SERIES

 

[pag. 46]

SERIES

Adm. Reverendorum P. P. Vicariorum Generalium

Sacrae Reipubblicae Ilicetanae de Observantia in Tuscia

ORD. S. P. AUGUSTINI

in qua etiam Serie gesta omnium eorum ostenduntur

 

Anno 1387

1. B. Pater Fr. Nicolaus Francisci Manentis de Cerretanis, una cum Bandinellis Senensis sac. Theologiae Lector. - Declaratur per litteras Patentes Reverendiss. nunquam satis laudati Generalis Bartholomaei Veneti, collato eidem Nicolao, Nomine Vicariatus. - In quibus litteris eidem Vicario conceditur, ut possit reiicere, et retinere quoscunque Fratres de Familia in Monasterio Ilicetano. - Ut non teneatur ire ad Capitulum Provinciale Provinciae Senarum, suspendens quidquid in contrarium ordinatum fuisset, sed tantum teneretur mittere Discretum. - Virtute praedicatarum litterarum, potest hic Vicarius audire confessiones saecularium utriusque sexus in Civitate Senarum et in tota eius Provincia. - Item retinere valet etiam absens ad usum unam Cellam signatam num. 16 in Dormitorio inferiori Coenobij S. Augustini Senarum, iam sibi ipsi concessam, derogando etc. mandando etc. – Locantur conventualiter in eodem Monasterio Ilicetano P. Fr. Bartholomaeus Petri, Pater Fr. Daniel Sacerdotes, Fr. Gaspar Clericus et Laicus unus, omnes Senenses, qui non possint removeri absque expressa licentia Reverendissimi Patris Generalis. Litterae dantur Senis. Die 4 Martii. - Nicolaus sponte renunciat Vicariatum, petens absolvi a munere. Die 3 Iulii.

2. Beatus Pater Magister Fr. Ioannes nomine 3 de Tantuccis Senen. Sufficitur in Vicarium. Eadem Die 3 Iulii.

3. Beatus Pater Magister Fr. Ioannes Tantuccius, qui supra, rursus eligitur a Generali. Die 5 Octobris. - Hic Tantuccius omnium laborum, et itinerum Seraphicae Catharinae Benincasiae Senensis socius fuit inseparabilis.

 

Anno 1388

4. Rev. Pater Fr. Iacobus de Monte Ilcinio. Die I Februarii. - Renunciat hic iuri suo sponte, quietis sedulus amator.

5. Rev. Pater Fr. Victorius Senensis. Die 25 Maii. - Hic etiam sponte se abdicat, potius solitariam vitam quaerens, ac privatam, obedire potius quam imperare, tamen volente superiore oneri succumbit.

 

Anno 1392

6. Beatus Pater Fr. Nicolaus de Cerretanis, qui supra. Die 18 Octobris. - Hic designatur etiam in Vicarium Generalem Provinciae Senarum usque ad Capitulum Generale in Coenobio Plumbinensi celebrandum, in quo munere Vicariatus permansit usque ad diem octavam mensis Martij, in qua, sponte renunciavit, et mansit tantum Prior, et Vicarius Generalis Iliceti, [pag. 47] iuxta formam litterarum patentium, quae eiusdem tenoris est, ut prima, de qua supra.

 

Anno 1394

Cui etiam mittuntur novae litterae, in quibus inseritur Decretum per Patres Diffinitores Capituli Generalis Ariminensis conditum, cuius vigore Ilicetani Patres eximuntur a quavis authoritate et immediate subduntur Generali, et anathematizzantur contrarium attentantes, addita pena. Privationis omnium officiorum non obedientibus. Dantur Arimini. Die 16 Iunii.

 

Anno 1395

Item Aliae mittuntur eidem litterae per quas P. Generalis, sub sua subdit authoritate etiam virtute Decreti Patrum Diffinitorij Generalis, de quo supra. - Monasterium S. Leonardi de Lacu, quod vult gubernari a Nicolao, declarando illum etiam Vicarium dicti Monasterij. Dantur litterae Senis. Die 22 Mensis Maii.

 

Anno 1396

7. Rev. Pater Fr. Bartholomaeus de S. Flora Regens Gymnasij Senensis Augustiniani. - Per litteras Patentes praedicti P. Generalis mandantes, ut simul remaneat Lector in eodem Coenobio S. Augustini. Dantur Venetijs. Die 15 Iunii.

 

Anno 1397

Omnia, quae continentur in praedictis litteris, confirmant Patres Capituli Generalis, Monachi celebrati in Provincia Bavariae. Die 17 Iunii.

 

Anno 1398

8. B. P. Frater Philippus Leonardi Colae de Agazzarijs Senensis. - Per litteras Patentes eiusdem Generalis, eidem mandantis, ut in meritum salutaris obedientiae munus acceptaret, et concedit, ac confirmat omnia Privilegia actenus concessa. Dat. Venetijs. Die 13 Maii.

 

Anno 1399

Henricus Cardinalis S. Anastasij, vulgo dictus Cardinalis Neapolitanus, sacri Collegij Cardinalium Camerarius, et Protector Ordinis Erem. S. Augustini, omnia Privilegia concessa Coenobio Ilicetano, et Congregationi confirmat, Coenobium et Congregationem sub sua ipsius cura redigit, addens, non posse Coenobia Congregationis, neque Fratres separari ab invicem, neque alienos neminem ad eam mittere contra eorum voluntatem. Die 20 septemb.

 

Anno 1400

Patres Capituli Generalis Aquilae celebrati, itidem confirmant omnia Privilegia Congregationi nostrae data a Patribus Generalibus. Die 11 Iunii. - Nicolaus de Cassia Generalis Ordinis confirmat omnes immunitates a suis Praedecessoribus concessas Congregationi, cum consensu Reverendorum PP, Diffinitorum Capituli Generalis Aquilae, ligans poenis excommunicationis et privationis omnium officiorum impedientes et inobedientes. Die 12 Iunii.

♣ Reverendissimus Pater Magister Bartholomaeus Nobilis Venetus, Vir Egregius, Doctus, probus ac incorruptibilis, plurimum de Religione Augustiniana, et de Nostra Congregatione benemeritus, Caput nostrum, et Fundator pervigiles, et zelantissimus bonorum operum suorum a Deo fideli remuneratore optatum praemium recipit.

 

Anno 1401

Idem Generalis Nicolaus praecise scribendo P. F. Filippo Agazzario, in ampliorì forma eadem omnia, quae a praedecessoribus Generalibus fuere concessa, confirmat. Dantur litterae Senis. Die 21 Octobris.

 

Anno 1402

Gregorius XII omnia praeinserta, in praedictis litteris Generalium confirmat, petente Philippo Agazzario. Die 21 Martii. - Idem Pontifex alio Diplomate cuncta itidem confirmat, eodem Agazzario petente. Die 22 Septembris. - Philippus qui supra laboriose substituit Onus Prioratus Iliceti, et Vicariatus Congregationis, sicut et alij septem Vicarij supradicti, qui fuerunt simul, et Priores Iliceti, et Vicarij Societatis.

 

Anno 1408

9. B. P. Frater Stephanus Ioannis de Cionis Civis Senensis. [pag. 48] Hic virtute Diplomatum Gregorii XII de quibus supra in alia Chronologia, regit Congregationem tanquam Commissarius Apostolicus, sive tanquam Generalis sub habitu Canonicali. Hic congregat Iliceti Capitulum suorum Canonicorum, in quo eligitur.

10. B. Pater Fr. Philippus Agazzarius, qui supra. Die 2 Iunii. - B. Stephanus permanet in Officio Commissariatus, sive Generalatus usque ad diem 20 Novembris eiusdem Ann. quando etiam maior pars Canonicorum redijt ad pristinum statum Eremiticum, ut dictum est supra.

11. B. P. Philippus Agazzarius, qui supra. Die 20 Novembris. - Eligitur ab Eremitis suis, ab illis nempe, qui reversi sunt ad Habitum Augustinianum Eremiticum.

 

Anno 1419

Magister Frater Augustinus Romanus Prior Generalis adhibito consensu omnium Patrum Diffinitorum Capituli Generalis Astae celebrati Die 21 Augusti, in amplissima forma confirmat onmes gratias, et immunitates concessas Congregationi Ilicetanae a suis praedecessoribus, declarando eam non amisisse ne minimum quidem gratiarum, et si transiverit ad statum Canonicum.

 

Anno 1420

Idem Generalis confirmat, et amplificat cuncta Privilegia concessa Congregationi, tenore duarum Litterarum Patentium, prima Die 12 Aprilis, altera vero Die 18 eiusdem mensis.

12. Beatus Pater Fr. Philippus Agazzarius, qui supra, declaratur Prior, et Vicarius Generalis a praedicto P. Generali. Die 18 Aprilis.

 

Anno 1422

13. B. Pater Frater Philippus Agazzarius, qui supra. - Qui ob gravissimam senectutem officio Prioratus Iliceti se abdicat, et tantum remanet Vicarius Generalis societatis, sed post modicum tempus est e vivis sublatus.

♣ Post hanc abdicationem officium Vicariatus et Prioratus, disiunctim confertur, et minime in eamdem personam; diversificatur etiam Sigillum, pro Vicariatu construitur Sigillum maius cum integra Imagine Salvatoris stantis, Alterum vero Minus variatur a Sigillo Coenobij, in Cruce enim non apparet Christus, sed eius loco littera S. per quam illa Vox profertur nempe Salvator.

 

Anno 1423

14. Beatus P. Frater Matthaeus Nicolai Paulicti de Introduco sacrae Theol. Lector. - B. Augustinus Romanus Generalis Ordinis, hunc instituit Vicarium suum in et super omnia, et singula loca totius Italiae, in quibus vigebat observantia Regularis. Die 24 Aprilis.- Comitia Provincialia tenentur in Collegio S. Antonij de Petriolo, pro electione P. Provincialis Senarum. - At quietis amator, et maioris perfectionis cupidus cessit regimini.

 

 

Anno 1424

15. B. Pater Frater Christianus Pedemontanus, Francus Appellatus. - Hic fuit Vicarius Generalis Omnium Observantiarum Italiae, in Coenobio S. Mariae de Populo in Urbe electus, et confirmatus. Die prima Iunii. - Titulus Vicarij Generalis, huic collatus, postea retentus fuit ab omnibus successoribus cunctarum Observantiarum in toto Ordine. - Hisce temporibus Coenobium S. Luciae in Valle Rosiae, S. Bartholomaei de Asciano, S. Barnabae de S. Flora, manebant sub ditione Nostrae Congregationis. Herrera teste Alph. Aug. suis in locis. - Celebratur Capitulum Provinciale pro Provincia Senensi in Monasterio S. Leonardi de Lacu, permittentibus Ilicetanis Patribus.

 

Anno 1431

16. B. Pater Frater Matthaeus de Introduco denuo, et coactus deputatur Vicarius Generalis omnium Observantiarum Italiae. Die 27 Iunii.

 

Anno 1432

17. B. Pater Frater Matthaeus Francisci de Lucignano Vallis Clanarum deputatur [pag. 49] pro omnibus observantijs in Italia Vicarius, erat etiam Prior Monasterij Ilicetani.

 

Anno 1433

Magister Fr. Franciscus Florentinus, ex Nobili familia Nerlia, Vicarius Generalis in Italia libere tradidit Congregationi Ilicetanae Monasterium S. Mariae de Monte Specchio, fere iam in spirituali bus et temporalibus dirutum, ita ait in litteris Patentibus. Die 23 Iunii. - Hoc idem confirmat Magister Bartholomaeus de Massa Prior Provincialis Senarum, una cum omnibus Prioribus et Discretis, qui interfuerunt Capitulo celebrato Cortonae. - Hanc cessionem confirmat idem Franciscus Vicarius Generalis, qui supra, per litteras patentes. Die 24 Iunii.

 

Anno 1434

Magister Fr. Gerardus Ariminensis sponte ac libere Societati Ilicetanae dat Coenobium S. Antonij de Ardinghesca, sive ad Balnea Petrioli, cum omnibus suis iuribus stricte mandando Vicario Congregationis supra dicto, ut tam in capite, quam in membris provideat dicto Monasterio. Die 5 Aprilis. - Idem Gerardus ratum habet omnia Instrumenta, quae erant in bonum Coenobij Iliceti, et totius Societatis. Die 18 Maii.

 

Anno 1435

18. Rev. Pater Magister Fr. Augustinus de Balneo Regio, a Generali Gerardo Vicarius omnium observantium in Italia dicitur.

19. Rev. Pater Fr. Desiderius Pedemontanus. Ex mandato Summi Pontificis designatur Vicarius Generalis omnium observantiarum. Die 15 Februarii.

 

Anno 1438

20. B. Pater Fr. Petrus Nicolai de Scitonio Concionator eximius. - Subrogatur hic a Generali Gerardo de Arimino, in Capitulo primo rite Congregato Iliceti. Die 23 Iulii.

♣ In quo Capitulo primo congregato, idem Generalis, haec quae sequuntur observanda statuit. - Ut Congregatio Ilicetana, se valeat bene regere, ita ait, vult a Patribus eligi in posterum sibi Vicarium Generalem ad duos annos duraturum, et sic electo opportunas facultates pro tali munere obeundo tribuit. - Item quod expleto biennio Mense Maij Iliceti Vicarius Generalis congreget Capitulum pro novo successore eligendo, sub uno Praesidente per eosdem Ilicetanos nominando. - Item illum, qui fuerit electus in Vicarium Generalem non posse iterum eligi, nisi post quartum annum inclusive. - Quod Vicarius Generalis toties quoties opus fuerit possit destinare Priores in omnibus Monasterijs Societatis praeterquam in Coenobio Ilicetano, cuius electionem Prioris vult pertinere ad statres dicti Monasterij. - Priorem sic electum non posse esse simul Priorem alterius loci. - Deinceps Priorem Iliceti, non posse eodem tempore esse Vicarium Societatis. - In istis electionibus habere tantum vocem illum, qui fuerit in sacris constitutus: in caeteris vero electionibus etiam Laycos mandat. Die 23 Iulii.

 

Anno 1439

Idem Generalis Gerardus immunem declarat Congregationem a solutione Collectarum quocunque modo imponendarum pro Provincia Senensi, et in eius gratiam, et non teneri ire ad Capitulum Proviaciale eiusdem Provinciae. Die 24 Maii. - Insuper praedictus Generalis per alias litteras Patentes vult Vicarium Generalem posse volentibus facultatem dare discedendi a Societate, et ad aliam observantiam transire.

♣ Item neminem ex Superioribus Religionis, sub gravioribus poenis posse recipere aliquem ex Fratribus Congregationis, nisi habeat facultatem Vicarij Generalis praedictae Congregationis. [pag. 50] - Illum, qui recesserit a Societate sine praedicta facultate non posse recipi in Monasterijs Congregationis nisi per unum diem naturalem, nec per sex milliariam possit permanere prope aliquod Coenobium eiusdem Congregationis, et non posse recipi conventualiter in Congregatione absque licentia totius Congregationis et Prioris Generalis imposita poena Carceris per sex menses secus facientibus. - Aliaque multa disponit idem Generalis pro bono Regimine Congregationis. Die 22 Septembris. - Haec omnia impetrata fuere a solerti diligentia Religiosorum, ac prudentissimorum hominum Hieronymi de Bonsignoris, et Bartholomaei de Ptolomaeis. - Eugenius Papa IIII inter alia confirmat immunitatem Congregationi nostrae de non solvendo Collectas, imponendas pro Provincia Senensi, factam a Gerardo Generali. Die 27 Dicembris.

 

Anno 1440

21. Rev. Pater Magister Fr. Hieronymus Nicolai Bartholini de Bonsignoris Senensis. Die 1 Maii.

♣ Hic fuit primus Vicarius Generalis electus a Patribus Vocalibus capitulariter congregatis Iliceti. - Gerardus Ariminensis Generalis Ordinis, mandat in meritum salutaris obedientiae, et sub poena excomunicationis omnibus Superioribus Religionis, ut non recipient sub quo vis colore, aut praetextu aliquem ex Fratribus Congregationis Iliceti absque licentia in scriptis Vicarij Generalis eiudem Congregationis, et si quo vis modo receperint teneantur infra triduum reddere sub eisdem paenis. Die 7 Iunii.

 

Anno 1442

22. Rev. Pater Fr. Franciscus de Asciano. - Renuit hic acceptare Officium et sponte renunciat.

23. Rev. Pater Fr. Bartholomaeus Urbani de Ptolomaeis senesis. - Sufficitur Vic. Generalis per litteras Gerardi, secuta supra dicta renunciatione Francisci de Asciano. - Gerardus Generalis confirmat multas diffinitiones factas in primo Capitulo Generali rite celebrato Iliceti, et sunt quae sequuntur. - Omnes Fratres cuiuscunque gradus, conditionis et Societatis, qui voluerint recipi in nostra Congregatione per quatuor Annos careant voce activa et passiva. - Item Ilicetanam Societatem non posse unionem contrahere cum aliqua alia Societate, nisi ex quatuor partibus Capituli, partes tres assensum praebuerint. - Vicarium Generalem Societatis posse simul et semel esse Vicarium Generalem, et Priorem Iliceti, et Vicarium Generalem durare per tres annos. - Authoritatem Patris Praesidentis Capituli non persistere nisi per tres dies. Die 16 Mensis Aprilis.

♣ Eugenius IIII Petentibus Bartholomaeo Ptolomaeo et Hieronymo Bonsignorio Ilicetanis, liberat Congregationem nostram ab omnibus et singulis Impositionibus subsidijs, etiam ex charitate, alijsque oneri bus et exactionibus ac contributionibus, quibuscumque nominibus nuncupentur per Generalem Priorem Ordinis pro tempore existentem, etiam de ipsius Ordinis Generalis Capituli consensu impositis vel imponendis, excepta duntaxat rata solvenda pro subsidio dicti P. Generalis. Die 6 Septembris. - Idem Sum. Pont. Eugenius fel. rec confirmat exemptionem Congregationi factam a nonnullis Generalibus Ordinis a iurisdictione PP. Provincialium Senarum, et etiam omnes alias gratias ac Privilegia eidem Congregationi impertita. - Item singulis Triennis, vel quando videbitur opportunum, posse Patres Ilicetanos Congregare Capitulum Generale pro Congregatione, in quo Capitulo [pag. 51] praeterea eligere valeant Praesidentem per tres dies duraturum, sub quo eisdem Patribus liceat eligere Vicarium Generalem, pro tota Congregatione dummodo sit unus ex ipsis, et ita electus statim intelligatur confìrmatus.

♣ Vicarium Generalem sic electum et confirmatum eandem prorsus ac similem iurisdictionem et potestatem habeat in omnes et singulos Fratres Societatis quam Generalis Prior Ordinis pro tempore existens in illos habet, et exercere potest. - Electionis Prioris Iliceti faciendae per Patres eiusdem Coenobij confirmationem pertinere ad Vicarium Generalem, qui etiam potest eligi per Annum in Priorem dictae Domus Iliceti absque alia confirmation.

♣ In Capitulo Congregati Ilicetani Patres possunt condere Decreta et diffinitiones, dummodo tamen Regulae, et Constitutionibus, ac Sacris Canonibus non obstent. - Vicarius Generalis simul cum Visitatoribus potest dispensare super statutis, ordinationibus, nec non concessionibus, gratijs et indultis, etiam per Sanctam Sedem confirmatis. - Potest Vicarius Generalis, quoties abesse contigerit unum, duos, vel plures Vicarios, cum facultate, de qua sibi videbitur instituere. - Prior Generalis pro tempore nullum Fratrem a Societate removere potest, nec aliquem cuiuscunque gradus ad ipsam Societatem transferre, et mittere valeat absque Vicarij, et maioris partis Societatis consensu, etiam si adsit rationabilis causa. - Idem Prior Generalis, simul cum uno ex Visitatoribus Societatis, quoties ei placuerit, potest societatem visitare, et delinquentes, si invenerit, punire.

♣ Omnes gratias et Privilegia Congregationi Ilicetanae concessa extendit ad omnes alias Congregationes, quibus eidem pro tempore aggregari contigerit. - Irritat litteras Apostolicas Congregationi Ilicetanae concessas, si in ipsa Congregatione cessaverit observantia. Die 6 Septembris. - De mandato speciali eiusdem Summi Pontificis Eugenij, Nicolaus Bartholus Episcopus Senarum notum facit omnibus mundi Potentatibus, gratias, immunitates, Privilegia concessa Congregationi Ilicetanae, implorando eorum Brachium, pro conservazione et manutentione, excomunicando contra facientes, impedientes etc. Die 16 Septembris. - Idem Sum. Pontifex Eugenius per aliam Bullam declarat antecedcntem, et addit Vicarium Generalem Congregationis per seipsum posse dispensare super poenitentijs ex quacumque causa, etiam per recessum ab ipsa societate.

♣ Per hanc eamdem Bullam Patres Ilicetani possunt sibi aggregare absque alia facultate Generalis Prioris, et Capituli etiam Generalis, alias Congregationes. - Prior Generalis pro tempore et Capitulum Generale Ordinis non potest transferra, nec mittere Fratres, etiam rationabili Causa de ipsa, ad ipsam societatem, absque consensu Vicarij Generalis, et maioris partis Fratrum Societatis. - Idem Prior Generalis non potest punire Fratres Societatis extra Domos ipsius societatis quantumcumque culpabiles et criminisi existant. - Item non potest Prior Generalis extra dictam Societatem aliquem ex Fratribus ad dignitates et honores, administrationes et officia assumere absque consensu in scriptis Vicarij Generali set Diffinitorum, aut Capituli societatis. - Fratres eiusdem societatis et alios, quibus ipsis uniri contigerit, gaudere posse, omnibus et singulis exemptionibus, Privilegijs, gratijs et Indultis in specie vel in genere concessis Congregationi per Priorem Generalem Ordinis. - Bona transeuntium ad societatem, ad ipsam pertinere pleno iure mandat. - Irritantur haec Privilegia, si in Congregat. cessaverit observantia. [pag. 52] Die 27 Nov. - Actum fuit a Patribus Diffinitorij nostrae Congregationis de unione cum alia Congregatione nempe Montis Ortonis, vivente eiusdem Congregagationis Fundatore B. Simeone de Camerino, et nil determinatum fuit ob distantiam Monasteriorum dictae Congregationis a nostris.

♣ Praestantissimus Magister Gerardus Ariminensis Generalis Ordinis, Doctor Theologus scientia, pietate et Religione insignis, ab aliquibus etiam Cardinalis dictus, postquam sancte vixit, sancteque quievit, Augustinianum ordinem, nostrae Congregationis fundamento stabilito, adauxit, de eadem optime meritus sanctam (ita ait Herrera) efflavit animam. Die 27 Decembris.

 

Anno 1445

24. Beatus Pater Fr. Petrus de Scitonio, qui supra. - Eugenius Pontifex de quo supra, concessit omnibus Ilicetanis, ut possint sibi in articulo mortis eligere confessarium idoneum, a quo valeant accipere plenariam remissionem et indulgentiam suorum peccatorum, qui quidem Confessarius, possit etiam commutare diem ieiunij in aliam diem. - Item Fratres ex Ilicetana Congregatione posse accipere usque ad summam ducentorum florenorum ab ijs, qui confessi sunt teneri ad restitutionem, et dicta summa denariorum posse uti pro emptione librorum ad usum concionatorum et ad alia pia opera. - Petierunt et obtinuerunt Matthaeus de Lucignano, et Ioannes Hieronymus de Senis.

 

Anno 1447

25. Beatus Pater Fr. Petrus de Scitonio, qui supra, iterum eligitur.

 

Anno 1449

26. Rever. Pater Fr. Bartholomaeus de Ptolomaeis, qui supra.

♣ Capitulum Omnium Observantiarum Italiae celebratur a Ioanne de Salem Generali in Monasterio Montis Speculi, Diaecesis senesi, pro instituendo modo regiminis praedictarum Observantiarum. Die 10 Maii. - In quo Capitulo efficitur Vicarius Generalis a Reverendissimo Priore Generali Iuliano de Salem, habito verbo cum Sanctissimo omnium Observantiarum Italiae Bartholomaeus, qui supra. Die 7 Iunii. - Huic Capitulo interfuit Beatus Petrus de Scitonio teste P. Herrera PP. pag. 385, et 2 p., pag. 247 et 381.

 

Anno 1450

Nicolaus Papa V confirmat Breve Eugenij IV Congregationi nostrae datum de non solvendis Collectis, ut dictum est supra sub. Ann. 1443, Die 6 Septembris. Die 20 Martii. - Sub isto Vicario Generali de Ptolemaeis acquiritur possessio Monasterij S. Annae extra Pratum, annuente Magistro Francisco Florentino, in quo Monasterio idem met Franciscus declaratur Prior. Die 8 Mensis Maii. - Frater Ambrosius Onuphrij Sen. Ilicetanus promovetur ad Prioratum Coenobij S. Martini Senarum, erat tunc temporis commendatum Coenobium Martinianum, et Prior utebatur Mitria, Annulo, Baculo et exomide, quam dicunt vulgo Mozzettam more Praelatorum, ex Indulto Pij II.

 

Anno 1451

27. Beatus Pater Fr. Petrus de Scitonio, qui supra. - Hic etiam fuit Vicarius Generalis Omnium Coenobiorum Observantiae Pisarum, quod munus quamvis reluctans tandem exercuit.

 

Anno 1453

28. Beatus Pater Fr. Petrus de Scitonio, qui supra, denuo eligitur. - Recusat onus et subrogatur Prior Monasterij SS. Trinitatis, et S. Ioannis ad Rupes Laterini prope moenia Civitatis.

29. Magister Pater Fr. Hieronymus de Bonsignoris Senensis, qui supra.

 

Anno 1458

30. Rever. Pater Fr. Bartholomaeus de Ptolomaeis, qui supra.

 

Anno 1460

31. Beatus Pater Fr. Antonius Petri de Montecchio.

 

Anno 1461

32. Beatus Pater Fr. Petrus de Scitonio, qui supra. - Erat etiam hic tunc temporis Vicarius Generalis omnium Monasteriorum Observantiarum in Tuscia [pag. 53] a Generali Ord. Constitutus.

 

Anno 1464

♣ Pius II Sum. Pont. immunes declarat Ilicetanos a solutione Collectarum quo vis modo imponendarum, Corroborando specialiter Privilegium Eugenij IV super hac re vulgatum die 6 Septemb. An. 1447 (ut dictum est supra) Id quod concedit et confirmat Pius in amplissima forma. Die 19 Aprilis.

 

Anno 1465

33. Beatus Pater Fr. Antonius de Montecchio, qui supra.

 

Anno 1466

34. Magister Pater Fr. Hieronymus Bonsignorius pronunciatus fuit in Priorem S. Mariae de Populo in Urbe a Guilelmo Bechio Florentino Priore Generali Ordinis. Die 17 Aprilis.

 

Anno 1467

35. Magister Pater Fr. Antimus a Monte Ilcinio. - Eodem tempore hic fuit electus Provincialis Senarum, ideo munus Vicariatus deponit et deputatur.

36. Beatus Pater Fr. Antonius de Montecchio, qui supra.

 

Anno 1468

Paulus II concedit Visitantibus nostras Ecclesias Dominica tertia post Pascha Resurrectionis, in qua celebratur Capitulum, septem Annos et totidem quadragenas. Die 26 Augusti.

 

Anno 1469

37. Beatus Pater Fr. Petrus de Scitonio, qui supra.

♣ Paulus Papa II qui supra declarat Generalem Ordinis super Congregationes habere supremam praelaturam, et Congregationes omnes esse immediate sub Prioris Generalis potestate. - Non possunt Fratres Congregationum praeoccupare, nec perturbare locum aliquem, nempe Monasterium Provinciarum, et e contra, Provinciales Monasteria Congregationum. - Superiores Provinciarum non possunt recipere Fratres Congregationum ultra triduum, et vice versa Praelati Congregationum debent remittere Fratres, qui ad eos pervenerint ad suos Superiores, sub poena excomunicationis Summo Pontifici reservata. - Multa statuit contra Fratres scandalosos et fugitivos praecipue. - Ut superiores, illos Fratres, qui circa eorum Monasteria deliquerint comprehendi iubeant, et in Carceribus includi, etiam si delinquens non sit de Corpore Congregationis aut Provinciae, et illos corrigere et punire valeant, non minus, quam si de dicta Congregatione existerent. - Ut Fratres tam Conventuales, quam de Observantia, ne quis eorum nomine alterius, possit stipem emendicare. - Fratres Congregationis debent solvere collectas pro Monasterijs, quae iam fuerant Provinciarum. - Patres Congregationis de consensu Capituli possunt in quacumque Civitate, seu alio loco, etiam si ibi Coenobium Fratrum et Patrum Conventualium existat, novas domos accipere et aedificare. - Pro observantia praedictorum, imponit contrarium attentantibus poenam excomunicationis, a qua non valeant delinquentes absolvi, nisi a Romano Pontifice. Die 5 Ianuarii.

 

Anno 1470

38. Beatus Pater Fr. Petrus de Scitonio, qui supra. Die 17 Iunii. - Denuo eligitur durante eius vita, et declaratur Baccalaureus Sacrae Theologiae cum facultate etiam, ut quotiescumque voluerit possit Magistrari, idest lauream sumere Doctoratus, at ipse tanto muneri renunciavit, et ad instantiam Dominorum Cardinalium Senensis et Papiensis, acceptat tantum Prioratum S. Mariae de Monte Specchio. - Paulus Papa II vult Fratres Congregationis posse Laycis tradere mantellum Religionis quo induti, gaudeant omnibus et singulis Privilegijs tam Spiritualibus, quam temporalibus toto Ordini concessis. Die 31 Augusti. [Pag. 54]

 

Anno 1471

39. Rever. Pater Fr. Antonius Romanus.

 

Anno 1472

Iacobus de Aquila Prior Generalis Ordinis dat Vicario Generali Congregationis nostrae multas facultates, precipue, ut possit recipere omnes Patres ac Fratres Conventuales, s. ex Provincijs advenientes. Die 11 Augusti. - Sixtus Papa IV concedit Indulgentiam Plenariam, in forma consueta, et remissionem omnium peccatorum cunctis utriusque sexus visitantibus Ecclesias nostrae Congregationis in festivitatibus B. Mariae Virginis, nempe Nativitatis, Annunciationis, Visitationis, Purificationis et Assumptionis. Die 8 Septembris. - Idem Summus Pontifex declarat praedictas Indulgentias in perpetuum valituras. - Idem concedit Prioribus nostrarum Ecclesiarum, ut possint constituere sex Patres Confessarios approbatos, cum facultate absolvendi fideles, eadem authoritate, quam habent Poenitentiarij Minores S. Petri de Urbe. Die 12 Octob. - Idem Summus Pont. denuo confirmat Indulgentiam Plenariam perpetuam in Festivitatibus B. Mariae Virginis concessam, communicando dictam Indulgentiam cunctis Monasterijs Congregationis, cum omnibus Privilegijs, exemptionibus, libertatibus, immunitatibus, indultis et gratijs, per Sanctam Sedem Apostolicam hactenus vel uni eorum concessis. - Idem vult Priorem Generalem non posse a Locis Congregationis sine licentia Vicarij Generalis et Capituli removere aliquem Fratrem, vel ad eorum loca alios mittere. - Fratres a Congregatione recedentes sine licentia Vicarij Generalis et Capituli excommunicantur, similiter, et eos recipientes, etiamsi facultatem obtinuerint a Priore Generali. Die 23 Decemb.

♣ Idem Sum. Pont. Sixtus IV omnibus nostrae Congregationis Fratribus, tam Professis quam Novitijs, et Commissis ac Sanctimonialibus Visitantibus tria altaria a Prioribus locorum deputanda, dicendo quinque Pater noster, et totidem Ave Maria, cum Oratione Deus omnium fidelium Pastor etc. eamdem concedit Indulgentiam, ac si interfuissent Romanis stationibus. Et ubi tot Altaria non sunt, sufficiat ter dicentibus dictas Orationes coram uno Altari, durat tantum ista Indulgentia tempore Quadragesimali. - Idem Pontifex concedit nostris Conversis posse nudis manibus tangere Vasa sacra, quandiu fuerint deputati servitio Sacristiae.

 

Anno 1473

40. Reverendus Pater Fr. Gregorius Senensis.

 

Anno 1475

41. Magister Pater Fr. Hieronymus de Bonsignoris Senensis. - Magister Pater Fr. Benedictus a Sancto Geminiano, in Libro signato A. Almi Collegij PP. Theologorum Senensium circa haec tempora invenitur incorporatus inter eosdem Patres Collegij.

♣ Sixtus Papa IV mandat non posse aedificari Monasteria apud aliquod Collegium nostrae Congregationis, usque ad quindecim milliaria, aliorum Fratrum necetiam nostri Ord. absque Vicarij Gener. et PP. Visitat. licentia. Die 18 Ianuar.

 

Anno 1476

Idem Sum. Pontifex anathematizat retinentes, sive occultantes Privilegia Congregationis Iliceti. Die 18 Februarii. - Ambrosius Massarius Coranus Generalis Ordinis de consensu Patrum Congregationis mandat Capitulum (degebat idem Ambrosius tunc temporis Iliceti) praedictae Congregationis celebrari de biennio in biennium, non obstante indulto supracitato Eugenij Papae IV. - Item illum esse Presidentem in Capitulis celebrandis, qui in superiori Capitulo antiquior extitit Diffinitorum, si aliter per litteras Reverendissimi Patris Generalis non fuerit provisum. - Confirmationem omnium Actorum in Capitulis gestorum, ad Priorem Generalem Ordinis pro tempore spectare. [Pag. 55] - Ecclesiam, et Chorum ìntraturos dicere debere Fratres genibus flexis ante Altare Maius Adoramus te Christe et benedicimus tibi, quia per Sanctam Crucem tuam redemisti mundum. - Aliaque multa statuit Ambrosius quoad mores attinentis. Die 16 Novemb. - Ilicetani recusant per litteras acceptare Monasterium Montis Falconis in Umbria. - Sixtus Papa IV concedit Vicarium Generalem Congregationis, et Visitatores posse in melius commutare et locare, etiam in Emphiteusim perpetuam, dummodo evidens utilitas conspiciatur, bona stabilia, et extenditur ad Monasteria Monialium degentium sub Cura praefati Vicarij Generalis non obstante constitutione Pauli Papa II. Die 12 Februarii.

 

Anno 1479

42. Magister Pater Fr. Hieronymus de Bonsignoris Senensis, qui supra.

 

Anno 1480

Hic declaratus fuit in Vicarium Coenobij S. Augustini Senarum, sed renuit munus acceptare.

 

Anno 1481

43. Beatus Pater Fr. Anselmus Lolli de Mandextris a Montefalco in Umbria.

♣ Sub isto, Ambrosius Coranus Generalis Ordinis ad instantissimas preces Domini Cardinalis Senarum, et Episcopi Volaterani, nec non totius Communitatis Insignis Oppidi S. Geminiani praecipit ut ipse Anselmus, una cum Priore Iliceti capiant corporalem possessionem Monasterij S. Augustini dicti Oppidi, in litteris haec verba expressa habentur: Ut ibidem observantiae introduceretur, etiam Vicario vestro per alias nostras in mandatis dederimus, ut non nihil huc usque factum sit, sicut accepimus milleque eis videantur anni, ut faelix die illa veniet, in qua Conventus ille per vos ad regularem vitam reducatur etc. Die 20 Iulii.

 

Anno 1483

44. Magister Pater Fr. Marianus a Genazzano. - Sixtus Papa IV possessionem captam a Patribus Ilicetanis Monasterij S. Augustini de S. Geminiano confirmat Die 20 Martii.

♣ Ambrosius Coranus Generalis Ordinis Ilicetanae nostrae Congregationi condonat Monasterium Sancti Antonij Abbatis ad Lacus Ambrosianos, sive de Lacu Viridi, aut de Nemore, aut ad Confines, cum situm sit inter Civitatem Collensem et Senensem iuxta earum Civitatum confinia, mandando Vicario Generali sub poena rebellionis, ex excommunicationis ut statim capiat corporalem possessionem praedicti loci. Die 8 Novembris. - Item Pontifex, qui supra confirmat non posse aedificari Monasteria apud illa, nostrae Congregationis ad 15 milliaria. - Fratres Congregationis posse acquirere bona in omni loco. - Molestantes loca nostrae Congregationis ipso facto excommunicat. Die 1 Decembris.

♣ Ideo ad Lacus Ambrosianos, sive de Lacu Viridi, tum quia ibi accidit illud mirabile factum D. Ambrosij Antistitis Mediolanensis, qui ad limina Apostolorum pergens de more, inde transiens hospitioque receptus, aiente, et affirmante hospite, se numquam quid mali expertum fuisse, pronunciatis istis verbis ab Antistite, Ergo haec non est Domus Dei, recedamus, ad suos conversus, statim amoto pede, terra deglutivit Domum hospitis, hospitum familiam, et cuncta bona eius, ibique surgens, ubi erat Domus, Lacus Aquae Viridis horribilis etiam in praesentiarum visu, non obstante quid dicant aliqui hoc accidisse per D. Cerbonem Aepiscopum Massanum. - Hoc Monasterium fruitur multis Privilegijs Apostolicis, praecipue in protectione particolari S. Romanae Ecclesiae accipitur a summis Pontificibus Gregorio IX et Honorio III. - Eiusdem Monasterij Alumnus fuit Guido a Stagia, quae est Oppidum a dicto Monasterio per miliarium distans, qui Guido ad regimen totius Religionis vocatur secundo loco post Unionem Generalem An. 1265 in Coenobio [Pag. 56] S. Mariae de Populo in Urbe, et santissime rexit et gubernavit Religionem, quam tandem reliquit e vivis sublatus An. 1270. - Ante Aram maiorem huius Ecclesiae sub honorifico marmoreoque Sepulchro conduntur Ossa sapientissimi Francisci de Senis Lectoris germani Gerardi.

 

Anno 1485

45. Beatus Pater Fr. Antonius de Montecchio, qui supra.

Innocentius VIII confirmat omnes gratias et cuncta Privilegia concessa Congregationi ab Eugenio IV. Die 17 Octobris. - Acquiritur Coenobium S. Mariae, cuius Ecclesia erat paroecialis sita ad Portam Sancti Galli Florentiae ex munificenti dono DD. Consulum Artis sericae opera et studio huius Prioris, praeclari Verbi Dei Praeconis. Die 5 Ianuarii. - Magister Pater Fr. Anselmus de Monte Falco, de quo supra ad Praelaturam totius Relig. evectus fuit, mortuo Sylvestro de Balneoregio, et postea eligitur Senis Innocentij VIII, Anno secundo in Priorem Gener. Die 14 Maii. – Hic Generalis Mandextrus liberali manu tradidit Congregationi nostrae Coenobium suae Patriae, nempe Montis Falconis.

 

Anno 1487

46. Magister Pater Fr. Marianus a Genazzano pro secunda vice.

♣ Innocentius VIII Papa communicat Privilegia, Exemptiones, Immunitates, Libertates, Facultates, Indulgentias, Concessiones qualescumque Congregationi Iliceti, et Ordini, concessas Congregationi Galliae Cisalpinae de Observantia Augustinianae cum Clausula alternativa in posterum. - Instantibus Mariano, qui supra, Vicario Generali Iliceti, et Thadeo de Ipporegia Vicario Generali dictae Congregationis de Lombardia. - Haec, quae sequuntur addidit Gratijs, Privilegijs Ilicetanorum Innocentius VIII Vicarij, et Visitat. praedictarum Congreg. possunt benedicere corporalia et paramenta quaecumque Altarium in Missarum et Divinorum celebratione necessaria. - Fratres praedictarum Congregationum ante Auroram post Matutinum possunt Sacrum facere. - Sine licentia Capituli, vel Vicarij Gener. Cong. aliquem ex dictis duabus Congregationibus ad aliquam dignitatem extra ordinem minime posse assumi. - Item neminem ex patribus posse se transferre ad alios Ordines, seu Religiones alias, etiam ad arctiores, sine facultate et licentia Dictorum Vicariorum Generalium, sub poena excommunicationis contra recedentes et recipientes. - Dat idem Pontifex auctoritatem Superioribus dictarum Congregationum absolvendi suos Subditos super irregularitate Divinis se immiscendo contracta etc. Die 15 Novembris.

 

Anno 1489

47. Rever. Pater Fr. Ioannes Baptista a Castilione Aretino, sive Florentino. - Innocentius Papa VIII confirmat incorporationem Ecclesiae Parochialis sanctae Mariae ad Portam S. Galli de Florentia, eidemque Ecclesiae communicat omnes gratias et cuncta Privilegia Religioni et Congregationi nostrae concessa. Die 8 Septembris. - Circa haec tempora acquiritur Monasterìum S. Bernardi de Maccione prope Florentiam. - Sancitum est in Capitulo Generali Congregationis, inviolabiliter servandam esse Constitutionem factam, nempe fieri debere Commemorationem Sanctissimi Salvatoris in Vespere et Matutino, ea die, quando fiunt caeterae commemorationes, at hoc in omnibus locis Congregationis. - Innocentius VIII, qui supra Indulgentiam 7 Annorum concedit his, qui praesentes sunt Orationi Serotinae in Choro faciendae, sive alibi post Matut. - Item concedit et confirmat omnes alias Indulgentias Praedecessorum suorum et praecipue Sixti IV concessas nostris Ecclesijs, addendo Indulgentiam plenariam in festivitate Praesentationis B. Mariae Virginis. - [Pag. 57] Item communicat omnia Privilegia concessa quibusvis Religiosis, etiam non mendicantibus.

♣ Insuper sex Patres Confessarios deputandos a Prioribus media Quadragesima, posse etiam deputari in omnibus diebus, in quibus conceditur Indulgentia cum facultate absolvendi a quavis sententia et censura, excessu, sive delicto, etiam Sanctae Sedi Apostolicae reservato. - Praeterea Indulgentiam Stationum tempore Quadragesimali, concessa a Sixto IV extendit ad Stationes totius Anni ter replicata Oratione ut supra taxata pro Praedicatoribus, Confessarijs et emendicantibus, de mandato superiorum, haec munera exercentibus. Die 7 Decembris. - Hic Vicarius Generalis Ioannes Baptista de Arretio, sponte renuciavit officium, et a Reverendissimo Priore Generali Anselmo per litteras deputatur quousque de alio per Capitulum debite provideretur.

 

Anno 1492

48. Beatus Pater Fr. Paraclitus a S. Angelo, de quo supra. - Per litteras Patentes, Anselmi Generalis. Die 10 Septembris. – Erat tunc temporis etiam Prior Iliceti.

 

Anno 1493

49. Rever. Pater Fr. Thomas Galgani de Ghinuccis Senensis. - Huic alijsque Patribus, praecipue Lactantio Piccolomineo provinciam Patres Diffinitores demandante t concedunt, ut possint agere de unione cum Congregatione Lombardiae de Observiantia nostri Ordinis. Die 28 Aprilis. - Si placeret tamen Reipublicae Senarum. - Eadem sacra Congregatio Lombardiae libentissime annuit, et per eam Marianus a Genazzano Vicarius Generalis, et Thadaeus de Iporegia Prior Romae, et alij assensum praebent in amplissima forma, ut in litteris Reg. I Cong. pag. 30 et 31. Die 20 Maii.

 

Anno 1494

50. Thomas Ghinuccis Senensis, qui supra, ex se renunciavit Officium, et subrogatur.

51. Beatus Pater Fr. Paraclitus a Sancto Angelo, qui supra. - Denuo subrogatur, sed renunciat.

 

Anno 1496

52. Reverendus Pater Fr. Lactantius Iacobi de Piccolomineis Sen. - In Capitulo Praesid. Mariano Generali Vicario Apostolico. Die 11 Decembris. - Hoc anno Innocentius VIII concedit Anselmo Mandextrio Generali et successoribus eius, facultatem  absolvendi subditos sibi ab omnibus poenis praeterquam ab Irregularitate per homicidium voluntarium, et bigamiam contracta, et haec facultas extenditur etiam ad Provinciales, et Vicarios Generales aliarum Congregationum. Die 16 Februarii.

♣ Idem Pontifex Innocentius VIII, vivae vocis Oraculo confirmat omnes gratias et privilegia nostrae Congregationi concessa praesertim, Vicarium Generalem Congregationis pro tempore, habere eamdem authoritatem in Monasterijs et locis sibi subditis, tam in temporalibus quam in Spiritualibus, quam habet Prior Generalis in toto Ordine. - Insuper concedit tempore interdici his, qui intersunt nostris Officijs, ut possint frui Indulgentijs stationum.

♣ Item vult Fratres nostrae Congregationis non posse absolvi a Casibus reservatis Superionbus, nec ab Apostolicis Paenitentiarijs, seu Praelatis, aut Sedis Apostolicae Legatis, nec posse impetrare licentiam confitendi, nec valere promoveri ad beneficia aut dignitates absque licentia Superiorum Congregationis. - Marianus a Gennazzano Ilicetanus, Anselmo itidem Ilicetano supradicto, ob gravem senectutem renunciante Generalatus Officium, eligitur Vicarius Generalis Apostolicus ab Alexandro VI qui postea Romae in Comitijs Religionis praeficitur Prior Generalis, ut dictum est supra in Serie Priorum ad hoc An.

[Pag. 58] Instante Mariano a Genazzano ab Iliceto Generali, Alexander VI perpetuo ascribit Sacrarij Pontificij Curam nostrae Religioni. Die 15 Octobris. - Hoc eodem Generali procurante Alexander VI mandat depingi Imaginem D. P. Augustini cum caputio, sive cuculla. – Solvuntur a Congregatione Ilicctana lib. 2 pro Canonizatione Beatae Clarae a Montefalco.

♣ Sub isto Generali Mariano reperiebantur in tota Religione triginta millia Religiosi Professi, non computatis Novitiis, et bis mille Monasteria reformata, et tercenta Monasteria Monialium, Teste Baptista Alovisiano Ravennate. - Idem Pontifex Alexander VI concedit Mariano a Genazzano instanti Fratres nostrae Congregationis posse celebrare sub Officio Duplici festum S. Pauli primi Eremitae, S. Guilelmi, S. Simpliciani, Translationis S. Monicae et Canonizationis S. Nicolai. - Sub isto Vicariatu perturbatur possessio Coenobij S. Galli de Florentia, sed remanet pro Ilicetanis.

 

Anno 1499

53. Beatus Pater Fr. Paraclitus a S. Angelo, qui supra. Die 13 Aprilis. - Deperditur Monasterium SS. Trinitatis et S. Ioannis ad Ripas Laterini Senarum, ut dictum est in Serie Priorum pag. 30.  - Virtute supradicti Decreti Ambrosij Corani, et Bullae Sixti IV de capienda possessione Monasterij S. Augustini de sancto Geminiano, eamdem possessionem solemniter, et communi Oppidanorum applausu capiunt Ilicetani. Die 23 Augusti.

♣ Post initam possessionem praedicta Coenobij, patiuntur Ilicetani Patres ibidem  maximam perturbationem. Per aliquos enim seditione commota violenta manu eijciuntur e Coenobio, sed ab Universitate, et praesertim ab honorificis viris Hieronymo de Ridolphis, et Francisco de Lupis, in proprias domos receptis, ex Decreto publici Consilij termino duarum horarum punitis, in exiliumque propulsis seditiosis honorificentiss. Reponuntur. - Huius Monasterij Alumni fuere quamplurimi praeclarissimi Viri, inter quos Augustinus Tinaccius Episcopus Narniensis, qui naturae cessit An. 1370 ut videre est in proprio Elogio infraposito. Pater Fr. Cathaldus Antonij Lapi Magister Biblicus elegantissimus ac Senensis Provinciae ob morum gravitatem et prudentiam Rector assumptus Obijt 10 Iunij 1451 Magister Augustinus Antonij suis temporibus Praedicator clarus. Obijt 1483 Magister Dominicus de Strambis Doctor Parisiensis acutissimus, Domus praedictae restaurator magnificus, Claustrum novum, magna animi liberalitate, Vasa argentea, Calices, Crucemque Aulica multa ad Ornatum Ecclesiae et Coenobij construi curavit. Sacrum Altare Maius exexit, cuius Icon a Petro Pollaiolo depicta fuit mira arte, sicut et Chorus ab insigni Benotio. Obijt die 1 Decemb. 1492. - Magister Benedictus Francisci de Crudelis. Magister Bernardinus Ludovici de Ficarellis, Concionator acceptus. Magister Fr. Aurelius Augustini de Margattis, et alij quam plurimi Viri omni genere virtutum praestatiss. - Alexander VI Sum. Pont. confirmat incorporationem et possessionem captam praedicti Monasterij S. Augustini petente Paraclito. Die 7 Septemb.

 

Anno 1500

Virtute Diplomatis eiusdem Alexandri VI Ilicetani denuo ineunt possessionem dicti Coenobij S. Augustini. Die 4 Aprilis.

 

Anno 1501

54. Rever. Pater Fr. Lactantius Piccolomineus, qui supra. Die 25 Aprilis.

 

Anno 1502

Hic vigore litterarum praeceptoriarum Generalis Gratiani Fulginei et Sanctissimi Domini Alexandri Papae VI accipit actualem possessionem [Pag. 59] Illustrissimi Monasterij Sanctissimae Trinitatis de Viterbio, ultimus Prior Conventualis fuit Fr. Laurentius de Scarmilionibus Viterbiensis. Breve datur Die 16 Iunii. Possessio capitur Die 16 Iulii. - Circa haec tempora acquiruntur Coenobia Lionissae in Umbria, et prope Volsinas, et in insula Marthae in Lacu.

 

Anno 1503

55. Magister Pater Fr. Basilius Ioannis de Monaldis Senensis eligitur tantum pro uno anno Die 30 Aprilis. - Iulius Papa II concedit Indulgentiam 100 dierum et totidem Quarantenas visitantibus Ecclesias nostrae Congregationis in Festivitatibus S. P. Augustini, S. Monicae et S. Nicolai de Tolentino.

♣ In Capitulo Generali Congregationis celebrato hoc anno Iliceti incorporantur Congregationi Rever. P. Magister Fr. Aegidius, et Magister Pater Fr. Rosadus, et alij Viterbienses Patres. In actis Capit. pag.

♣ Item receperunt et incorporaverunt Rever. P. Magistrum Augustinum Interamnatem, et Fr. Nicolaum de Francia, utriusque susceptio gloriosa. Reg. Congreg. pag. 8. - Qui Magister Pater Augustinus Interamnensis Iliceti manens a Cardinali Protectore Romam vocatur ad peculiaria negotia Religionis peragenda, recedit tamen obtenta Venia a Vicario Generali. - Communitas Collensis Vallis Elsae mittit Credentiales Epistolas ad Patres Ilicetanos per Albertum Masquola de Albertinis, rogando, ut eo mediante vellent Patres acceptare Monasterium S. Augustini eiusdem loci, sed renuerunt Patres accipere benevolentiae ergo Religiosos sui Ordinis. Die 28 Octob. Reg. 1 Congregationis pag. 5.

 

Anno 1504

56. Rev. Pater Fr. Lactantius Piccolomineus Sen., qui supra. Die 21 Aprilis. - Dimittitur iustis de causis Monasterium, quod possidebat Congregatio nostra in Insula Marthae ad lacum Volsinorum. - Hic Vicarius Generalis liberam facultatem concedit Magistro Aegidio Viterbiensi, qui postea fuit Cardinalis, concionandi tempore Adventus et Quadragesimae. Reg. Cong. 1, pag. 14.

 

Anno 1506

57. Beatus Pater Fr. Paraclitus a S. Angelo, qui supra. Die 27 Aprilis.

♣ Sub isto pro prima vice eligitur a Patribus Diffinitorij, Procurator Generalis pro tota Congregatione ad omnes lites et causas, etiam in Curia Romana, et fuit electus.

Rever. Fr. Basilius Monaldus, qui supra. - Hic Vicarius per litteras Patentes concedit fratri Felici de Prato Iuveni studiosissimo, ut accedere valeret ad studium Patavinum, non tamen separandi se, seu recedendi a Congregatione, sed redeundi ad statutum tempus sui Superioris. Die 8 Iunii. - Hic fuit ille Felix, qui adeo feliciter multa scripsit et dictavit, ut videbimus. Circa haec tempora Ilicetani acquirunt Hospitalem domum Sancti Sebastiani de Binis apud Florentiam.

 

 

Anno 1508

58. Rev. P. Fr. Seraphinus Danielis Angeli de Ferris a Castellina. Die 26 Maii. - Beatus Pater Fr. Paraclitus a S. Angelo Procurator Generalis. Curae huius Vicarij committitur Monasterium S. Augustini de Senis. - Vocatur Seraphinus ab Aegidio Generali Romam ad gravissima negocia peragenda, erant enim Aegidius et Seraphinus intimae ac verae benevolentiae vinculo ligati.

 

Anno 1510

59. Magister Pater Fr. Basilius de Monaldis, qui supra. Die 14 Aprilis. - Beatus Pater Fr. Paraclitus a S. Angelo Procurator Generalis. - Idem Aegidius Generalis quaerit consensum a Vicario Generali Congregationis [Pag. 60] et alijs Patribus, ad quos attinebat, ut celebraretur Capitulum Generale Viterbij. Die 6 Octobris. - Item hoc idem petit per aliam Epistolam idem Generalis. Die 15 Octobris. Obtenta sententia celebratur Capitulum Generale Viterbij, in quo confirmatur Aegidius in munere Generalatus, manebat Coenobium illud tunc temporis sub ditione Congregationis. Die 27 Maii. - Aegidius Viterbiensis Ilicetanus concedit per litteras patentes huic Vicario Generali, et P. F. Seraphino Florentino Priori Iliceti, ut viderent et corrigerent in melioremque formam redigerent Constitutiones et Sanctiones, ac Decreta Congregationis. Die 14 Iunii. - Iterum assumitur negocium Unionis nostrae Congregationis cum illa de Observantia Lombardiae, et Patres Diffinitores in Monasterio sancti Leonardi Congregati patentes litteras expediunt Fratri Seraphino de Ferris, et Paraclito a sancto Angelo, quibus datur plena facultas opus perficiendi. Die 27 Februarii. - Cuncta in amplissima forma confirmat Vicarius Generalis Basilius eadem die, ut Reg. pag. 32. - Quidquid determinatum fuerit circa hanc negociationem, nescitur, nil aliud, praeter ea, quae dicta sunt, invenitur in nostris monimentis.

 

Anno 1512

60. Beatus Pater Fr. Paraclitus Binus, qui supra. Die 15 Aprilis. - Rever. Pater Fr. Aegidius a S. Geminiano Procurator Generalis. Edictum statuit hic Vicarius iustissimum contra proprietarios. Die 31 Augusti. Decretum statuitur in hoc Capitulo, per totam Congregationem celebrandum esse festum Sanctissimae et Immaculatae Conceptionis B. Mariae Virginis cum Octava, sicuti iam celebratur in Coenobio S. Leonardi, promulgatur decretum per litteras patentes P. Generalis. Die 4 Novembris. - Item multa mandavit pro bono Regimine Congragationis, et eadem die publicantur observanda. - Curae huius Integerrimi Patris et Successorum eius commendantur Moniales Venerabiles S. Mariae Magdalenae Senarum, petente Pandulpho Petruccio. - Circa haec tempora dirutum fuit Monasterium Sanctae Mariae ad Portam Sancti Galli Florentiae in ultima Obsidione illius Civitatis, quod erat prope moenia. - Discesserunt etiam Ilicetani a Monasterio Sancti Bernardi de Maccione iuxta Florentiam. Recedunt etiam sponte circa haec tempora a Monasterio Leonissae, Montis Flasconis, Sanctae Luciae in Valle Rosiae, Sancti Bartholomaei de Asciano atque a Coenobio Sancti Barnabae apud Sanctam Floram. - Generalis Aegidius concedit, ut cum Praesidens Capituli Ilicetani fuerit electus in Vicarium Generalem Congregationis, talis electio intelligatur valida. Die 17 Decembris.

 

Anno 1513

Idem Generalis confirmat, quod immediate dictum est, atque concessum. Die 15 Martii.

 

Anno 1514

61. Magister Pater Fr. Basilius Monaldus Senensis, qui supra. Die 30 Aprilis. -

Rever. Frater Aurelius a S. Geminiano Procurator Generalis. - Isti Basilius et Aurelius obtinuerunt Indulgentiam etiam per totam Religionem pro his, qui intersunt Orationi Serotinae a Leone X concessam. Extenditur haec Indulgentia etiam ad Moniales, Mantellatas, Oblato set Centuratos, qua etiam gaudent occupati circa infirmos, et ipsi infirmi dicendo semel Salve Regina.

♣ Albertus Utinensis Commissarius P. Generalis mandat huic Vicario Basilio, ut cum Fratribus suis debeat discedere ac relinquere Monasterium SS. Trinitatis de Viterbio: [Pag. 61] at ipse Vicarius irritum esse nullumque praeceptum respondet et recurrit ad sanctam sedem Apostolicam. Die 20 Aprilis. - Communitas praedictae Civitatis Viterbiensis in gratiam appellationis Epistolam gravissimam Generali Aegidio mandat. - Unitur Congregat. sodalitas Divae Catharinae Senen. quae de Charitate dicitur. - Burghesius Petruccius Pandulphi Magnifici Senarum coryphei, ac successor, Epistolas ad Capit. Gener. Cong. mittit, rogando, ut Pater Paraclitus de Binis inceptum munus regendi Moniales Monasterij S. Mariae Magdalenae, iam a Pandulpho Patre ad hoc constitutus, prosequi, ne dedignaretur. Die 24 Aprilis. - Hoc idem humiliter et instantissime petunt per litteras publicas praedictae Religiosissimae Sanctimoniales. Die 26 Aprilis. - Acquiescunt Patres petitionibus, addita conditione, ut quam primum provideretur alius Gubernator. Die 26 Maii.

♣ Publicantur novae Constitutiones Reformatae ab anno 1508 Authoritate Pontificia, et Rever. Pater Generalis per conspicuos ac doctissimos Viros Fratrem Seraphinum de Ferris Florentinum a Castellina, Lactantium Piccolomineum Senensem, et Paraclitum Binum a Sancto Angelo, postmodum revisae ex Indulto Apostolico per Fratrem Basilium et praedictum Seraphinum, et postremo per Hieronymum Bonsignorium senensem porrectae et oblatae cum aliquibus Annotationibus, et iterum per Mag. Augustinum a Fivizzano et praenominatum Paraclitum a S. Angelo, Elimatae. Die 21 Aug. - Conceditur facultas in genere Magistro Patri Fr. Augustino de Fivizzano Ilicetano, ut quotiescumque contigerit vocari a Generalibus Ordinis, sive a Provincialibus ad praedicandum, disputandum, sive legendum, permanendi ac standi, simul etiam commorandi quocumque in loco nostrae Congregationis, quem suis studijs, et consequendae sanitati sibi ipsi videbitur opportunum, nec non eligendi idoneum sacerdotem Congregationis, vel Ordinis, qui confessionem suorum peccatorum audiat quoties opus fuerit et absolvat. Die 23 Augusti.

 

Anno 1516

Oblata fuit quaedam Ecclesia S. Leonardi extra moenia Civitatis Florentiae. Die 1 Aprilis.

62. Rever. Pater Fr. Seraphinus Florentinus, qui supra. Die 6 Aprilis. - Pater Fr. Aurelius Geminianensis Procurator Generalis. - Hic Seraphinus fuit etiam Reformator Generalis in Thuscia, Prior monasterij S. Augustini de Urbe, Procurator in Curia Romana pro Collegio S. Mariae apud Portam S. Galli de Florentia. Praesedit etiam Coenobio SS. Trinitatis et praefuit (ut dictum est) Collegio S. Augustini Senensis tamquam reformator Generalis, Vir utique maximae existimationis.

 

Anno 1517

Fuit carissimus acceptissimusque Aegidio Cardinali, singularis familiaritas eorum Animos vinctos tenebat, Epistolas gravissimas, quas Aegidius diversis Viris praeclaris misit, summo studio collegit, redegitque in libros Octo, quarum litterarum maior pars Seraphino mittitur, precipue videnda est octava primo libro, in qua plane confitetur, se dignitatem Cardinalatus accepisse, eomet Seraphino cooperante, eumque Romam petentem desiderat. Die 28 Iulii.

♣ Reperiuntur isti libri octo Epistolarum Egidij, per Seraphinum collectarum, (equidem digni visu) in Bibliotheca Angelica de Urbe inter Manuscripta. Seraphinus ab Aegidio Generali, nondum enim, et si ad apicem Cardinalatus evectus, onus Generalatus deposuerat, mittitur reformator monasterij Sancti Augustini de Prato, cum facultate omnimoda substituendi ibidem Priorem [Pag. 62] de corpore Congregationis. Die 6 Octobris.

 

Anno 1518

63. Rever. Pater Fr. Hieronymus de Bonsignoris huius nominis et cognominis secundus sen. Die 18 Aprilis. - Pater Fr. Victorius a S. Geminiano Procurator Generalis. - Homines Communitatis Volsinij offerunt Patribus Diffinitorij nostrae Congregationis in gratiam F. Victorij Prioris SS. Trinitatis Viterbiensis locum S. Mariae de Lilio. Die 5 Maii.

 

Anno 1519

Deseritur sponte Monasterium SS. Trinitatis Viterbiense. Die 15 Novembris. Etiam et Montis Flasconis.

 

Anno 1520

64. Magister Pater Fr. Basilius de Monaldis Senensis, qui supra. Die 22 Aprilis. - Erat Basilius Praeses Capituli tamquam primus Diffinitor Capit. Preteriti. - Pater Fr. Gabriel de Humidis Senensis Procurator Generalis. - Hunc Procuratorem Generalem, et Patrem Fr. Gregorium Senensem Coenobij S. Antonij de Nemore mittit iste Vicarius Romam, ad peragendum negocium pro acquisizione Loci S. Martini Senar. Die 14 Iulii.

 

Anno 1522

65. Rever. Pater Fr. Bernardus de Monaldis. Die 4 Maii. - Pater Fr. Gabriel de Humidis Sen. Procurator Generalis. - Ad instantissimas preces Reverendarum Monialium sanctae Mariae Magdalenae concedit iste Vicarius in Rectorem Reverendum Patrem Basilium Vicarium Generalem supradictum. Die 8 Maii. - Ab insigni Oppidi S. Miniati, quod postea perillustris Civitas effecta est, communitate, requiruntur Ilicetani Patres, ut non dedignarentur accipere, quamdam Locellum (ita in litteris) pene ipsam Civitatem, et ad peragendum, deputatur in Procur. Fr. Nicolaus de Stephanis eiusdem loci. Die 12 Iulii.

♣ Frater Hieronymus Cortonus Vicarius Generalis Provinciae Senarum et Pisarum Ord. S. P. Augustini, Huic Vicario commendatum habet Fratrem Angelum Volaterranum, virtatibus, et bonis moribus ardentissime incumbere capiente, ad hoc ut in Congregatione recipiatur. Die 7 Septembris. - Magister Pater Basilius, qui supra, declaratur Praefectus super negocio iam peracto pro acquisitione, ac securitate possessionis capiendae Loci sancti Martini Senarum. Die 14 septembris. - Prompte acceptatur, et sub Disciplina Rev. Patris Magistri Augustini Pedemontani assignatur Iliceto. Die 29 septembris.

♣ Sacrae Theologiae Lector Felix Pratensis genere Hebraeus a Gabriele Veneto Generali Ord. ad Adrianum VI Sumum Pontificem in Hispania commorantem mittitur, ut Gabrielis, et Ordinis negocia gravissima cum Pontifice obiret. - Felix Pratensis a Generali Magister Theolog. creatur authoritate Pontificia. - Sub isto Vicario Bernardo unitum fuit Congregationi Monasterium Sancti Martini Senarum, tradente D. Alberto de Bertinis, disponente Fratre Hieronymo II Bonsignorio, qui supra. - Adrianus 6 hanc incorporationem validam et ratam habet suo Diplomate. Die 2 Februarii.

 

Anno 1529 (1523?)

66. Rev. Pater Fr. Gregorius Simonis Antonij de Sensarijs Senensis. Die 11 Aprilis. - Erat Praeses Capituli, in quo fuit electus. - Pater Fr. Gabriel de Humidis sen. Procurator Generalis. - Determinarunt Patres Diffinitorij per Decretum relinquendam esse curam Monasterij Monialium S. Mariae Magdalenae, et casu quo aliter iudicaret Reverendiss. Generalis, multa statuunt pro bono regimine praedicti Monast. Die 18 Aprilis. - Gabriel Generali Ord. minime assensum praebet, quoad deserendam Curam [Pag. 63] Monasterij S. Mariae Magdalenae, mandat bene decreta edita pro Reformatione Monasterij, proponenda esse publice cunctis monialibus habentibus vocem in Capitulo, et si ab eis essent recepta et approbata, publicanda esse. Die 7 Maii. - Praedictae Moniales de consensu Dom. Fabij de Petruccis, et Dom. Firmani de Bichis, et multorum de consanguineis, easdem Diffinitiones, capitulariter congregatae approbarunt et receperunt, et publicis subscriptionibus denuo se Curae Ilicetanorum subdiderunt. Die 30 Maii. - Confirmantur per P. Generalem Decreta quoad moderationem praedicti Monasterij S. Mariae Magdalenae. Die 11 Iunii. - Denuo confirmat eadem Decreta P. Generalis, et ad instantissimas preces praedictarum Reverendarum Monialium declarat, et mandat curam et gubernium earum attinere ad Vicarium Generalem Congregationis pro tempore. Die 11 Iunii. - Idem Generalis denuo statuit sub cura Ilicetanorum praedictas Moniales. Die 12 Novembris. - Item hoc idem mandat et vult. Die 23 Novembris. - Magister Pater Antonius Zerra Tantuccius Senen. Ilicet. Sacri Collegij Theologorum Senensium Decanus acclamatus, Fratrem Ioannem Germanum Haidebergensem Augustinianum, sacra Laurea Doctoratus solemni ritu et pompa condecorat in Aula Archiepiscopali, maximo comitatu a Coenobio Sancti Martini discedens. Die 1 Augusti.

 

Anno 1525

Intrant Ilicetani in corporalem possessionem loci sanctae Mariae de Lilio apud Volsinios, mediante Fratre Andrea senensi. Die 10 Iunii. - Simul, et possessio capitur ab Ilicetanis Monasterij sanctiss. Annunciationis apud Civitatem s. Miniatis, operante Religiosissimo Viro probo, ac integerrimo Nicolao de Stephanis, germine glorioso suae Patriae. Die 17 Augusti.

 

Anno 1526

67. Magister Pater Fr. Basilius Monaldus, qui supra. Die 15 Aprilis. - Erat Praeses Capituli, in quo fuit acclamatus Vicarius Generali. - Magister Pater Fr. Felix de Prato Procurator Generalis Congregationis. - Cura Monasterij s. Mariae Magdal. relinquitur libere ac sponte a patri bus Diffinitorij, quam determinationem Vicarius Generalis notam facit per suas Epistolas Monialibus. Die 13 Aprilis. - Sub tutela et regimine nostrae Congregationis accipiuntur Moniales sanctae Monicae Senarum. Die 20 Martii.

 

Anno 1528

♣ Hic Basilius Vir utique docctissimus exaravit Tractatum super septem Psalmos, sed humilitatis gratia apponere titulum aut gradum Doctoratus minime voluit circumferri sub nomine Fr. Basilij Cottae, Typis Senis traditur.

68. Reverendus Pater Fr. Aegidius de Sancto Geminiano. Die 26 Aprilis. - Magister Pater Fr. Felix a Prato, qui supra Procurator Generalis.

♣ Hunc Felicem fuisse illum, qui edidit explanationem in lib. Iob. et Psalterium ex Haebreo ad Verbum translatum, approbatumque per summum Pontificem Leonem Decimum, excusum Venetijs Ann. 1515, Die 5 Septem. non est, qui possit dubitare, cum ex monumentis Monasterij S. Annae extra Pratensem Civitatem satis aperte hauriatur.

 

Anno 1529

Don. Angelus Pauli Presbiter de S. Miniato sponte Beneficium quoddam Tituli sancti Stephani et sanctae Luciae cum cura Animarum, Monasterio SS. Annunciationis date t donat. Die 12 Maii.

 

Anno 1530

69. Rever. Pater Fr. Bernardus Monaldus Sen. qui supra. Die 1 Maii. - Magister Pater Fr. Aurelius Margattus a S. Geminiano Procurator Generalis.

 

Anno 1532

70. Rev. P. Fr. Aurelius Francisci de Ficarellis de Sancto Geminiano. Die 14 Aprilis. - Magister Pater [Pag. 64] Fr. Aurelius Margattus, qui supra, Procurator Generali. Obijt iste Vicarius General. Senis vix inchoato munere nempe. Die 10 Aug. Effitur Rector pro defuncto Vicario.

 

Anno 1532

71. Rev. Pater Fr. Salvator Petri Pauli Georgij de Giorgis alias de Viticcis Sen. Eligitur a Patribus, ad quos spectabat electio usq. ad statutum tempus Capituli. Die 21 Augusti.

Pater Fr. Nicolaus Collensis Procurator Generali.

 

Anno 1534

72. Rever. Pater Fr. Sylvester de Malingegnis Collensis. Die 19 Aprilis. Hic antea fuerat constitutus a Salvatore praedicto de consensu totius Capituli in Rectorem Congregationis eomet Salvatore sponte recedente a Regimine. Pater Fr. Innocentius Squarcialupus Florentinus Procurator Generalis.

Leo Papa X omnes Indulgentias, etiam plenarias concessas Religioni extendit ad omnes Fratres et Moniales existentes sub Cura Vicarij Generalis Congregationis, temporarias vero ad omnes Christifideles utriusq. sexus visitantes Ecclesias Congregationis, quacumq. suspensione minime comprehensa, etiam ob fabricam Basilicae Principis Apostolorum de Urbe. Die 23 Martii.

 

Anno 1535

Prima iaciuntur fundamenta insignis Ecclesiae sancti Martini Senarum nostrae Congregationi unitae, ubi iam erat Palatium, altissimaq. Turris Dominorum Cinugorum, eo in loco etiam (ut per longam continuamq. traditionem habemus) in quo Div. Martinus Turonensis Episcopus ad vitam unum ex tribus revocavit defunctum: in cuius facti memoria constructa fuit Ecclesia antiqua, iam pene vetustate collapsa, reservatis tamen antiq. Ecclesiae aliquibus vestigijs, ut videre est, Priore Petro Paulo de. Viticcis senensi, qui supra.

 

Anno 1536

73. Rever. Pater Fr. Bernardus Monaldus sen. Qui supra. Die 30 Aprilis.

Erat hic Praeses Capituli in quo fuit electus. Beatus Pater Fr. Paraclitus a S. Angelo Procurator Generalis.

♣ Admodum Reverendi Patres Provinciales Provinciae Senaram et Pisarum non possunt recipere Fratres nostrae Congregationis absq. consensus Vicarij Generalis, et e contra. Id stricte praecipit Gabriel Venetus Generalis Ordinis. Die 10 Octobris.

 

Anno 1538

74. Rever. Pater Fr. Salvator Viticcius  Senensis. Die 5 Maii. - Hic Vicarius etiam in hoc Capitulo functus est officio Praesidentis. Beatus Pater Fr. Paraclitus de Binis, qui supra, Procurator Generalis. Communitas Civitatis Leonissae mittit Epistolas Vicario Generali Congregationis rogando, ut possessionem Coenobij S. Aegidij sumeret. Die 11 Iulii. - Substituitur locum tenens in ditione Florentina Rever. P. Fr. Salvator Collensis, qui supra, cum omnimoda authoritate in spiritualibus et temporalibus, id petentibus Patribus Vocalibus eiusdem ditionis Florentinae. Die 14 Octobris.

 

Anno 1539

Hieronymus Seripandus Vicarius Apostolicus, Epistolas ad Ilicetanos mittit, per quas confitetur se aliquando mansisse in nostra Congregatione precipue Iliceti tempore Novitiatus et ibi apprehendisse in omnibus bonos mores Religionis. Die 24 Ianuarii.

 

Anno 1540

75. Rever. Pater Fr. Innocentius Bernardini de Squarcialupis Florentinus. Die 11 Aprilis.

Pater Fr. Bernardus de Rimbottis Miniatensis Procurator Generalis Congregationis.

 

Anno 1542

76. Rev. P. Fr. Lactantius Piccolomineus Sen., qui supra. Die 23 Aprilis.

[Pag. 65] Rever. Pater Fr. Petrus de Ficarellis a S. Geminiano Procurator Generalis. Fundatur Societas sancti Sebastiani apud Coenobium sanctae Annae extra Pratum. Die 6 Ianuarii. - Moniales sancti Michaelis de Prato constituuntur sub Cura Congregationis nostrae a Domino Cardinali Sanctorum quatuor. Die 22 Aprilis. - Multis rationibus persuasos habet Patres Ilicetanos, Generalis Seripandus, ut velint accedere ad Capitulum Generale totius  Ordinis. Die 10 Martii.

 

Anno 1544

77. Rev. Pater Fr. Mattheus de Neruccis a S. Geminiano. Die 28 Aprilis.

Hic fuit Praeses in Capitulo in quo fuit electus Vicarius Generalis. Rever. Pater Fr. Raphael Senensis Procurator Generalis Congregationis. Plurimum insudavit pro manutenzione studij in Congregatione Logicae, Philosophiae ac Theologiae.

♣ Prorogatur tempus Capituli ex mandato Pauli IV Papae attestante Nicolao S. Romanae Ecclesiae Cardinali sanctae Mariae in Via lata Protectore Ord. usq. quo videbitur Generalis Ordinis. Die 21 Martii.

 

Anno 1546

78. Rev. P. Magister Fr. Fabianus Ianuensis. Die 11 Maii.

Deputatur Vicarius Generalis per litteras patentes Reverendiss. Patris Hieronymi Seripandi. Die 19 Maii.

Onus accipit adiunctis Brunecto Leonissano Priore Ilicetì, et Innocentio Squarcialupo Florentino, qui nomine potiuntur Commissarij Generalis.

 

Anno 1546

79. Rev. Pater Fr. Brunectus de Iudicibus a Leonissa. Die 10 Iunii.

Hic fuit electus in Capitulo congregato de more, sed non tempore consueto, stante supradicta prorogatione. Praesidente eodem Magistro Fabiano. Defecit Brunectus in munere, instante Republica Senarum, accusatus quod recepisset Iliceti Rebelles Reipublicae et deputatur Rector Congregat.

 

Anno 1546

80. Rev. Pater Fr. Bernardus Monaldus, qui supra. Hic erat Prior eodem tempore Monasterij Iliceti. Pater Fr. Stephanus de Plumbino Procurator Generalis.

♣ Paulus Papa III concedit facultatem Hieronymo Seripando Generali Ordin. et Cardinali Praesidenti Concilij Tridentini, ut posset per unum commissarium visitare nostram Congregationem. Die 26 Martii.

 

Anno 1547

81. Rev. Pater Fr. Ioannes Petrus de S. Geminiano. Explevit iste menses Brunecti supradicti.

 

Anno 1548

82. Rev. P. Fr. Marianus de Turchis Senensis. Die 15 Aprilis.

Iste in gratiam Domini Archiepiscopi Senarum fuit Praeceptor quoad more et etiam quoad litteraturam Reverendorum Monachorum Cisterciensium.

 

Anno 1549

Rev. Fr. Stephanus, qui supra confirmatur Procurator Generalis Congregat. Rev. Pater Fr. Stephanus Carrotius de Plumbino, et Pater Fr. Desiderius Senensis specialiter constituuntur Visitatores Generales totius Congregat.

 

Anno 1550

83. Rever. P. Fr. Iulius Antonij Philippi de Senis. Die 20 Aprilis. - Fuit iste etiam Praeses Capituli, in quo Patres Vocales eum in Vicarium Generalem acclamarunt. - Pater Fr. Sigismundus de Senis Procurator Generalis Congregationis.

 

 

Anno 1551

Iulius Papa III mandat omnibus Congregationibus, etiam de Observantiam, ut in Posterum observent Constitutiones Ordinis aeditas in Capitulo Generali Romae celebrato Anno 1543. Et Recineti Ann. 1547 in Urbe impressas hoc Anno. - Debent omnes Congregationes intra terminum unius mensis petere confirmationem [Pag. 66] omnium quae gesta sunt in Capitulis a Priore Generali pro tempore. Qui Prior Generalis infra terminum decem dierum a die petitionis, debet procedere ad confirmandum vel negandum, et si negaverit, debet exprimere causam quare noluit, cum devolutione ad Eminentissimum Protectorem pro expeditione causae.

♣ Decernit Pontifex praedictus Dominum Cardinalem pro tempore Iudicem Controversiarum, quae in diem possunt oriri inter Priorem Generalem Ordinis et Vicarios Generales Congregationum, remota omni appellatione. - Declarat tandem in fine Bullae, ea omnia contenta in Constitutionibus Ordinis Privilegijs Congregationum Iliceti, et Galliae Cisalpinae non posse repugnare. Die 30 Ianuarii. - Conficitur publicum Instrumentum pro concordia servanda inter Congregationem Lombardiae ac Iliceti, et inter Reverendissimum Patrem Priorem Generalem coram Dom. Cardinali Marcello Cervino Protettore Ord. - Quod quidem Instrumentum commune est virtute constitutionis Innocentij VIII supra enunciatae Ilicetanae Congregationi. - Transumptum sive exemplar reperitur in Bullario Ord. pag. 219 confectum. Die 27 Februarii.

 

Anno 1552

84. Rev. P. Fr. Stephanus Camozzius Plumbinensis. Die 1 Maii. - Pater Fr. Hieronymus de Bonsignoris Senensis Procurator Generalìs.

 

Anno 1554

85. Rev. P. Fr. Stephanus Camozzius, qui supra, iterum regiminis munus sequitur. Ob bellorum Senensium turbines non fuit coacta synodus Iliceti. Idcirco Pater Generalis Christophorus Patavinus, ex Indulto Pontificio constituit in Rectorem Congregationis unum aliquem ex arbitrio, et hic fuit.

 

Anno 1555

86. Rev. Pater Fr. Lactantius Piccolomineus senensis pro tota congregatione. Die 7 Maii. - Item constituit duos alios Patres, unum in Ditione Senensi, alterum in Florentina, pro senensi fuit pronunciatus. - Rever. Pater Fr. Tiberius Piccolomineus senensis. - Pro Florentina vero. Rever. Pater Fr. Stephanus de Plumbino. - Cardinalis Cervinus, qui postea Marcellus II Pont. epistolas ad Ilicetanos mittit, multa statuendo pro bono regimine Congregationis, et hoc egit praedictus Dom. Cardinalis tamquam Protector Ordinis. Die 23 Octobris. - Paulus Papa IV concedit Petro Pacieco Hispano Cardinali Protectori Ord. ut pro una vice tantum possit nominare unum, ex duobus Patribus sibi praesentandis, aut proponendis per Procuratores, et Agentes Congregationis in Vicarium Generalem eiusdem Congregat. et hoc quia congregari nequiverant ob dictorum Bellorum turbines. - Item absolvit Omnes Patres Ilicetanos a quovis excommunicationis vinculo, et ab aliis censuris et poenis, impartiendo praedicto Domino Protectori facultatem dispensandi cum eis super irregularitate quavis, per eos quomodolibet contracta.

♣ Electionem Prioris Ilicetani Monasterij perpetuis futuris temporibus pertinere vult ad Patres Vocales dicti Monast. confirmationem vero tempore Capituli, sive Cong. Intermediae ad Vicarium Generalem et Diffinitores Congregationis. - Possunt ijdem Patres Vocales eumdem Priorem denuo eligere, aut confirmare, sed arbitrio praedictorum Vicarij Generalis et Diffinitorum est confirmanda vel infirmanda electio, sive confirmatio. - Si electio dicti prioris pendente biennio quavis ex causa vacet, novi Prioris electio itidem pertineat ad dictos Patres Vocales Monasterij Iliceti, confirmatio [Pag. 67] vero huiusmodi electionis ad ipsum solum Vicarium Generalem pertineat, cum clausula derogatoria si secus super his a quocumque, quavis authoritate scienter vel ignoranter contigerit attentari, addita etiam poena excommunicationis contra etc. Die 2 Septembris.

 

 

 

 

Anno 1556

87. Rever. P. Fr. Sigibertus Delphinus senen. Die 19 Aprilis.

Hic eligitur in Capitulo Generali celebrato in Monasterio sancti Antonij ad Lacus Ambrosianos. - Pater Fr. Desiderius Senensis Procurator Generali Congregationis. - Unitur Congreg. nostrae Monasterium S. Aegidij de Leonissa constructum a  fundamentis, magnis impensis, a Fratre Manfredo Ilicetano, quem iste Vicarius in Priorem dicti monasterij deputat. Die 19 Ianuarij. - Marianus Turchius vocatur a Reverendissimo Priore Generali Romam ad gravissima negocia Religionis et Congregationis peragenda, quum Vicarius Generalis supradictus Procuratorem Generalem declarat cum omnimoda facultate pro quovis negocio procurando et obtinendo ad favorem Congregat. Die 10 Novembris.

 

Anno 1557

88. Magister Christophorus Patavinus Generalis Ordinis aliqua condidit Decreta pro bono regimine Congregationis, et ad evellenda mala, si aliqua essent intrusa tempore Belli. Die 22 Novembris. - In Regestis Congregationis nec verbum quidem habemus de quodam Christophoro a Fabriano, quem Pater Herrera ponit ad haec tempora reformatorem Congregationis nostrae.

 

Anno 1558

88. Rev. P. Fr. Iacobus de Neruccis a S. Geminiano. Die 24 Aprilis.

Pater Fr. Sigibertus Delphinus, qui supra, Procurator Generalis Congregationis in Curia Romana.

♣ Magister Fr. Felix Pratensis, de quo supra, diem suum prope centenarius obijt Romae, et in Templo D. P. Augustini iacet. Die 5 Novembris. - Comitia Generalia totius Ordinis habita sunt Venetijs quibus interfuit iste Vicarius quo absente Congregationem moderatus est tamquam Rector a

 

Anno 1559

89. Magister P. Fr. Fortunatus Papiensis.

 

Anno 1560

90. Rev. P. Fr. Marianus Turchius Sen., qui supra. Die 28 Aprilis. - Pater Fr. Io: Baptista Burghesius Sen. Procurat. Gener. Congreg. - Pius IV summus Pont. concedit Indulgentiam plenariam visitantibus in diebus Annunciat. B. Mariae, et per totam octavam nostras Eccles. Die 3 Sept.

 

Anno 1562

91. Baccalaureus P. Fr. Seraphinus Incontrius Volateranus. Die 13 Aprilis. - Hic vulgo dicebatur Isdraelita, quia Iudaea de gente erat, ad fidem Christi conversus, mirabile factu, vir probus ac Religiosus integerrimus evasit. - Erat Praeses Capituli in quo fuit electus. - Bacc. P. Fr. Gratianus a Monte Fullonico Procurat. Generalis Congregat. - Unitur Sociecati nostrae Locus sancti Blasij de Stabio prope Urbe. Die 13 Aprilis.

 

Anno 1564

92. Bacc. P. F. Gratianus Chigiottus a Monte Fullonico, qui supra. Die 20 Aprilis.

Pater Fr. Hieronymus Bonsignorius Sen. Procurator Generali. - Magister Christophorus Patavinus Generalis Ordinis confirmat incorporationem Domus S. Blasij de Stabio, de quo supra. Die 22 Maii.

Gratianus iste cum Mediolano, ubi Generale totius Ordinis Eremitarum Capitulum celebratum fuit, remare, et dum Iliceti lassus itinere conquiesceret, improvisa lacrymabiliq. morte prevenitur. Die 2 Iulii. - Cui subrogatur a Reverendissimo Generali Ord. in Rectorem Congregationis cum omnimoda authoritate.

 

Anno 1564

93. Magister P. Fr. Umbertus de Monte S. Sabini. - Huic etiam additur tamquam adiutor in tribulationibus. [Pag. 68]

 

 

 

Anno 1564

94. Rever. Pater Fr. Petrus Franciscus Pientinus a Senis. - At Iliceti Congregatis Senioribus Patribus Congregationis, de communi omnium consensu praesente Reverendissimo Patre Generali totius Ordin. electus fuit Vicarius Generalis.

 

Anno 1564

95. Rev. P. Fr. Io: Baptista Burghesius, qui supra. Die 24 Augusti. - Pater Fr. Brunectus de Leonissa Procurator Generalis Congregationis. - Huius Burghesij curae, petente Illustrissimo Dom. Antistite Senarum, traditur Monasterium Monialium S. Nicolai eiusdem Civitatis.

♣ Da eodem Burghesio in Regestis Reverendissimi Thadaei Perusini haec verba habentur: Fratri Io: Baptistae Burghesio viro probo et sanctitate insigni, commissimus, ut aliquando visitare possit sororem suam Monialem Senis in Monasterio sanctae Marthae.

 

Anno 1566

96. Rever. P. Fr. Petrus Franciscus Pientinus. Die 28 Aprilis.- Pater Fr. Hieronymus Bonsignorius Sen. Procurator Generalis. - Hic Petrus Franciscus fuit etiam Praepositus Ecclesiae S. Ioannis de Castiglione Piscariae, ibiq. Insignia Praepositurae suscepit, nempe Annulum et Biretum. - Auctor fuit insignis Bibliothecae Coenobij S. Martini Senarum. - Pius V Sanctissimus Pontifex confirmat cuntas indulgentias concessas a predecessoribus suis Ecclesijs nostrae Congregationis. Die (sic!)

 

Anno 1568

97. Rev. P. Fr. Athanasius Iulianij Marchucci a Monte fullonico. Die 1 Maii.

Pater Fr. Tiberius Piccolomineus Senensis Procurator Generalis.

 

Anno 1570

98. Rev. Pater Fr. Marianus Turchius senensis. Die 9 Aprilis. - Pater Fr. Innocentius de Castilione Piscariae Procurator Generalis. - Sub hoc Magistratu Vexillifer et Priores Civitatis Collensis dono dant nostrae Congregationi Monasterium s. Mariae Gratiarum extra moenia ipsius Civitatis. - Deserverunt Patres Diffinitores nostrae Congregationis Hospitalem domum S. Sebastiani de Binis apud Florentiam sponte. Die supradicta.

 

Anno 1572

99. Rever. Pater Fr. Archangelus Dominici Lolli a Monte fullonico. Die 29 Aprilis.- Hic efficitur etiam Visitator Generalis pro tota Congregatione adiuncto secundo, nempe Magistro Fr. Vincentio Florentino tunc temporis Priore Monasterij S. Augustini senarum. - Magister Pater Fr. Salvator Bindus senensis Procurator Generalis. - Unitur Congregationi nostrae Monasterium sanctae Mariae Gratiarum de quo supra inita possessione. Die 19 Aprilis. - Aurelius Margattus de S. Geminiano iam in Religione ad Magisterij Gradum evectus, ingreditur Collegium Excellentissimorum P. P. Theologorum Senensium. Die 25 Septembris.

 

Anno 1574

100. Rever. P. F. Io: Baptista Sen. nuncupatus Fonteblanda. Die 25 Aprilis.

Magister P. Fr. Angelus Collensis Procurator Generalis Congregationis.

 

Anno 1576

101. Magister Pater Fr. Aurelius Augustini Margattus, qui supra. Die 5 Maij.

Pater Fr. Iacobus Geminianensis Procurator Generalis.

Magister Thadaeus Perusinus Generali Ordinis multa Decreta condidit ad mores spectantia, itemq. voluit illos, qui fuerint Laurea Magistrali insigniti, potiri omnibus Privilegijs et gratijs consuetis, non obstantibus determinationibus Congregationis. Die 16 Aprilis. - Ex Memoriali Hieronymi Bonsigriorij, pag. 46. - Magister P. Fr. Salvator Bindus Senensis inter sacros Almi Collegij Theologos Senarum, iam in Religione Magister creatus, aggregatus fuit. Die 29 Decembris. [Pag. 69]

 

Anno 1578

102. Magister P. Fr. Salvator Bindus, qui supra. Die 13 Aprilis.

Pater Fr. Innocentius a Castilione Procurator Generalis. - Magister P. Fr. Angelus Collensis, qui supra, incorporatur Collegio sacrorum P. P. Theologorum Senarum. Die (sic!)

♣ Circa haec tempora accidit illud mirabile factum: construebatur Odaei testudineum tegmem Ecclesiae S. Martini Senarum mirae altitudinis, casu e Ponte, fracto cantheriolo cecidit quidam iuvenis operarius, accurrunt statim omnes alij operarij, simul et Fratres Monasterij cum Priore Petro Francisco Pientino, aspiciunt iuvenem vivum, quem iam mortuum putabant, interrogant quomodo se haberet, respondit hilari animo, vultuq. recte quidem: nil enim mali passus sum. Nobilissimus quidam Eques Equum Album insidens saginatum, me sustinuit ne allideret ad petram. De D. Martino Turonensi Antistite intellige, ex inveterata, continuaq. Patrum conspicuorum tradizione.

 

Anno 1580

103. Rever. Pater Fr. Fulgentius Picchinensis a Colle Vallis Elsae. Die 17 Aprilis.

Pater Fr. Aegidius Piccolomineus Senensis Procurator Generalis.

 

Anno 1582

104. Rever. Pater Fr. Io: Baptista Burghesius, qui supra. Die 29 Aprilis.

Bacc. P. Fr. Seraphin Incontrius Volater. Procurator Generali.

Gregorius XIII Pont. Max. concedit visitantibus omnibus Sabbatìs totius anni Ecclesias nostras in forma consueta Indulgentiam plenariam, et hoc in perpetuum. Die 25 Ianuarii.

 

Anno 1584

105. Magister Pater Fr. Aurelius Margattus, qui supra. Die 18 Aprilis.

Magister P. Fr. Patritius Lusitanus Pratensis Procurator Generalis.

 

Anno 1585

Sub hoc Magistratu Sixtus V Pont. max. concedit cedente Ioanne Confecto Congregationi nostrae Domum S. Stephani ad Portam Ferream Florentiae, cuius Ecclesia una est ex illis 12 quas erexit Carolus Magnus imperator in Priorias. Ingrediuntur Ilicetani. Die 7 Octobris.

Iterum assumitur negocium unionis nostrae Congregationis cum illa Galliae Cisalpinae de Observantia.

 

Anno 1586

106. Magister P. Fr. Salvator Bindus senensis. Die 20 Aprilis.

Pater Fr. Michael de Carolis senensis Procurator Generalis.

♣ Sixtus V sum. Pont. dat Ecclesiae sanctae Mariae de Populo in Urbe omnes et singulas Indulgentias quas habet Ecclesia S. Sebastiani extra muros, quae Indulgentiae sunt etiam in Ecclesijs Congr. nostrae per communicationem virtute Diplomatis Innocentij VIII supra citati. Datur Bulla Sixti. Die 15 Martii.

 

Anno 1588

107. Rever. Pater Fr. Marcus Gavorranus Collensis. Die 1 Maii. - Pater Fr. Matthias Crocchus a Monte fullonico Procurator Generalis. - Possidebat hisce temporibus Congregatio Ilicetana Monasterium Pistorij, cui titulus erat SS. Annunciatae.

 

Anno 1590

108. Rever. P. Fr. Ioannes Bartholomaei de Ricciantis Fighinensis. Die 13 Maii.

Procurator Generalis in hoc Capitulo desideratur.

 

Anno 1592

109. Magister P. Fr. Ioseph de Pontijs Senensis. Die 18 Aprilis.

 

Anno 1594

Hic iam in Religione Magistri Laurea condecoratus, postea ascriptus fuit seu (ut aiunt) incorporatus in Almo Collegio PP. Theologorum Senen. Die 31 Martii.

 

Anno 1598

110. Rever. P. Fr. Hippolytus Panalsutius Senensis. Die 1 Maii.

Iliceti Gymnasium pro Logica, Philosophia et Theologia sub hoc magistratu constituitur.

In hoc Capitulo prima vice leguntur litterae patentes, et publicae Magistri Andreae a Fivizzano Generalis Ordinis, sed per eas servatur ordo Congregationis [Pag. 70] circa Praesidem comitiorum declaratur enim primus  Diffinitorii ex superstitibus praeteriti Capituli,

 

Anno 1596

111. Bacc. Pater Fr. Thomas de Carpijs Ilicetanus. Die 4 Maii. - Leguntur secunda vice litterae praedicti Generalis ante recognitionem Patris Praesidentis, per quas non habita ratione antiquioris Diffinitoris, ablato ordine hucusq. modo servato, imo contaminato iure, non contradicentibus Patribus, suo arbitrio nominavit idem Gener. Virum ... bene visum, et si de corpore Congregationis, et fuit Rev. P. Fr. Andreas Fullonicensis ab Iliceto Gymnasij Sancti Spiritus de Florentia Regens. Hae litterae datae fuerunt. Die 19 Aprilis.

   Item per has litteras idem Generalis proposuit Patribus electoribus Magistrum Fr. Aurelium a S. Geminiano, Magistrum Patritium Pratensem Lusitanum et Baccalaureum Thomam de Carpijs Ilicetanij Gymnasij Regentem, ut unum ex istis tribus sibi ipsis in Vicarium Generalem eligerent, et electus fuit (acquiescentibus Patribus nominati) tertius nominatus, qui fuit iste Thomas de Carpijs.

♣ Accipiuntur Constitutiones Ordinis sponte et libere adamussim observandae, editae in Capitulo Generali Romae habito. Anno 1543.

 

Anno 1598

112. Rev. P. Fr. Archangelus Lollius de Montefullonico. Die 31 Maii.

 

Anno 1600

113. Bacc. P. Fr. Nicolaus Crudelius a Campiglia Ilicet. Die 23 Aprilis.

 

Anno 1602

114. Bacc. P. Fr. Athanasius Pacinus Belfortensis Ilicet. Die 28 Aprilis.

 

Anno 1604

115. Rev. P. Fr. Ioannes Ricciantus Phighinensis a S. Geminiano, qui supra. Die 26 Aprilis.

Hic non absoluto officio, nec etiam pro primo anno moritur Senis. Die 29 Septembris.

Vocatur ad regimen Congregationis tamquam Rector

 

Anno 1604

116. Bacc. Pater Fr. Athanasius, qui supra. - Clemens Papa VIII, confirmat Privilegia Congregationis Iliceti, datq. modum visitandi eamdem Congregationem, et aliam Galliae Cisalpinae eiusdem Ordin. per P. Priorem Generalem. Die 13 Iunii.

♣ Idem Summus Pontifex constituit Novitiatum pro tota Congregatione in Coenobio Iliceti et praescribit numerum familiae nempe Sacerdotum decem, Novitiorum Octo et Laycorum servientium quinque. Die.

   Item per aliud Breve apertius declarat modum visitandi praedictas Congregationes per Reverendiss. P. Priorem Generalem.

   In primis confirmat ea, quae decrevit de hac Visitatione et de modo Visitandi dictas duas Congregationes Innocentius Papa VIII.

   Confirmat etiam Instrumentum super eadem visitatione celebratum et evulgatum demandante Iulio III et a Patribus communiter receptum coram Cardinali Cervino Protectore Ordinis.

   Declarat Priorem Generalem, quoties ei placuerit, simul cum uno ex Visitatoribus vel cum Vicario Generali eiusdem societatis, et non per alium, unam aut plures domos, ac ipsam societatem visitare posse.

   Item Priorem Generalem in Congregationibus praedictis Iliceti et Galliae Cisalpinae, tamquam Caput et Gubernatorem habendum esse.

   Vicarij Generales, Visitatores, Priores praedictarum Congregationum Reverendissimo Generali Ordinis debent omnem obbedientiam praestare ut proprio superiori.

   Prior Generalis potest non solum visitare loca, Domos, sed et personas, quae debent subiacere correctionibus et poenis iuxta Constititiones Ordinis iniungendis. [Pag. 71]

♣ In Visitatione facienda per Generalem Ordinis, Vicarii Generales sive Visitatores debent habere Suffragium consultiuum, sed non debent intervenire scrutinio aut examini secreto habendo per Priorem Generalem visitantem.

   Patres Assistentes dum Generali Visitanti assistunt et comitantur, locum debent habere ante et supra Vicarios Generales Congregat. et omnes alios.

   Ante mensem complendum a principio Visitationis, tenetur Prior Generalis intimare Visitationem et si ille, qui fuit constitutus ire cum eo pro Congregatione, recusaverit ire, potest vocare Priorem propinquiorem, vel Suppriorem, quibus etiam recusantibus, potest sine eorum interventu visitare. Praecipit sub poena indignationis S. Sedis observantiam praedictorum. Die 22 Decembris.

 

Anno 1605

117. Baccal. P. Fr. Vitus de Ruberis Pratensis. Die 14 Maii.

 

Anno 1606

Paulus Papa V Felic. Rec. moderando Constitutionem Clementis VIII de modo visitandi Congregationes Iliceti et Lombardiae per Priorem Generalem, mandat semel tantum licere Generali durante eius Officio, illas Visitare seclusis Monasterij minoribus. Die 13 Februarii.

 

Anno 1607

118. Magister P. Fr. Camillus de Noccis Florentinus, ex Urbe Senarum. - Sub isto Religionem ingreditur huius Operis humilis scriptor, antea Volunius Hieronymi, Marij, Landuccij nuncupatus. Die D. Turonensi Episcopo Martino dicata. 11 Novembris.

 

Anno 1609

119. Baccal. P. Fr. Angelicus de Vecchis Senensis. Die 9 Maii. - Praedictus Volunius sub hoc Magistratu, per manus huius Praesulis Sacro Religionis habitu Eremiticae sponte Anno aetatis suae XI induitur, et Ambrosius dicitur. Die 14 Iunii.

 

Anno 1611

120. Magister P. Fr. Stephanus Ugurgerius Sen. Die 14 Aprilis. - Magister P. Fr. Salvator de Bindis tertium Decanus eligitur Almi Collegij Theologorum Senensium. Die 29 Septembris.

 

Anno 1613

121. Baccal. Pater Fr. Bartholomaeus Tinaccius a S. Geminiano. Die 28 Aprilis.

 

Anno 1615

122. Baccal. Pater Fr. Gratianus a S. Geminiano. Die 9 Maii.

 

Anno 1617

123. Bacc. P. Fr. Riccardus Antoninus a S. Antonio, ad Lacus Ambrosianos. Die 17 Aprilis.

Dono denuo accipiunt Ilicetani ex liberalitate Dominorum de Anguillaria locum S. Blasij prope Stabium, et illius ineunt Possessionem, sed brevi tempore retinent, cedentes illum Coenobio S. Augustini in Urbe Roma.

 

Anno 1619

124. Baccal. P. Fr. Desiderius de Familia Monachiensi a Monte Fullonico Ilicetanus. Die 21 Aprilis.

   Communitas S. Mariae in Monte, dominij Magnorum Hetruriae Ducum, Diecesis Lucensis, per litteras ad Capitulum nostrum Generale missas, offert Congregationi nostrae locum seu Ecclesiam sancti Sebastiani.

   Item apud Castrum Sughereti Massanae Dioecesis, acquiritur Ecclesiae S. Thomae in loco, qui dicitur Belvedere, et ibidem Vicarius praeficitur Baccalaureus Pater Anselmus Puppensis.

 

Anno 1621

125. Baccal. P. Fr. Niccolaus de Broccolis a S. Geminiano. Die 3 Maii.

♣ Gregorius XV Pont. Max. confirmat omnes gratias, immunitates et privilegia a suis Predecessoribus Congregationi Ilicetanae et Lombardiae, omniaq. pacta et Conventiones stabilitas inter Priorem Generalem et dictas Congregationes. - Addendo et declarando Generalem semel in sexennio, durante officio posse visitare Societates secumq. conducere octo tantum Religiosos, comprehensis in hoc numero etiam Patribus Assistentibus, cum totidem Equis. - Item hanc Visitationem non posse inchoari, inconsulto D. Protectore Cardinali pro tempore. [Pag. 72]

♣ Fratres Congregationum, Priorem Generalem tamquam eorum caput debent recipere, nec non octo Fratres praedictos, quos secum duxerit et honorifice tractare. - Item Vicarium seu Visitatorem quorum alter, qui debet pergere cum Patre Reverendissimo Visitante, in scrutinio vel examine secreto Religiosorum Congregationum per dictum Priorem Generalem habendo ac in caeteris actibus Visitationis, suffragium tam consultivum quam decisivum habeat, sicuti habent Prior Generalis et Assistentes. Die 12 Februarii.

 

Anno 1623

126. Baccal. P. Fr. Sylvius Puccinus a S. Miniato. Die 9 Maii.

 

Anno 1625

127. Baccal. P. Fr. Caelestinus Roccha a S. Geminiano. Die 19 Aprilis.

Communitas Castri Plani in Monte Amiate tradit locum Ilicetanis procurante Marcellino Altesio, consensum praebente Serenissimo Magno Hetruriae Duce, quem Deus etc. sed renuit Episcopus Diaecesanus. - Ad Gradum Doctoratus capessendum vocatur Romam Baccal. P. Fr. Lucas Mannuccius Pratensis ibiq. Laurea insignitur. Die 19 Septembris.

 

Anno 1627

128. Rev. P. Mag. Fr. Lucas Mannuccius, qui supra. Die 23 Aprilis. - Oppidum Arcis Albineae donat Fratri Ambrosio Landuccio S. Theol. Bacc. ibidem concionanti Eremum S. Christophori, non vulgari copia nemorum adiuncta, sed non aditur possessio ob distantiam Loci. Die 5 Aprilis.

 

Anno 1629

129. Baccal. P. Fr. Nicolaus Broccolus, qui supra. Die 20 Maii. - Hic comploratus ab omnibus obijt non dum completo primo Anno sui muneris et Rector Congregationis habetur.

 

Anno 1629

Rev. P. Magist. Fr. Lucas Mannuccius, qui supra, Die 13 Ianuarii.

 

Anno 1630

130. Baccal. Fr. Ambrosius Landuccius Senensis. Die 19 Aprilis.

 

Anno 1631

Urbanus VIII Pont. Max. aeter. record. praedictam Bullam Greg. XV sic amplificatam, ut dictum est, confirmat. Die 15 Iunii.

♣ Pestis per Hetruriam vagans Monasteria S. Annae extra Pratum et sancti Augustini de S. Geminiano invasit, multi perierunt Religiosi, uno tantum superstite presertim in dicto Coenobio S. Augustini.

 

Anno 1632

131. Baccal. P. Fr. Vincentius Querratius Florentinus. Die 1 Maii.

Idem summus Pontifex Urbanus F. R. Omnia Privilegia et Pacta pro Visitatione Congregationum inità confirmat. - Addendo Priorem Generalem pro tempore minime posse visitare Congregationem Ilicetanam et Galliae Cisalpinae, nisi servatis omnibus contentis et expressis in litteris Greg. XV. Die 14 Decembris.

Idem Pontifex Max. per Breve dat. apud sanctam Mariam Maiorem impartitur facultatem Ambrosio Landuccio Senensi, ut possit insigna Magistralia sumere Pont. anno 10. Die 28 Septemb.

 

 

Anno 1634

132. Bacc. P. Fr. Augustinus Crocchius a Monte Fullonico Ilicet. Die 7 Maii.

Vocantur Ilicetani disponente Ambrosio Landuccio, qui supra ad possessionem Loci S. Christophori de Sassetta in Montibus Averniae, sed paulo post, illum sub sui curam redegit Reverendissimus Prior Generalis Ord. Hieronymus a Corneto.

 

Anno 1636

Magister Fr. Ambrosius Landuccius Senens., qui supra, Laurea Doctoratus ac Magisterij Romae iam insignitus, inter Theologos sacri Collegij Senarum aggregatur. Die 25 Martii.

 

Anno 1636

133. Magister Fr. Ambrosius Landuccius Senensis, qui supra. Die 12 Aprilis.

♣ Sub isto Perillustris Familia de Bartholomaeis Florentina, manum liberalissimam porrigente Dom. Antonio Maria, inchoatum est opus pro constructione Ecclesiae ac Domus D. Stephani ad Portam Ferream Florentiae. - Quod opus adhuc magnificentissime proseguitur, terminata iam illa [Pag. 73] parte Chori cum Apside ad Aram maiorem Doctissimus ac Pijssimus D. Hieronymus eiusdem Familiae Bartholomaeae partus praeclarissimus.

 

Anno 1638

134. Rev. P. Mag. Fr. Gregorius Stagius a Petra sancta. Die 25 Aprilis.

Hic nominatus fuit a Magistro Hippolyto Montio Generali ad tempus arbitrarium virtute Decreti extorti a S. Congr. Episcop. et Reg. Die 5 Martii.

   Praedictus Mag. Ambrosius Landuccius constituitur Procurator Generalis in Curia Romana, qui reclamans nomine totius Congregationis apud sanctam Sedem, remissus fuit ad eandem sacram Congregationem Regalar. - Quae visis videndis, pluriesq. partibus auditis, e medio sublatis difficultatibus, dictam deputationem firmat, reducendo illam ad biennium tantum. - Haec etiam, quae sequuntur statuit eadem sacra Congregatio per idem Decretum. - Futura Capitula celebrari debere, habita ratione Privilegiorum nostrae Congreg. quae quidem Previlegia vult remanere in suo robore. - Priorem Generalem in perpetuum servare debere Decretum Clementis VIII evulgatum super electione Patris Praesidentis Capituli. Die 11 Aprilis Anno 1601 cuius virtute Praeses Capituli celebrandi, desumendus est e corpore Congregationis. - Priorem Monasterij S. Stephani de Florentia deputatum, ut supra, a Generali ad tempus sibi bene visum, et qui non erat de corpore Congreg. mandat durare tantum per biennium, et si aliqua ex causa contigisset removeri infra biennium, unum aliquem ex numero Patrum Congregationis illi muneri subrogari a Vicario Generali Congregationis debere. - Si aliquem ex Fratribus Congreg. Prior Gener. sive Congregationem visitando, seu alio modo, errasse compererit, eum punire posse, intra tamen Monasteria Congregationis. - Magistrum Landuccium subijci debere iussis Reverendiss. Prioris Generalis, nempe ut iret Recinetum ad onus Praedicationis subeundum, ad mentem tamen et beneplacitum Eminentissimi Domini Cardinalis Protectoris Ioannis Baptistae Pallottae. Die 3 Septembris. - Qui D. Cardinalis statim, completo munere Praedicationis tempore Adventus, per dictum Magistrum Ambrosium Landuccium, illum remittit ad suam Congregationem per litteras. Die 19 Decembris.

♣ Officium vero Vicariatus huius Gregorij Stagij a Petra sancta Provinciae Pisarum, terminat tamquam Rector constitutus ab Eminentissimo Cardinale Pallotto virtute alterius Decreti eiusdem S. Cong. Regul. Die 23 Octobris.

 

Anno 1639

135. Rev. Mag. P. Fr. Paulus Luchinus Pisauriensis.

Fuit hic postea in Capitulo Generali Romae celebrato omnium electorum Patrum applausu deputatus in Procuratorem Generalem in Curia pro toto Ord. Die 3 Maii. Anno 1649.

 

Anno 1640

136. Rever. P. Mag. Fr. Philippus Vicecomes Mediolanensis. Sumit officium iste nominatus ab eodem Cardinali Pallotto Protectore, virtute Brevis Sanctiss. D. Urbani VIII. Die 6 Augusti. - Assumitur postea hic in eodem Capitulo Generali, de quo supra immediate, unanimi consensu in Priorem Gener. totius Ord. et optime gubernat.

 

Anno 1642

137. Rever. P. Mag. Fr. Christophorus Brunellus de Monte Ilcinio. - Praeficitur ex Decreto praedictae sacrae Congregationis. Die 10 Maii.

 

Anno 1643

Magister P. Fr. Lucas Mannuccius Pratensis, qui supra, ab Eccellentiss. Dom. Duce Mirandulae in Theologum nominatur, eidemque praecipua suae ditionis negocia praesertim apud Serenissimos Magnum Ducem Haetruriae, Republicam Venetam et Ducem Mantuae commendantur. Die 22 Augusti.

 

Anno 1644

138. Rev. P. Fr. Christophorus Brunellus, qui supra. - [Pag. 74] Confirmatur pro tertio anno, per Decret. eiusdem S. Congr. Die 4 Aprilis.

 

Anno 1645

Baccal. P. Fr. Stephanus Nerius a S. Leonardo, iam in Theol. constitutus 6 Decemb. 1644 eligitur in Consultorem S. Officij Sen. Die 12 Febr.

♣ Redijt tandem post multos casus, multaq. discrimina rerum ius eligendi Vicarium Generalem ad Patres Ilicetanos industria, labore ac sudore praedicti Ambrosij Landucci Procuratoris, ad hoc specialiter deputati. - A quibus Patribus Iliceti congregatis capitulariter sub uno Praesidente itidem ex corpore Congregationis, assumitur ad gubernium.

 

Anno 1645

139. Baccal. P. Fr. Petrus Baldus Collensis. Die 6 Maii.

Plurimum etiam insudarunt pro libertate Congregationis Bacc. P. Fr. Stephanus Horius, qui supra Fr. Dorotheus Spinellius Ilicetanus, et Augustinianus Theodosius itidem Ilicetanus, summos labores ferentes praecipue in Curia Romana per plures menses. - Pro conservanda deperditaq. iterum recuperanda libertate, brachium potenter extenderunt praecipue Serenissimus Magnus Dux Hetruriae et eius Fratres Matthias et Leopoldus Principes, quos Deus diu semperq. incolumes servet. - In Curia vero benigne substinuerunt, ne caderet Congregatio, Eminentissimi D. Cardinales multi, preecipue Ioannes Baptista Pallottus Ordinis Protector Vigilantissimus, et Petrus Maria Burghesius strenuus suorum Concivium defensor. - Mag. Fr. Ambrosius Landuccius, qui supra, deputatur in Consultorem S. Officij Senarum. Die 29 Maii. - Idem Ambrosius Landuccius in Capitulo Generali Romae habito eligitur in Priorem Collegij S. Augustini de Urbe. Die 4 Iunij.

♣ Eodem tempore Baccal. P. Angelus Vitellius Congreg. Ilicetanae et Monasterij S. Martini Senarum Alumnus et filius, his titulis Confrater Ambrosij Landuccij, pro Priore deputatur in almo Coenobio Papiensi, ubi corpus sanctissimi Patris Augustini iacet, sicuti et Romae apud sacras Aedes Augustinianas, Ossa S. Matris Monicae coluntur: et ita eadem tempestate duorum Ilicetanorum, et Confratrum Senensium curae, Pignora Sacra Sanctorum Nostrorum Parentum demandantur. - Laurea Doctorali condecorantur Romae Baccalaurei Theodorus Ferronius a sancto Geminiano et Stephanus Nerius a sancto Leonardo, qui etiam Stephanus Senior Coenobij Ilicetani efficitur, alter vero S. Stephani de Florentìa. Die 13 Ianuarii. - Ad Baccalaureatum ex privilegio assumitur Fr. Dorotheus, qui supra recusante similem gradum acceptare praedicto Augustino Theodosio. - Ab Arte Propolarum accipitur pro Congregatione per Ambrosium Landuccium Ecclesia S. Mariae conceptae absq. labe apud Montem Pietatis in Urbe Roma, firmatis hinc inde aliquibus pactis, sed sanctissimo D. Innocentio X non placuit praestare consensum, et si enixixe rogato, adiuvante Domino Cardinali Protectore. - Ecclesia S. Martini Senarum multorum sanctorum, ac sanctarum sacris Reliquijs conspicuis ditatur, clausis elegantissimis Capitulis.

 

Anno 1647

140. Baccal. P. Fr. Octavianus Lapuccius de Prato. Die 13 Maii.

 

Anno 1649

141. Rever. Mag. Fr. Theodorus Ferronius a S. Geminiano. Die 25 Aprilis.

Hic a suprema S. Officij Congreg. Consultor apud Reverendiss. Patrem Inquisitorem Florentiae deputatur. - Multa eleganter scripsit et exaravit, typisq. tradidit. [Pag. 75]

 

Anno 1650

Ambrosius Landuccius, qui supra, in Monasterio S. Mariae de Monte Carmelo Senis in Decanum Almi Collegij PP. Theolog. eligitur. Die 29 Septembris. - Idem Ambrosius per litteras Patentes Theologus declaratur Serenissimi Principis Matthiae ab Hetruria Magni Ducis Germani. Die 3 Novemb.

 

Anno 1651

142. Magist. P. Fr. Stephanus, qui supra. Die 29 Aprilis.

Fuerunt connumerati in Collegio Patrum Theologorum Senensi tres Patres Baccalaurei nostrae Congreg. scilicet Fabritius Landuccius, Hiacinthus de Aciaria et Angelus Vitellius Senenses. Die 1 Augusti.

♣ Dum Magister Fr. Ambrosius Landuccius praeest Collegio Excellentissimorum Patrum Theologorum tamquam Decanus, eomet Praesidente, ad hoc a Patribus specialiter deputato, una cum aliis duobus Patribus scilicet D. Hieronymo de Choris Insignis Collegiatae in Provenzano Canonico, et Isidoro Ugurgerio sacri Ord. Praedicatorum, in Senensi Universitate sac. Theologiae publico Professore, sanctiones, et Decreta eiusdem Collegij reformantur, typisq. traduntur et publicatur per supradictum Fabricium Landuccium Procancellarium Collegij. Die 30 Septembris. - Bibliotheca Martiniana Senis reducitur in elegantiorem formam, novaq. librorum copia, et supellectile augetur et ditatur.

 

Anno 1652

Ex vi Constitutionis Innocentij X summi Pontif. quae Constitutio incipit Instarandae etc. supprimuntur duo ex nostris Monasterijs nempe S. Mariae de Monte Specchio, et sanctae Mariae Gratiarum Civitatis Collensis.

 

Anno 1653

143. Magist. Fr. Ambrosius Landuccius Senensis, qui supra, tertium Vicarius Generalis eligitur. Die 2 Maii. - Ipse est ille, qui haec, quo potuit stylo exaravit, Typisq. tradidit post aliqua alia humillima Opera, iam impressa, quae sunt. - Sacra Ilicetana Propago in duobus Tabulis aereis magnis incisa, impressaque Senis Anno 1629. Mense Decembris. - Sacra Ilicetana Sylva, Vulgari Sermone conscripta, Senis luci tradita. An. 1633. - Historia Beati Iacobi Piccolominei Senen. Eremite Ilicetani. Senis 1635. Origo Ecclesiae Sanctae Mariae de Populo in Urbe Italica lingua impressa Romae. Anno 1646. - Restant imprimenda, Deo dante, ea quae sequuntur, videlicet. - Attributa Mariana, ad numerum dierum, quos in humanis peregit eadem Beata Virgo, nempe 26271 duobus Voluminibus conclusa. - Sacra Corona Beatae Mariae Virginis Stellarum duodecim contexta, per quam Mariam sine macula conceptam fuisse ostenditur. - Officia propria secundum stilum S. Romanae Ecclesiae digesta sub ritu maiorum solemnitatum, scilicet Beati Thomae de Villa Nova Archiepiscopi Valentini, ac B. Clarae a Montefalco Ord. Erem. S. Augustini. - Gesta B. Nicolai de Mariscottis Senen. Ilicetani 14 Capitulis divisa, vulgari calamo exarata. - Sacra Ilicetana Sylva, quinque clausa Capitulis idest Origo sacri Ilicetani Coenobij, et Congregationis de Iliceto, additis Elogijs pro his, qui sancte et pie utrobiq. germinarunt, materna lingua conscripta. Explanatio super Antiph. Ave Regina Coelorum. Ave etc. Et super alia Antiph. Ord. Eremit. propria, quae etiam incipit, Ave Reg. Coel. M. Reg. An. etc. - Quindecim Discursus Predicabiles complectens, Patria lingua dictata.

 

Anno 1654

Supradicta duo Monasteria suppressa, ingenti labore, Dei et Apostolicae Sedis gratia protegentibus Serenissimis Principibus Hetruriae, multisque Eminentissimis et Reverendissimis Sanctae Romanae Ecclesiae Principibus Cardinalibus, praesertim Fabio Chisio, Congregationis nostrae Benefactore ac Protectore [Pag. 76] munificentissimo, annuentibus Illustrissimis ac Reverendissimis D. D. Ascanio Piccolomineo de Aragona Archiepiscopo vigilantissimo Senarum, et Iacobo Bonaccursio Episcopo Collensi recuperantur. – Monasterium Beatissimae Virginis Gratiarum extra Moenia Civitatis Collensis Vallis Elsae, magno Civium concursu, pioque apparatu, recedente Presbytero Saeculari, denuo ingrediuntur Religiosi Ilicetani. Die 26 Iunii. - Ad Coenobium S. Mariae de Monte Speculo sub ditione spirituali et etiam sub Principatu temporali D. Archiepiscopi Senarum, in agro eiusdem Civitatis, collegialiter redeunt, acclamantibus Populis, ac plaudentibus incolis loci, ac circumstatibus, Ilicetanì Patres. Die 5 Iulii.

 

Deus Optimus Maximus, pro sua pietate dignetur huic Vicario Generali, licet indigno, assistere, ut cuncta recte agat ad utilitatem Almae Congregationis Ilicetanae et ad Gloriam ipsius Dei.

 

DEIPARAE VIRGINI GRATIA

 

PRO ADM. RR. PP. VICARIORUM GENERALIUM

SERIE

 

Fr. Andreas a S. Nicolao Congregationis Excalciatorum Hispaniae Ord. Erem. S. Augustini.

 

 

Laudibus egregijs istius fama per orbem

   It quoque iam Sylvas personat, atque volat;

Clara Patrum series ipsam dum tanta coronat,

   Seu cingit potius; quo fuga certa lupis

Agmine pervigili fuit, ac erit omne per aevum,

   Desuper auxilium Numine dante suum.