capitolo di cervia (1471)

In nomine Domini nostri Iesu Christi amen. Anno Domini 1471, 27 aprilis, celebratum fuit capitulum nostrum provinciale provincie Romandiole in conventu nostro Cervie, in quo quidem capitulo vicarius reverendissimi patris nostri generalis fuit rev.dus magister Archangelus de Arimino. Diffinitores fuerunt in primis reverendus pater magister Bartolomeus de Arimino, venerabilis frater Nicolaus de Forlivio, vice cuius stetit in diffinitorio venerabilis biblicus frater Michael de Forlivio; in 3° loco venerabilis biblicus frater Iheronimus de Brisia; in 4° venerabilis biblicus frater Augustinus de Cesena. In quo quidem capitulo electus fuit in provincialem per scrutinium, nemine discrepante, magister Iacobus de Bononia.

Acta capituli

Item locamus pro studenti bus in conventu Bononie fratrem Alexandrum et fratrem Paulum de Faventia et fratrem Petrum de Parma.

Item rogamus reverendissimum patrem nostrum generalem ut dignetur bachalarios honoris efficere venerabiles biblicos fratrem Iohannem de Ymola et fratrem Iheronimum de Brisia.