CAPITOLO DEL 1599

Acta Capituli Provincialis Provinciae Romandiolae in Conventu Sancti Iacobi de Bononia die prima Maii 1599 celebrati. Convocatis iuxta constitutionum nostrarum formam ad sonum campanellae in sacrestia conventus prioribus ac fratribus omnibus […], perlectae fuerunt Rev.mi Patris Generalis licterae quibus praeses institutus fuit Reverendus adm. pater magister Petrus Ariminensis, cui statim omnes patres ac fratres debitam obedientiam prestiterunt. His peractis a Patre Preside tres causarum iudices fuerunt electi: primus fuit Rev.dus Pater Magister Augustinus Bononiensis, secundus Rev.dus Pater Magister Augustinus a Sancto Clemente, tertius Rev.dus Pater Magister Ioannes Baptista Ariminensis; deputatique fuerunt duo correctores, videlicet Fr. Matheus a Valle Nucis et Fr. Laurentius a Talamello. […]

Eo tempore recursum fecit Rev.mo P. Generali Mag. Alexandro Senensi, ut melius rationes considerarentur. Et sic patres diffinitorii sententiarent, ut mandavit Rev.mus P. Generalis per magistrum Nicolaum Bononiensem.