monasterium Ilicetanum pertinere duo praedia nempe Montis Albutij et Quercetani, a Patribus Collegij S. Augustini occupata ob transitum ad praedictum statum Canonicalem, horum alterum praediorum alienatum modo est. Datur Breve. Die 22 Aprilis.

   Ex privilegio eiusdem Pontificis unitur Collegio Ilicetano Ecclesia Plebana S. Ioannis Baptistae de Monte Castelli. Die 24 Iulii.

 

Anno 1459

Idem Pontifex fuisse Iliceti animi relaxandi causa confitetur per suam Bullam incipientem Ex Universo nobis etc. Die 1 Augusti.

 

Anno 1460

41. R. P. Fr. Bartholomaeus de Ptolomaeis, qui supra, denuo eligitur.

♣ Praedictus sanctissimus Pontifex Pius, Senis degens, inter sacros Principes Cardinales sponte sua, penitus nescientem Alexandrum de Oliva Saxo Ferratensem Ordinis Eremitici priorem Generalem, ac Caenobij Ilicetani filium adoptivum et Seniorem cooptavit. Die 5 Martii.

 

Anno 1461

42. Magister Pater Fr. Hieronymus Bonsignorius secundus Senensis instituitur Prior pro uno Anno. Die 4 Ianuarii.

   In Memoriam adventus Pij II Pont. Optimi in loco, qui dicitur Mons Thabor, ubi pluries idem Pontifex cum tota Cohorte fuit, construitur sacellum, Pio Papae et Martyri dicatum tercentis et septuaginta cubitis distans a Coenobio, et solemni pompa benedicitur locus et ponuntur fundamenta hora 22 Mercurij quatuor temporum. Die 16 Septembris.

   Obijt Beatus Christophorus Landuccius et Iliceti tumulatur in angulo Ecclesiae apud Aram maiorem ad Cornu Epistolae.

 

Anno 1462

43. Beatus Pater Fr. Bartholomaeus de Ptolomaeis, qui supra, denuo eligitur..

 

 

Anno 1463

Exemptio a solutione Collectarum concessa Coenobio Ilicetano extenditur ad Congregationem Carbonariam Ordinis S. Augustini per Diploma Pij II. Die 1 Aprilis.

   Tybure vita functus est B. Alexander Oliva Cardinalis ab Iliceto, Romam transfertur eius Cadaver in Templo D. S. Augustini sepelitur. Die 21 Iulii.

   Coenobium Ilicetanum ab isto Cardinali condecoratum fuit multis donis, praeciosaque supellectile, et praesertim multorum Aulaeorum, usque in hodiernum diem extat memoria.

 

Anno 1464

44. Rev. P. Fr. Bartholomaeus de Ptolomaeis, qui supra.

 

Anno 1466

45. Beatus Pater Fr. Antonius de Montecchio, qui supra.

 

Anno 1468

46. Rev. Pater Fr. Bartholomaeus de Ptolomaeis, qui supra.

 

Anno 1470

Hic praestantissimus Pater Romam petens ob gravissima peragenda negocia, in morbum incidit, Ilicetum redijt, ibique lachrymatus ab omnibus decessit. Die 20 Februarii.

   Nobilis Dominus Bartholomaeus Antonij Petruccij moritur Senis, et mandat asportari suum Cadaver Ilicetum, ibique habitu nostro Eremitico indutum sepeliri. Die 14 Decembris.

   Beatus Petrus de Scitonio ex Domo Fatta al Buio, ingreditur Caelum illustratus meritis, et tumulatum est eius Cadaver Iliceti.

 

Anno 1471

47. Beatus Pater Fr. Antonius de Montecchio, qui supra. [Pag. 28]

 

Anno 1475

Ex Decreto Reipublicae Senensis Patres Ilicetani possunt retinere quascunque Bestias apud unum praedium ex suis in Sylva Lacus Communis Senar. Die 26 Ianuarii.

 

Anno 1476

Sixtus Papa IV Anathematizzat omnes detinentes seu occultantes Privilegia Domus et Congregationes Iliceti. Die 8 Februarii.

 

Anno 1479

Anselmus a Montefalco Ilicetanus acclamatur a Patribus Ilicetanis in Vicarius Generalis Congregationis.

♣ Instante Domna Bartholomaea de Albizeschis tertiaria Ilicetana, sanctus Bernardinus Albizescus Senensis ex seraphica Religione eiusdem B. Bartholomeae Nepos, acceptatus fuit ad Habitum Eremiticum in Coenobio Ilicetano, testibus Domino Antonino Archiepiscopo Florentino et Aloysio Lypomano et alijs. In vita eiusdem sancti Bernardini.

 

Anno 1480

Eadem B. Bartholomaea, post temporales Nuptias, ad aeternas transivit.

 

Anno 1481

Iste B. Prior Antonius ex mandato et peculiari praecepto Reverendissimi Ambrosij de Cora Generalis Ordinis solemni pompa, capit corporalem possessionem Monasterij S. Augustini S. Geminiani. Die 20 Iulii.

 

Anno 1482

Magister Pater Fr. Marianus a Genezzano Vir undique percelebris Congregationi nostrae fuit adiunctus unanimi Patrum consensu.

   Anselmus a Montefalco, qui supra, denuo eligitur Vicarius Generalis Congregationis.

 

Anno 1484

Marianus de Genezzano praeficitur Vicarius Generalis Congregationis Ilicetanae. Fundamenta construuntur Triclinij Iliceti et perficiuntur usque ad testudinem, precio centum florenorum.

 

Anno 1485

Construitur Dormitorium in superiori parte Coenobij proxime supra Triclinium. Anselmus, qui supra, Vicariatum Apostolicum totius Religionis obtinuit, obeunte Ambrosio Corano, Innocentij VIII ex Decreto.

 

Anno 1486

Postmodum in comitijs Generalibus Senis habitis, eligitur Prior Generalis. Die 14 Maii.

Mariano Genezzanensi, qui supra, homini Consules Artis sericae dono dant Coenobium S. Mariae apud Portam S. Galli de Florentia. Die 4 Decembris.

 

Anno 1487

48. Rev. Pater Fr. Thomas Mariani de Ghinucciis Senen. Magister Fr. Marianus, qui supra, itidem pro secunda vice ad Vicariatum Generalem Congregationis Ilicetanae assumitur. Isti duo nempe Thomas et Marianus pietatis ergo sacram Hierosolitanam Civitatem petunt, indeque afferunt, et Iliceto donant particulam ex ligno Antris, in quo natus est Christus Dominus noster.

 

Anno 1489

49. Magister Pater Fr. Marianus de Genezzano, qui supra.

   Franciscus Ioannis, Ludovici de Senis, seipsum, et cuncta sua bona libere offert Patribus ac Fratribus Monasterij Iliceti. Die 23 Novembris.

   Innocentius VIII confirmat Magistro Fratri Mariano locum S. Galli de Florentia. Die 8 Septembris.

 

Anno 1490

50. Beatus Pater Fr. Antonius de Montecchio, qui supra.

   Vir quidam Nobilis senensis nomine Iacobus Magistri Martini e vivis sublatus est Senis, mandat Ilicetum transferri suum Corpus, et ante Aram S. Annae suo marmoreo sepulchro tumulari voluit. In sepulchro apparent Insignia, quibus utitur Domus de Venturis: sed quia non sunt coloribus distincta, nescitur an sint praedictae familiae, vel potius Faccalumiae, quae  iam diu extincta est, tum prima, tum altera inter Senenses Nobilis.

 

Anno 1491

51. Beatus Pater Paraclitus Ioannis de Binis a S. Angelo in Colle, in Agro Senensi.

Anselmus Ilicetanus iterum eligitur Prior Generalis totius Ordinis a Patribus Vocalibus Romae congregatis. Die 22 Iunii.

 

Anno 1492

Magister Marianus de Genezzano dicitur Prior S. Mariae de Populo in Urbe. [Pag. 29]

 

Anno 1494

Haec aetate mors accidit B. Augustini de Aretio Iliceti, ibique expectant eius ossa ultimum Iudicij diem.

 

Anno 1495

Magister Hieronymus de Bonsignoris, nonagesimum nonum attingens annum, moritur Iliceti, a multis scriptoribus titulo Beati condecoratur. Die 11 Iunii.

   Huius industria ac solertia Coenobium nostrum caepit habere bona Immobilia in ditione Oppidi Montalcinelli.

   Marianus a Genezzano, ab Iliceto, deposcente Anselmo Senio Confecto, ab Alexandro VI declaratur Vicarius Generalis Apostolicus totius Ordinis. Die 16 Augusti.

   Respublica Senarum concedit Coenobio Ilicetano non teneri de bonis eidem relictis solvere de praestantijs, nisi pro una parte, et qui ingressus fuerit Religionem, de eiusdem bonis sic ingressi nil debere solvere. Die 28 Novembris.

 

Anno 1496

52. Beatus Pater Fr. Gabriel Mariani de Ghinuccis Senensis.

   Eligitur in Capitulo celebrato ex indulto Apostolico, Mariano a Genezzano Vicario Generali Apostolico Praesidente. Die 11 Decembris.

   Fuit constructum Atrium maius Senas versus, cuius longitudo protenditur ad Cubita 62.

   Construuntur scamna Commensaria et sessoria in Refectorio, et in eius Atrio, quod silentium dicitur, et extenduntur ad Cubita 106. Artificibus dantur lib. 462. Inchoata fuere. Die 5 Iulii.

   Lignea sedilia pro Triclinio, in loco, qui silentium dicitur, ad finem quasi perducuntur.

   Nicolaus Sergardius et socij Emptores Gabellarum Reipublicae Senensis, apud portas Civitatis confirmant omnia Privilegia concessa de non solvendis praedictis Gabellis per Decretum. Die 15 Ianuarii.

   Comparantur duo praedia nempe Botracinaia et Spagna in Territorio Montalcinelli, Procuratore Fr. Nicolao de Marinellis. Die 3 Aprilis.

   Beatus Antonius a Montecchio intrat in gaudium aeternum Domini sui. Die 13 Augusti.

   Circa haec tempora conscribuntur lib. 18 Odaeo destinati, mira arte perpicti, quorum plerique per venerabiles Moniales S. Marthae Senarum elaborati sunt, impensis Anselmi Generalis et Cardinalis Aegidij Viterbiensis.

 

Anno 1497

Moritur Anselmus Mandextrius Romae apud S. Mariam de Populo, relicto miro sanctitatis Odore.

   Anselmi cadaver Ilicetum transfertur opera Aegidii Viterbiensis et Pij III Pont. Max. tunc temporis Cardinalis, conditur in muro ad dexteram maioris Arae, eo deposcente, diademate ac titulo Beatorum condecoratur.

   Marianus a Genezzano concordi Electorum Suffragio in Capitulo Generali Romae celebrato, totius Augustiniani Ord. Prior Gener. dicitur. Die 14 Iunii.

   Ab Alexandro VI mittitur Marianus Legatus ad Pisaurentium Regulum.

   Iterum ab eodem Alexandro ad Regem Neapolitanum mittitur Legatus.

♣ Marianus Roma discedit Neapolim versus, cum esset apud Puteolos orta est tempestas valida, ita ut mergeretur Navis, quae, ut agilior esset, exoneratur, proiectis bonis omnibus, quae erant in Navi, interquae Liber grandis rerum gestarum ab Ilicetanis a fundatione Coenobij, usque ad Unionem Generalem, praelo tradendus (proh dolor) amissus est. Ex Aegidio Card. Paneg. pro Monast. Ilicetano.

 

Anno 1498

Diem suum clausit extremum Marianus Generalis Suessae, dum Neapoli, Romam revertitur, cuius Ossa Ilicetum transferuntur, et una cum Ossibus Anselmi reconduntur per Aegid. Viterb. Ilicetanum Cardinalem. Decessit Mense Decembris uterque lachrimabile iter. [Pag. 30]

 

Anno 1499

53. Beatus Pater Fr. Lactantius Piccolomineus Senensis. Die 23 Aprilis.

Construitur testudo Loci, qui Capitulum dicitur ex eo, quia in Acta Capitularia aguntur, et Capitulum de Culpis tenetur precio lib. 140. Impensis Magistri Mariani de Genezzano.

   Item eiusdem impensis aedificatur Dormitorium supra triclinium valore lib. 394. Sub isto regimine terminatur Ambulacrum a parte superiori, quod respicit septentrionem, iam, ut dictum est, inceptum.

   Coenobium Sanctissimae Trinitatis et S. Ioannis ad Portam, seu Ripas Burgi Laterini, coguntur Ilicetani relinquere, quia non fuit solutus Canon duarum librarum cerae solvendarum in die festivitatis S. Mariae Magdalenae.

 

Anno 1500

Aedificatur Dormitorium alterum in superiori parte apud Ecclesiam supra Capitulum, cum Cubiculis precio librarum 538.

 

 

Anno 1501

54. Beatus Pater Fr. Paraclitus Binus, qui supra. Die 15 Aprilis.

 

Anno 1503

55. Beatus Pater Fr. Paraclitus, qui supra, denuo eligitur. Die 30 Aprilis.

Aegidius ex Gente Canisia Viterbiensis, Vir peritissimus, Concionator eximius inter Ilicetanos cooptatur, interque filios Iliceti conscribitur. Die ut supra.

♣ Magister Fr. Augustinus Interamnas enixe petens in Capitulo Generali Congregat. Iliceti habito, fuit unitus Congregationi, et declaratus filius Coenobij Iliceti a Patribus, ad quos spectabat, dispensantibus etiam cum eo, ut posset libere reddere suffragium in omnibus. Die ut supra.

   Eodem tempore fuit similiter addictus Congregationi, et filius Iliceti declaratus P. Fr. Nicolaus Francus, qui postea inter Beatos ascriptus fuit.

 

Anno 1504

56. Beatus Pater Fr. Paraclitus, qui supra, denuo eligitur. Die 21 Aprilis.

Idem Magister Fr. Augustinus mortuo Gratiano Fulginate Generali Ordinis, totam Religionem gubernat, uti Vicarius Generalis Apostolicus.

 

Anno 1505

Idem postea Perusij, habita Synodo Generali per Patres Augustinianos eligitur in Priorem Generalem sub Iulio secundo. Die 6 Septembris.

 

Anno 1506

57. Beatus Pater Fr. Seraphinus Danielis Angeli de Ferris Florentinus. Die 27 Aprilis.

Magister Aegidius Viterbiensis, qui supra a Iulio II, Vicarius Generalis Apostolicus totius Ordinis declaratur. Qui postea Neapoli in Capitulo Generali eligitur in Priorem Generalem totius Ordinis. Die 23 Maii.

Quinque Patres ex Ilicetanis secum adduxit, ut secum Oneri Generalatus succumberent.

   Beatus Arnaldus Neracensis Gallus defunctus est Iliceti, et prope Ecclesiam ad Portam Claustri sepelitur. Die 27 Decembris.

 

Anno 1508

58. Rev. Pater Fr. Lactantius Piccolomineus, qui supra. Die 7 Maii.

 

Anno 1509

59. Beatus Pater Fr. Basilius Senensis Confessor et Praedicator, Officium terminat pro Lactantio absente.

 

Anno 1510

60. Beatus Pater Fr. Seraphinus de Ferris, qui supra. Die 14 Aprilis.

Pater Fr. Lactantius Piccolomineus, qui supra, fuit hoc Anno Vicarius Generalis Coenobij sancti Augustini de Urbe.

   Claustra, quae nova appellantur, ad ipsum introitum Coenobij, quae protenduntur ad cubitos 185, inchoata fuere, et Dominus Hieronymus Episcopus Pientinus, ex familia Piccolominea pro constructione, ex propria liberalitate solvit 400 scuta.

 

Anno 1512

61. Rev. Pater Fr. Seraphinus, qui supra. Die 25 Aprilis.

Aegidius Ilicetanus a Viterbio, qui supra, in prima sessione Concilij Lateranensis coram Iulio II et cunctis Patribus Concilij verba fecit. Die 7 Iunii. [Pag. 31]

   Constructa fuere sub isto Priore Hospitia, quae se extendunt ad quinque cubicula precio 500 florenorum, ex haereditate Fr. Lactantij Piccolominei.

 

Anno 1513

Beatus Christophorus de Paltonis, sive de Petronis moritur sanctissime.

 

Anno 1514

62. Rev. Pater Fr. Seraphinus, qui supra, rursusw eligitur. Die 30 Aprilis.

Idem Aegidius a Iulio II mittitur Nuncius ad Serenissimos Venetos et ad Regem Neapolitanum.

   Burghesius Pandulphi Petruccij, nomine suo, et Fabij Fratris, vendidit Ilicetanis Nemus stadiorum 27 in loco qui dicitur Fons del Tegolaio. Die 13 Octobris.

 

Anno 1515

Idem Aegidius a Leone X missus est Nuncius ad Caesarem.

   Hic Prior Fr. Seraphinus fuit etiam Reformator Generalis in Tuscia, Vicarius et Prior Collegij S. Augustini de Urbe.

 

Anno 1516

63. Beatus Pater Fr. Paraclitus de Binis, qui supra. Die 6 Aprilis. Sub isto Coenobium Sancti Leonardi de Lacu separatur a Capitulo et Monasterio Iliceti de communi consensu partium. Die 4 Augusti.

   Incorporatur Congregationi fitque filius Domus Ilicetanae Magister Pater Antonius Zerra Tantuccius Senensis, id eomet instantissime postulante. Die 15 Octobris.

   Hic antea nempe An. 1508 Prior Provincialis totius Provinciae Senarum extitit, et An. 1510 Verbum Dei Romae gloriose disseminavit.

 

Anno 1517

Beatus Valerius Domini Georgij de Spannocchis Senensis apud Monasterium S. Leonardi de Lacu mortuus est, asportatur eius cadaver Ilicet. ubi quiescit.

♣ Aegidius Ilicetanus a Viterbio, qui supra, mittitur Nuncius Apostolicus ad Urbinatem Ducem. Idem creatur a Leone X presbiter Cardinalis S. Bartholomaei in Insula. Die 1 Iulii.

Epistolas gravissimas et elegantissimas misit statim post suam assumptionem ad apicem Cardinalatus, ad Patres sacri Collegij Senensis Theologos, ad suosque Confratres Ilicetanos, de quibus infra in Elog. huius Cardinalis.

 

Anno 1518

64. Beatus Pater Fr. Paraclitus de Binis, qui supra, denuo eligitur. Die 18 Aprilis.

A Leone X Aegidius Cardinalis ad Carolum V Imperatorem in Hispaniam Legatus a latere mittitur.

 

Anno 1520

65. Beatus Pater Fr. Paraclitus de Binis, qui supra, prosequitur Officium. Die 22 Aprilis.

Pasqualis Petri Simonis Angeli de Ancaiano sponte genibus flexis coram cunctis Patribus Iliceti, et in medio eorum, obtulit Deo immortali Animam suam, Corpus vero et cuncta bona Monasterio Ilicetano. Die 8 Septembris.

   Aegidius Cardinalis Protector Ordinis Eremitici S. Augustini designatur.

   Hic Paraclitus, dum etiam RR. MM. Moniales S. Mariae Magdalenae Senarum regeret, apud eas clarus meritis et miraculis migrat ad Caelum, Corpus vero eius statim Ilicetum asportatur, ubi venturum Iudicem expectat, decessit. Die 19 Novembris.

 

Anno 1520

66. Rev. Pater Fr. Bernardus Senensis, terminat biennium.

 

Anno 1521

67. Rev. Pater Fr. Hyeronimus Bonsignori, de Bonsignoris Senen. Die 4 Maii.

Magister Antonius Zerra Tantuccius sacro Collegio PP. Theologorum Senarum uti Decanus, praeest.

 

Anno 1524

68. Rev. Pater Fr. Basilius Ioannis de Monaldis Senensis. Die 11 Aprilis.

Beatus Michaelangelus Gamuccius et B. Ioseph Geminianenses, inter Turcas palmam Martyrij obtinuere, ad gloriosamque certaminum palmam evolarunt.

 

Anno 1525

Magister Pater Antonius Zerra Tantuccius ex Eremita Augustiniano factus est Ordinis Guilielmitarum Generalis, cum quo titulo semper fere in lib. Sac. Coll. PP. Theol. Sen. ponitur.

 

Anno 1526

69. Beatus Pater Fr. Bernardus de Senis. Die 13 Aprilis. [Pag. 32]

 

Anno 1527

Beatus Nicolaus Gallus e vivis sublatus est, requiescunt eius ossa Iliceti.

 

Anno 1528

70. Rev. Pater Fr. Bernardus de Senis, qui supra, rursus eligitur. Die 26 Aprilis.

 

Anno 1530

71. Rev. Pater Fr. Basilius Senensis, concionator. Die 24 Aprilis.

 

Anno 1531

Dominus Franciscus Praepositus Grossetanus et Vicarius Generalis Illustrissimi Domini Archiepiscopi Senarum, dirimendo litem inter Monasterium Iliceti et Plebanum Casciani, determinat Fratres dicti Monasterij non teneri solvere Decimas, sed tantum Colonos teneri solvere pro portione.

 

Anno 1532

72. Rev. Pater Fr. Salvator Senensis. Die 14 Aprilis.

♣ Fr. Aegidius Cardinalis Ilicetanus declaratur Patriarca Constantinopolitanus, Ecclesiarum Castrensis, deinde Lancianensis, Sutrinae et Nepetinae administrator, destinatus, aptatusque (ut ait Iovius) ad Pontificatum. Obijt Romae et sepultus est in Ecclesia sui Ordinis. Die 12 Novembris.

   Huius Cardinalis impensis terminantur Libri pro Odaeo Ecclesiae Iliceti, iam inchoati, ut dictum est supra, et perficitur Dormitorium prope Turrim.

 

Anno 1533

73. Rev. Pater Fr. Nicolaus Aloisij de Rainieris Collensis, per aliquos menses tantum sustinet onus.

 

Anno 1533

74. Rev. Pater Fr. Lactantius Domini Iacobi de Piccolomineis Senensis, complevit biennium.

In gratiam huius Prioris Dominus Hieronymus Piccolomineus Episcopus Pientinus, eiusdem Prioris Fr. Germanus, Claustra, quae nova dicuntur perfecit proprio Aere.

 

Anno 1534

75. Beatus Pater Fr. Nicolaus Rainierius Collensis, qui supra. Die 19 Aprilis.

 

Anno 1536

76. Rev. Pater Fr. Gregorius Senensis, Concionator. Die ultima Aprilis, per aliquos menses, tantum permansit.

 

Anno 1536

77. Rev. Pater Fr. Hieronymus Laurentij de Senis, terminat biennium.

 

Anno 1538

78. Beatus Pater Fr. Paraclitus de Datis Senensis. Die 5 Maii.

Beatus Pater Fr. Ioannes benedictus Moncettus a Castilione Clanarum moritur Iliceti, ibique iacent eius ossa multa eleganter ac docte scripsit.

 

Anno 1540

79. Rev. Pater Fr. Paraclitus Datus, qui supra. Die 11 Aprilis. Hic Paraclitus fuit etiam Vicarius Generalis S. Guilelmi de Castilione Piscariae pro Domino Episcopo Dioecesano.

 

Anno 1542

80. Rev. Pater Fr. Iulius Senensis. Die 23 Aprilis, per menses tantum retinuit Officium.

 

Anno 1542

81. Rev. Pater Fr. Brunettus de Iudicibus a Leonissa, hic finem dat biennio.

 

Anno 1544

82. Beatus Pater Fr. Brunettus, qui supra. Die 28 Aprilis.

Emuntur stadia 27 Nemoris in loco qui dicitur Poggio rosso. Die 25 Maii.

 

Anno 1546

83. Rev. Pater Fr. Bernardus Senensis. Die 10 Iunii.

 

Anno 1548

84. Rev. Pater Fr. Ioannes Baptista Senensis. Die 15 Aprilis.

 

Anno 1548

85. Rev. Pater Fr.Tiberius Piccolomineus Senensis. Hic coactus ab obedientia gubernat Monasterium substitutus, Ioanne Priore absente. Sub isto aedificantur Ambulacra supra Claustra, quae Nova dicuntur a parte Turris Coenobij, et Monasterij S. Leonardi, et Portae Principalis precio lib. 784.

 

Anno 1550

86. Rev. Pater Fr. Marianus deTurchis Senensis. Die 20 Aprilis. Etiam hic per obedientiae meritum subijt Oneri. At ob multa negocia Romae peragenda Praesuli munere libere ac sponte se abdicat Urbem accessurus.

 

Anno 1552

87. Rev. Pater Fr. Marianus Turchius Senen., qui supra, rursus eligitur. Die 1 Maii.

 

Anno 1554

Non celebratur Capitulum Iliceti ob tumultus bellorum et militum, qui Coenobium nostrum devastarunt, etiam contra Edictum Marchionis de Marignano, Bartholomaeus vulgo Brandanus Tertiarius Ilicetanus vir notus ob arctissimam poenitentiam peractam, et donum prophetiae, moritur Senis apud Nobilem Familiam [Pag. 33] Boninsigniam, iacent eius veneranda ossa in Ecclesia S. Martini Senarum occulta, diu suspirata ac desiderata, multoties quaesita, sed sic Deo disponente, non inventa, moritur. Die 14 Maii.

 

Anno 1555

88. Rev. Pater Fr. Marianus Turchius, qui supra, munus prosequitur.

♣ Ignis comburit Sylvam nostram, nempe sacram Eremum, et perierunt Authographa in obsidione Senarum. Dormitorium in quo erat Grammatophilacium, totum ignis combussit, relictus ibidem ab uno militum. Eodem tempore miles quidam furatur Imaginem Domini Nostri Crucifixi, statim excaecatur, nec vidit, donec furtum restitueret.

   Paulus Papa IV concedit Capitulo Iliceti, ut ad biennium eligat Priorem sibi, et ut Coenobium gubernet, et Prioris sic electi confirmatio tempore Capituli, sive Congregationis intermediae, pertineat ad Diffinitorium, et Vicarium Generalem, extra haec tempora, ad Vicarium Generalem tantummodo.

   Potest Capitulum Iliceti, nempe Patres vocales eumdem Priorem sic electum denuo eligere et confirmare, sed electio ad arbitrium Patrum praedictorum Diffinitorum est confirmanda, vel infirmanda.

   Si electio dicti Prioris pendente biennio, qua vis ex causa vacet, novi Prioris electio itidem pertineat ad dictos Patres Vocales Coenobij, confirmatio vero huiusmodi electionis ad ipsum solum Vicarium Generalem, cum clausula derogatoria, si secus super his a quavis authoritate, scienter, vel ignoranter  contigerit attentari, poenamque statuit excomun. Die 2 Septembris.

 

Anno 1556

89. Rev. Pater Fr. Stephanus Camozzius de Plumbino. Die 29 Aprilis.

 

Anno 1558

90. Rev. Pater Fr. Tiberius Piccolomineus Senensis, qui supra. Die 24 Aprilis.

 

Anno 1560

91. Rev. Pater Fr. Seraphinus de Incontris Volaterranus Israelita. Die 4 Maii.

Israelita nuncupatus, qui supra, quia antea hebraeus erat.

Pietate ac liberalitate Domini Sigismundi ex Nobilissima Gente Chisia construitur Ara maxima fabrefactis preciosis Lapidibus Romae et Ilicetum magno precio deductis, ibique idem magnificentissime opus inchoavit, sed non perfecit morte sublatus.

 

Anno 1562

92. Rev. Pater Fr. Marianus Turchius, qui supra. Die 13 Aprilis.

Episcopus Volaterranus plura bona tradidit Monasterio Iliceti in emphiteusim perpetuam. Die 12 Iunii.

 

Anno 1564

93. Rev. Pater Fr. Iulius Senensis. Die 20 Aprilis.

 

Anno 1564

94. Rev. Pater Fr. Raphael Senensis. Die 24 Augusti.

Eligitur in Capitulo, Praesidente Christophoro Patavino Generali.

 

Anno 1566

95. Rev. Pater Fr. Seraphinus Israelita, qui supra. Die 28 Aprilis.

 

Anno 1568

96. Rev. Pater Fr. Marianus Turchius Senensis, qui supra. Die 1 Maii.

 

Anno 1570

97. Rev. Pater Fr. Athanasius Iuliani Marcuccij a Montefullonico Die 9 Aprilis.

 

Anno 1571

Pius V, anathematizat omnes utriusque sexus retinentes Privilegia et Scripturas Monasterij Ilicetani. Die 24 Novembris.

 

Anno 1572

98. Rev. Pater Fr. Ansanus de Martinis Florentinus. Die 19 Aprilis.

 

Anno 1574

99. Rev. Pater Bacchalaureus Fr. Salvator de Bindis senensis. Die 13 Aprilis.

 

Anno 1576

100. Rev. Pater Fr. Athanasius Marcuccius Fullonicensis, qui supra. Die 5 Maii.

 

Anno 1578

101. Rev. Pater Fr. Athanasius, qui supra, denuo eligitur. Die 22 Aprilis.

 

Anno 1579

Obtinet hic pro Monasterio, soluto precio, a Iulio de Turaminis staria 140 terrae in Sylva al Campo al Castagno. Die 19 Novembris.

 

Anno 1580

102. Rev. Pater Magister Fr. Salvator de Bindis, qui supra. Die 17 Aprilis.

 

 

Anno 1582

103. Rev. Pater Fr. Athanasius Marcuccius, qui supra. Die 29 Aprilis.

 

Anno 1584

104. Rev. Pater Fr. Athanasius, qui supra, iterum eligitur. Die 15 Aprilis.

 

Anno 1586

105. Rev. Pater Fr. Athanasius, qui supra, rursus eligitur. Die 20 Aprilis.

 

Anno 1588

106. Rev. Pater Fr. Athanasius, qui supra, adhuc eligitur. Die 1 Maii. [Pag. 34]

Hic propria virtute ac solertia multa comparavit ad utilitatem et ad ornatum huius Monasterij, ac totius Congregationis: scripsit Memoriale Magnum de rebus Ilicetanis, et quaedam Opuscula ad sacram Theologiam moralem spectantia, insuper et pro Concionatoribus aliqua exaravit.

 

Anno 1590

107. Rev. Pater Fr. Archangelus Lollius de Montefullonico. Die 13 Maii.

 

Anno 1592

108. Rev. Pater Baccalaureus Fr. Stephanus Ugurgerius dictus. Die 20 Aprilis.

 

Anno 1593

109. Rev. Pater Fr. Ioannes Bartholomaei de Ricciantis Fighinensis. Die 1 Maii.

 

Anno 1595

110. Rev. Pater Fr. Arcangelus de Montefullonico, qui supra. Die 5 Maii. Hoc anno in nostro Ilicetano Coenobio fuit constitutum Gymnasium, et primo mittuntur litterae publicae ab Andrea de Fivizzano Generali Ordinis, per quas etiam studii familia assignatur sub magisterio P. Bacc. Fr. Thomae de Carpijs.

   Andromachus ex Comitibus Ilci, vir probus ac integer, post quam plurimum in Vinea Domini, et Religionis laborasset, tandem mercedem illam magnam, quam remunerator Dominus dat servis suis, habuit Romae apud Monasterium sancti Matthaei in Merulana.

 

Anno 1596

111. Rev. Pater Magister Fr. Aurelius de Margattis a S. Geminiano. Die 4 Maii.

 

Anno 1598

112. Bacc. Pater Fr. Nicolaus de Campiglia Ilicetanus. Die 21 Maii.

Alexander de Mancinis Senensis Generalis fuit Iliceti. Die 26 Iunii.

 

Anno 1599

Vir religiosissimus utique et simplicissimus Fr. Ascentius de Balestrieris Senen. diem clausit extremum manibus iunctis, flexìs genibus. Die 4 Octob.

   Hic religiosa libertate Cardinali Sfrondato, nuncupato sanctae Ceciliae, eo tempore, quo visit Ilicetum dixit: Recorderis has vestes, quibus indutus es, purpuratas esse sanguine Christi, et pauperum eius, esto servus B. Mariae Virginis Dei Matris.

   Cubiculum, in quo efflavit animam, per plures menses post eius mortem rosarum emittebat odorem. Eius corpus iussu Domini Archiepiscopi Senarum Camilli Burghesij Arca Cupressina includitur, quae usque in hodiernum diem nobiliorem obtinet locum in Sacrario Ilicetano obijt. Die 2 Octobris.

 

Anno 1600

113. Rev. Pater Fr. Arcangelus Lollius, qui supra. Die 22 Aprilis.

 

Anno 1602

114. Rev. Pater Fr. Ioannes Fighinensis a S. Giminiano, qui supra. Die 28 Aprilis.

 

Anno 1604

115. Rev. Pater Fr. Athanasius Pacinius de Belforte Ilicet. Die 8 Maii.

Permanet usque ad diem 29 Septemb. ea namque die per mortem P. Ioannis Phighinensis Vicarij Gener. Congr. redijt ad regimen eiusdem Congreg. tanquam Rector.

 

Anno 1604

116. Rev. Pater Fr. Thomas de Carpijs Ilicet. supplet pro Atanasio Rectore.

Clemens Papa VIII pro tota Congregatione Iliceti assignat Novitiatum ibidem, ubi vult manere Novitios octo, servientes quinque, Patres Sacerdotes decem. Die 17 Iunii.

 

Anno 1605

117. Rev. Pater Bacc. Fr. Athanasius Pacinius, qui supra. Die 14 Maii.

 

Anno 1607

118. Rev. Pater Bacc. Fr. Ioseph Pontius Senen. Die 5 Maii.

 

Anno 1609

119. Rev. Pater Bacc. Fr. Marianus Ilicetanus. Die 9 Maii.

 

Anno 1610

Volumnius Hieronymi de Landuccis puer decem annos natus, qui postea Ambrosius dictus est horum, humilium laborum Auctor, Religionem sub isto ingreditur Iliceti. Die 11 Novembris.

 

Anno 1611

120. Rev. Pater Magister Fr. Camillus  Noccius Florentinus. Die 23 Aprilis.

 

Anno 1613

121. Rev. Pater Bacc. Fr. Camillus, qui supra, rursus eligitur. Die 27 Aprilis.

Sub isto Templum renovatur, amplificatur Odaeum, conscribuntur Privilegia, Contractus, et Aliae Scripturae Coenobij, et in bina Volumina concluduntur. Datur Typis Relatio Beatorum Ilicetanorum, et alia peracta fuere, ad decorem et ornatum Ecclesiae et Monasterij.

 

Anno 1615

122. Rev. Pater Bacc. Fr. Thomas de Carpijs Ilicet. Die 9 Maii. [Pag. 35]

Sub quo secunda vice consecratur Ecclesia per Domino Antistite Archiepiscopo Senarum Alexandro Petruccio. Die 4 Octobris.

   Probus ac Religiosus vir Sabinus de Savinis sen. columbina ditatus simplicitate, inter prudentiores caelestis curiae concives cooptatus est. Die 18 Aprilis.

   Hic Thomas sponte se privavit officio in fine primi anni.

 

Anno 1616

123. Rev. Pater Bacc. Fr. Sylcius Puccinus Miniatensis. Die 23 Aprilis. Praedium vulgo dictum il Casino, multaque nemora, quae illud ambiunt, nempe staria 500 ex vi pecuniae numeratae comparatur a nostro Collegio in Sylva, ex qua emptione plurimum dilatantur confinia Monasterij.

 

Anno 1618

124. Rev. Pater Bacc. Fr. Desiderius de Monacis a Montefullonico Ilic. Die 5 Maii.

Hic in fine primi anni eligitur Vicarius Generalis Congr.

 

Anno 1619

125. Rev. Pater Fr. Laurentius Chigiottus de Montefullonico Ilicet. Die 20 Aprilis.

 

Anno 1621

126. Rev. Pater Bacc. Fr. Angelicus de Vecchis senen. Die 1 Maii.

 

Anno 1623

127. Rev. Pater Bacc. Fr. Athanasius Pacinius a Belforte Ilicetanus. Die7 Maii.

Hic obijt, non dum completo biennio.

 

Anno 1625

128. Rev. Pater Bacc. Fr. Sylvius Miniatensis. Die 29 Aprilis.

Per menses tantum mansit in Officio.

 

Anno 1626

129. Rev. Pater Bacc. Fr. Marcellinus Altesius Sen. Die 17 Septembris.

Hic copiose eleganterque conscripsit multa pro Monasterio et Cong. Ilicetana.

 

Anno 1627

130. Rev. Pater Bacc. Fr. Seraphinus de Venturis Senensis. Die 17 Septembris.

Sacrarium nostrum inter multas alias Reliquias ditatum fuit quinqe fulgidissimis spinis Coronae Domini Nostri Salvatoris Iesù Christi, quarum unam, authoritate Pontificia, abstulit Cardinalis S. Ceciliae, unam vero per supplicem libellum obtinuerunt Patres Monasterij S. Augustini apud sanctam Floram, reliquae vero tres sub isto Priore delatae fuere Senas circumferendae per Civitatem, atque ibi conservandae, per dies octo de more Civitatis in solemni supplicatione fieri solita post Pascha Resurrectionis Domini.

   Manserunt usque ad praefinitum tempus in Templo S. Martini Senarum, Priore Ambrosio Landuccio.

 

Anno 1629

131. Bacc. Fr. Ambrosius Landuccius Senensis. Die 18 Septembris.

Hic permansit in munere usque ad diem 20 Aprilis, in quo congregata Synodo Iliceti praeficitur Vicarius Generalis Congregationis. Intra quos menses in elegantiorem Formam excitatur Templum, erectis sepulchris sex ad capiendas sacras reliquias Nostrorum Beatorum. Instauratur, augeturque sacellum B. Ioannis de Incontris, aptaturque ad sacrum Missae peragendum. Sternitur lata, longaque via, circumsepta hinc inde muris ante ingressum Coenobij, quae se extendit ad cubita 370. Praelo datur sacra ilicetana propago, authore eodemmet Ambrosio Landuccio, Tabulis duabus magnis aeneis incisa, terminatur. Die 1 Decembris. Inchoatur Bibliotheca et Archivium pro Coenobio Ilicetano.

 

Anno 1630

132. Rev. Pater Bacc. Fr. Theodorus de Ferronis a S. Geminiano. Die 20 Aprilis.

Deteguntur multa corpora Beatorum Iliceti occasione sternendae Arae, et apponendorum graduum ad Aram maximam, ac decentius tumulantur eisdem in locis, ubi inventa sunt, promovente Ambrosio Landuccio Vicario Genenerali Congregationis, et super his conficitur publicum Instrunentum Notario Vincentio de Casinis cive senensi. Die 22 et 23 Octobris.

 

Anno 1632

133. Rev. Pater Bacc. Fr. Augustinus de Crocchis a Montefullonico Ilicetanus. Die 24 Aprilis.

 

Anno 1633

Sub isto in lucem editur sacra ilicetana silva, in quatuor folijs impressa, Auctore supradicto Ambrosio Landuccio Priore Coenobij sancti Stephani Florentiae. Die 15 Iulii. [Pag. 36]

 

Anno 1634

134. Magister Fr. Ambrosius Landuccius Senensis, qui supra. Die 24 Aprilis.

In hoc biennio perficitur non vulgari labore Bibliotheca et Archivium pro Coenobio et Congregatione Ilicetana. Fuerunt apposita monimenta multarum rerum memorabilium pertinentium ad ornatum et decorem eiusdem Coenobij.

   Urbanus Papa VIII anathematizat omnes extrahentes quid minimum ex praedicta Bibliotheca et Archivio Ilicetano.

   Ex solemni voto Civitatis Senarum in gratiarum actionem, quia eadem Civitas liberata fuit, non sine magno miraculo, a communi totius Italiae Lue, in elegantiorem formam reducitur Altare Beatissimae Deiparae Virginis senarum Tutelaris ac Patronae in Ecclesia Cathedrali, sub quo Altari in Plumbea Arca inveniuntur (ut in membrana scriptum erat) alicuius magni servi Dei ossa, sine ullo nomine, ibique tumulata tempore Pij II. Detegitur per quaestionem praelo datam Ascanio Piccolomineo ab Aragona Praesuli Civitatis incorruptae integritatis dicatam, editamque ab eodem Ambrosio Landuccio Priore multorum ex primoribus rogatu, fuisse Ossa Beati Iacobi Piccolominei Ilicetani.

 

Anno 1636

135. Rev. Pater Bacc. Fr. Augustinus de Crochis a Montefullonico, qui supra. Die 12 Aprilis.

Moritur hic in principio secundi anni. Die 27 Iulii.

 

Anno 1637

136. Rev. Pater Fr. Crescentius Scheggius Ilicetanus. Die 5 Augusti.

Reliquit munus non dum expleto primo anno.

 

Anno 1638

137. Rev. Pater Bacc. Frater Stephanus Nerius a S. Leonardo. Die 24 Aprilis.

Nobilissimus Vir Augustinus Chisius D. Stephani Eques, ac Illustrissimi Prissimique Xenodochij S. Mariae de Scala Senarum Rector vigilantissimus, Altare maius iam, ut dictum est, a suis maioribus erectum, adauxit et exornavit in Ecclesia Ilicetana, executore piae voluntatis Ambrosio Landuccio, qui supra. Hic Prior pro tertio Anno confirmatur in suo munere, annuente sacra Congregatione super negocijs Regularium praeposita.

 

Anno 1641

138. Rev. P. Bacc. Frater Michael de Scottis Senensis ab Ilicet. Die 13 Maii.

Regit Monasterium tanquam Vicarius substitutus per aliquot menses.

 

Anno 1641

139. Rev. P. Bacc. Frater Ascensius Meallius Senensis virtute litterarum patentium Vicarij Generalis habito verbo cum sacra Congr. Peg. Die 1 Septembris.

Successit iste in Vicariatu ex Vigore Decretis Cong. Regularium.

 

Anno 1642

140. Rev. P. Bacc. Frater Ascensius, qui supra, eligitur a familia. Die 10 Maii.

 

Anno 1644

141. Rev. P. Bacc. Frater Bernardinus Banchius Ilicet. Die 25 Maii.

 

Anno 1646

Magister Pater Frater Lucas Mannuccius Pratensis et Magister P. Frater Theodorus Ferronius a S. Geminiano, eliguntur in pari suffragio: nempe ex sex electoribus, tres unum, tres alterum eligunt. Die 20 Aprilis. Praeponitur negocium determinandum S. Congreg. Regalarium, quae decrevit, veniendum esse ad aliam electionem. Die 22 Iunii. Interim Coenobium committitur ei, qui secundus a Priore rem administrat.

 

Anno 1646

142. Magister Fr. Theodorus, qui supra, remanet electus. Die 13 Iulii.

Retinuit onus per paucos menses sponte renuncians.

 

Anno 1646

143. Rev. Pater Bacc. Fr. Hieronymus de Mannellis Pratensis. Die 21 Novembris.

 

Anno 1648

Supprior Monasterij per duos menses et aliquot dies, expleto biennio praecedentis Prioris, sustinet administrationem.

 

Anno 1649

144. Rev. Pater Bacc. Fr. Innocentius Neruccius Senensis, sed Florentino Coenobio ascriptus eligitur. Die 2 Februarii.

Huius solertia circundatur muro a parte Monasterij. Insigne Praedium della Loccaia. [Pag. 37]

 

Anno 1651

Per tres menses tenet directionem Monasterji ille, ad quem de iure pertinebat post Priorem.

 

Anno 1651

145. Rev. Pater Fr. Ludovicus de Burberis Ilicetanus, de Prior. Die 29 Aprilis.

In fundamento maioris Ambulacri foditur spatiosa longaque Via, per quam a Triclinio ad Cellam Vinariam pergitur, non vulgari Monasterij commodo, una enim clave, cunctae officinae commode custodiuntur. Alia non parvi momenti ad Ornatum praedicti Praedij et Sacrarij parata fuere.

 

Anno 1653

146. Rev. Pater Fr. Dorotheus Spinellius Ilicetanus. Die 2 Maii.

Paratur plana ac lata via, quae incipit a media, quae est ante aditum Monasterij, de qua supra ad Ann. 1629 et terminat ad Portam Maiorem Praedij della Loccaia, quatuor centumque cubitis porrigitur, de fossis ad dextram, et laevam plantis varijs; quae decori loci, et relaxationi animi habitantium inservit, et quia huius operis promotor fuit Ambrosius Landuccius Vicarius Generalis Congregationis, voluerunt Patres eam vocare viam ambrosianam.

 

deo servatori immortali laus et gloria.

 

Pro huius Domus Stemmatibus

Incerti Auctoris

Stemma vetus frondente sub ilice
Condit Eremum;
Condita subque tribus stant tria
vota iugis.

Haec super arbor adest vitae,
fructusque salutis.
Ergo ubi eremus erat, iam Paradisus
erit.